وديع عقل لأبي نجم: كون مُحتَرم.. والقوات تدخل الحكومة بشروط بناء الدولة (Video)

وديع عقل يذكّر أبي نجم قليل الأدب بقانون العفو.. (التفاصيل)

***

مقتطف من حديث المحامي وديع عقل لقناة الميادين في مقابلة جمعته مع الإعلامي طوني أبي نجم: (حزيران 2018)

لمسنا بالحكومة إنّو في مجموعة وكانو زراء القوات اللبنانية رأس حربة فيها. وكانو سلبيين وتعطيليين، ووصلنا للإنتخابات النيابية، كمان كان في حملة شرسة جداً تجاهنا…

رغم كلّ ذلك ضلينا متسامحين بهيدا الموضوع. ورغم كل ذلك مش عَم نِمنعهم من الدخول الى الحكومة، بس بِفوتو على الحكومة بشروطنا، وشروطنا هيّي إنّو نِبني دولة، وما بدنا نضلّ بهالحقبة البشعة السودا..

ولمّا طلب المحامي عقل من أبي نجم أن تحترم القوات القوانين، قال الأخير: هل قصدك قانون التجنيس.. أجابه وديع عقل:

لاق قانون العفو.. نحنا صافحين عنكم يا استاذ طوني طوّل بالك شوي..

الحزب اللي كنت تمثلو، كان محكوم..

وفيما بعد يطلب عقل من أبي نجم: عدم تقليل التهذيب بالكلام. إضحك بس ما تقلّل تهذيب. انا قاعد هون ومحترمك، عمول معروف كون مُحترم..

ويضيف عقل:

ما في معرفة قانونية لليوم. الطعن أمام مجلس الدستوري يكون بالقانون وليس بالمراسيم. ما فينا نعلّم هلق قانون، وخاصة يللي عَم يِحكو، في جامعات لازم يروحو عليها، قبل ما يحكو سياسة.

الحكومة

https://www.youtube.com/watch?v=wLjh36ux4ZA&feature=youtu.be

النص الدستوري يعطي رئيس الجمهورية ورئيس الحكومة صلاحية تشكيل الحكومة، وما يحصل اليوم هو فعلاً هو تشكيل وعمل جدّي دستوري لتشكيل الحكومة، والفرق بين اليوم وكل السنوات الماضية البشعة، إنو في رئيس للجمهورية قوي، ويمثّل مجموعة كبيرة من اللبنانيين، وعندو تحالفات وطنية عابرة لكل الطوائف والمذاهب. وهوّي ورئيس الحكومة عم يألفو الحكومة، ونقطة عَ السطر.

كل الإعتراضات والكلام لا يؤثر.. لكن طلب مساعدة سعودية وطلب تدخل الخارج ليكون لصالح القوات، برأيي خطأ كبير إستراتيجي، لأنّو ضُربت صورة القوات، وهون عندُن نقطة ضعف كبيري، لأنّو في فريق خارجي عَم يشدّ بهه لصالح الداخل، في حين نحن بلحظة مثالية لتفاهم كبير بين اللبنانيين.