Agoraleaks Agoraleaks
– اللي بيكذب حتى يربح إنتخابات، كيف بصدقو وقت ما في إنتخابات (Video)
***
مقتطف من حديث النائب أنطوان زهرا بعد تهنئة الرئيس بري بالإنتخابات النيابية، من المصيلح:
هنأتو بإنجاز الإستحقاق الإنتخابي، متل ما منهنّي حالنا.. وكانت مناسبة لموضوعين نِحكي فِيُن:
1) ما حصل بالشارع إستنكرها أشدّ الإستنكار، وأكدّ اللي حامِل علم أمل لا يمتّ بأمل بصلة، وشدّد على الأجهزة الأمنية تقوم بواجباتها، وتقمع المخالفين، وهالشي بطمّن.
2) حكينا بقضايا مجلسية، انا عضو هيئة مكتب، وعنا قضايا إدارية، نريد بتها قبل تسليم الأمانة.
والرئيس بري متل العادة، منفتح وخلوق، وتبادلنا التهاني، لأنو بالمحصلة بَركي حَدَن مش منتبه، اكبر رابحان بالإنتخابات، هنّي القوات وحركة أمل..
يُسأل عن الوفود المهنأة للرئيس بري، يقول:
ما بدّي صيبو بالعين ، بس ما شاء الله الولاء والمحبة معروفين من زمان، والشاهد الأكبر، مُرهق الرئيس بري باستقبال الناس ، وبالحقيقة عم يِتعب حتى ما يزغردو ويطولو عندو، حتى يعطو مجال لبعضن..
يُسأل عن كتلة القوات ، واستهداف القوات، والتحريض، يقول:
القوات اللبنانية نتيجة ممارستها الشفافة، وعدم تلونها بخطابها السياسي، المصداقية عَطيتها الناس، وعبرّوا عن إعجابُن بهالصدق. مرات بتختلفي مع الآخر بالرأي، المهم ما يكذب، ما يكون يوم الإنتخابات خطاب تحريضي، وبس تنتهي الإنتخابات يقول: خلصنا هودي لزوم للحملة الإنتخابية..
اللي بيكذب حتى يربح إنتخابات، كيف بصدقو وقت ما في إنتخابات..
يُسأل عن كلام رئيس التيار وقول باسيل، لدينا أكبر كتلة يقول:
يؤسفني إنّو استعمل العهد بالإنتخابات، وكان التوجّه إنّو بدنا كتلة داعمة للعهد، اللي حصل إنّو على صعيد التيار الوطني الحرّ رجع عددُن أقلّ.. امّا اللمّة اللي حواليهن من طاشناق ومستقلين، ما بعرف إذا بيقدرو يعملوهن منهم بشكل دائم أو ظرفياً..
عملياً القوات هيي الرابح وحركة امل متل ما قال بري..
https://www.youtube.com/watch?v=Ne8cjmiRG1c&feature=youtu.be
