جوزيف أبو فاضل: أنا عنصري ومتطرّف للبنان والمسيحيي ما بيِقبلو لمَا يطير لبنان (Audio)

– غير هالحكي تفنيص..

***

مقتطف من حديث المحلل السياسي جوزيف أبو فاضل لقناة الـ”الجديد” ضمن برنامج “الحدث”: (7 حزيران 2018)

يُسأل من الإعلامية نانسي السبع، منّك مع تجنيس الأم اللبنانية..!! يردّ:

أنا مدافِع عن الأمة اللبنانية والكيان اللبناني.. وأنا أدافع عن الأم اللبنانية ليل نهار.. ولكن إذا عَم نِحكي عن سورية ما منِقدر..

الأم اللبنانيي تتجوز أجنبي بتاخود جنسية جوزها، يعني حضرتك مجوزّة، بِتروحي تلحقي جوزك، عَ ضيعتو.. ومَرتي بس تجوزتا، إجِت لعندي مش انا رِحت على ضيعتا..

اليوم ما حدا يقِلّي ليك بأوروبا وبأميركا الجنسية.. هونيك شي وبلبنان شي..

السبع: بس عَم تِحكي بطريقة قد تُعتبر تمييزية.. يقول:

إيه أنا تمييزي، وعنصري، ولبناني متطرّف.. إيه أكيد.. شو قيمتي أنا.. تإبقا غيّر إسمي لكن.. وسمّي اسمي بو ناسك.. لاق أنا متطرّف..

متطرّف للبنانيتي.. ونحنا مش يهود بس تِتجوّز المرأة شخص سوري او فلسطيني، او عراقي أو أردني، بدها تعطيه الجنسية.. ما فينا نغيّر ميزان القوى بلبنان. بعشر سنين بيتغيّر وجه البلد.

يِسمَحولنا فِيا.. أنا زلمي متعصّب ومتطرّف وعنصري ومتزمّت للبنان، أنا منّي غني معي ملايين، تَ روح عيش وين مكان.. وبأميركا رجال بيتجوّز رجال، ومرا بتِاخود مرا.. نحنا منِسمح فيُن بلبنان..!!

إذا رجال لبناني الو حق يعطي مَرتو الجنسية… ولكن ما رَح نِقبل إنّو مرأة تعطي ولادها.. والمسيحيي ما رَح يِقبلو.. والوزير باسيل لمّا تحدث عن الموضوع قصدو بحالات معينة، والاّ بعشر سنين راح لبنان.. وكل حكي غير هيك تفنيصة..