ماري فهد وظهورات القديسة “مارينا”: مغارة طَبرِية كشفت لي عن إسمها… (Video)

– للتشفّع بلبنان ولتوحّد شعبه..

***

مقتطف من حديث الرائية ماري جوزيف فهد ورسالتها حول القديسة اللبنانية مارينا منذ تسعينات القرن الماضي، مع الإعلامي شربل زوين: (17 تموز 2018)

3 ظهورات 

• في التسعينات، ظهرت عليّ راهبة بشعاع نور قوي، واظهرت لي وجهها.. ووضعت يدها على معدتي..
• مرحلة طويلة ما عرِفت إسم مين يللي ظهر عليّي..
• نحنا وصغار كنّا نصلّي بمعبد بطبرية (ناحية من بقعاتة عشقوت) وكنت أظنهّا معبد للعذراء مريم، ومرّت السنين، ورِحنا عَ أشغالنا ومدارسنا..

بعد الظهور الأول، لهمتني روح عَ طبرية.. حمِلنا الشمع والبخور، وطلعنا سير عَ الأقدام من بقعاتة عَ طبرية.. هناك في مغارة، شِفت صورة للقديسة مارينا، فصرخت.. (كان برفقتي والدتي وأخوتي..)

•  باليوم التالي، دهبت لعند الأب يوحنا سعادة، ما حدث معي، وطلبت قصتها.. وبغضون أسبوع، كانت قصة حياتها بين يديّ.. وبدأنا بطباعة الصور في أوّل سنوات

القديسة مارينا تحدثني بالإشارات، والالهامات.. كنت عارفِة بدها شي منّي، وبدها تمثال.. وإنّو بدّو يكون أوّل تمثال لها بلبنان… وفي شخص قلّي لشو تِتكلفّي عمِلي أيقونة.. وانا شخص ما بِحب ضايِق حدا.. رحت عَ البيت مسكتْ الصورةن وسألتا بشكل طبيعي:

“شو بدّك، بدّك لوحة أو تمثال.. ونمت..”

كل الليل تِبرُم بتمثالها…

بعد الظهور الأول من 25 سنة.. أنا أشكر القديسة مارينا التي اختارتني.. من جهتي سأبقى أبشّر بها حتى آخر يوم من عمري..

بالمنام من 3 أشهر، بِتفَرجيني ماشية من بعدي، وانا فايتة بمحل صخور، وقالتلي: المذبح حاضِر..

وعيت الصبح، صلبّت إيدي عَ وجّي، وصت فكّر: هيدا المذبح بطبرية.. رِحت وسألت البيت القريب من المعبد.. أخبروني إنّو صاحِب المعبد (قبل أن يتوفى) كانت طالبِة منّو القديسة مارينا قديسة، وعمِل المذبح بس..

من 25 سنة وحتى اليوم، الناس بدأت تعرف بالقديسة مارينا.. ولكن للأسف قديسة من لبنان مِخفيّة..

أنا شخصياً لوحدي عَم إشتغل.. وتاركي الأمور على مجراها.. ويوم عن يوم عم نعرف إشيا جديدي عن القديسة مارينا..

***

ورداً على سؤال ما الذي تعلمتّه من القديسة مارينا، تقول ماري جوزيف فهد:

علمّتني القديسة مارينا الصمت، والتضحية، والمسامحة، وهي تُذكرّني بالمسيح، لمّا جلدوه، ولم يفتح فاه، ولمّا إتهموها بالعار، سكتت.. وعاشت الصمت..

لازم نضحّي خصوصاً بعيالنا.. يللي عَم تِتفتَّت..

***

هللويا لشعب لبنان، آمل من الجميع أن يتحّد.. يا قديسة مارينا، تشفعّي بلبنان، وبشعبو..

نسمةُ من ربنا أنتِ مارينا البتول

دير قنوبين في صمته منك خجول..

هو يهتف ضارعاً إغفري حكمً جهور…

https://www.youtube.com/watch?v=uXqZbIX8cpw&feature=youtu.be