Agoraleaks Agoraleaks
– التيار يعتمد عَ تمويل ذاتي بخلاف الأحزاب وفي فرق بين عون والحريري وبري..
***
مقتطف من حديث منسّق مجالس الجنوب في التيار الوطني الحرّ ماهر باسيلا لقناة “المنار”: (6 حزيران 2018)
نحنا كتيار وطني حرّ عَم نِستغرب هالمسار والمغالطات السياسة اللي قامِت فيها القوات اللبنانية، من بعد الإنتخابات…
- من هجوم على رئيس الجمهورية، بمعنى إنّو ما يكون عندو حصّة بمجلس الوزراء..!!
- من موضوع التشكّي من الجيش اللبناني في الدوائر الأميركية، ورفض تسليحه..!! كأنو في قلّة إدراك لدى القوات للواقع الجنوبي واللبناني، امام التحديات والتهديدات الإسرائيلية، هل معقول التسكير على الجيش اللبناني لأنو ما بتِتفّق مع المقاومة..
- من موضوع مرسوم التجنيس لحوالي 360 شخص، وهم من المحرضين الأساسيين لها..!!
اللي مبيّن إنّو حاسّين وكأنو عندن فاض من القوة، بوقت هنّي أخدو حجمُن الطبيعي، ونحنا نقرّ بحجمهم الطبيعي حكومياً وغير حكومياً..
اليوم خلقت القوات خلل مع باقي الأطراف، بعكس التيار الوطني الحرّ الذي يتحرّك ضمن قواعد، وبالتالي التيار قادر أن يتواصل مع جميع الأطراف السياسية بلبنان بشكل مريح.
الفرق بين عون وبري والحريري
الكلّ يقرّ إنّو رئيس الحمهورية منّو عَم يمارس صلاحياتو وكأنو رئيس للتيار الوطني الحرّ ، وكان بمقدوره أن يبقى رئيساً للتيار الوطني الحرّ ويبقى رئيساً للجمهورية، كما رئيس تيار المستقبل وهوي رئيس للحكومة، ورئيس حركة أمل هوي رئيس لمجلس النواب.. ولكن العماد ما بِفكّر بهذه الطريقة.. في فرق كتير كبير…
تمويل
التيار يعتمد على التمويل الذاتي، من أفراد ولا يعتمد على تمويل من دول أو من جهات خارجية، هالشي فتح لرؤساء رجال الأعمال انو يقتربوا من التيار، والتيار إستوعب ذلك، وبرأينا هذا الأمر غنَى لأنو الشخص الناجح بعمله، ليه ما بدّو يكون ناجح بالسياسة، إذا كان عمله ضمن مبادئنا وأطر العمل السياسي التي يضعها التيار.
وهالشي منيح لأنو ما بخليّنا نمدّ إيدنا على اي جهة خارجية، وبالتالي قرارنا ما بِكون مُرتهن لأي جهة.
الجنوب
نحنا كانت واجباتنا تجاه ناسنا، وشعبنا بالجنوب، إنّو نقدر نجيب حاصل، ونكون ممثلين بالشكل الصحيح، لأنو الجنوب مسيحياً ليس ممثل بالشكل الكافي.. بقضاء جزين فقط يوجد نائبين للتيار، ونائب ضمن تكتّل الرئيس بري، وباقي الجنوب التمثيل ليس مصحّح بشكل أو بآخر…
بالنسبة للدائرة الثالثة، قدرنا نركّب لائحة كاملة.. بخلاف القوات اللبنانية، فكان عليهم دعم لائحتنا، في حال كان يدعون حرص التمثيل المسيحي… وهم كانو أحد الأسباب إنو التيار حتى لا يحصل الحاصل الإنتخابي.. وهم يتحملّون المسؤولية بعدم تمثيل المسيحيين في دائرة الجنوب الثالثة.
واليوم ما بقا في تكهّن، معروف حجم النائب أسعد حردان، ومعروف حجم التيار الوطني الحر، وحجم القوات اللبنانية، لنكون واضحين..
رصد Agoraleaks.com
