أمل أبو زيد في رسالة للجميع يلّي وقفوا حدّنا ويلّي غدرونا..

– نحنا ناس نغدرنا …

***

كلمة النائب أمل أبو زيد للمؤيدين، إثر نتائج الإنتخابات النيابية في جزين:  

رح نضلّ الصوت العالي اللي ما بيسكت ليصحّح الأداء ويحاسب كل مين عم بيغلّط !

شكراً للجميع على ما فعلتموه، وانتم تعرضتم لأذى معنوي..

• نحنا ناس ما منِنسى اللي وِقف حَدنا ، مش بس صوتّلنا، ليللي بعقلو وبقلبو يكون أمل أبو زيد يكون بالمجلس النيابي..
• على الأكيد، نحنا ناس نغدرنا ، انتو ناس نغدرتو.. الناس اللي لازم يوقفو حَدكم، غدروكم.. ولكن معليش، انا شخصياً بسامح، كل واحد أساء ، وفكّر فيّي بالغلط ، وخصوصي ولاد جبل الريحان ، يللي أنا بِعتبر شقفة منهم…
• للأسف يللي عِملو ، نشالله كون مغلّط ، رجعو وقعّو حالُن بورطة ، مني أكيد رح يعرفو يطلعو منها..
• على كل حال ، مِنقول: مبروك ليللي رِبحو.. نتمنى إنو يتوفقو.. ولكن انا ما عندي ضغينة، ولا بِحقد عَ حدا.. يمكن غلطنا بمكان، وما في إنسان ما بِغلّط ، ولكن على طول ، انا إنسان مسيحي مؤمن ، بآمن إنو التسامح شي أساسي.. مِنسامح بس ما مننسى…
• في أشخاص، قالولي، إنتا عارف لوين رايح.. ؟؟ قلتلّن: إيه، كنت مفتكر إنّو الناس متلي بِتفكّر بالمنيح… لكن للأسف في ناس بتفكّر بالعاطل.. بس الدنيي مش خالصة بكرا، بعدو الزمن لقدام..
• يللي بدّو يغلّط بدنا نحاسبو مين ما كان يكون… بأي موقع من المسؤولية موجودة، إن كان إسمو تيار وطني حر، حركة أمل ، مقاومة.. نحنا وقفنا حَدُّن دون ثمن، هنّي ما عِرفو وِقفو حدّ حالُن.. للأسف ما عِرفو وِقفو حدّ ناس فاتحين قلبكم وصدركم وعقلكم حتى تتعاطو مع الناس بكل محبة وإحترام..
• معليش جزين رفضتو لأمل أبو زيد، بس الأصوات اللي أخدتا بعتبرها، ميدالية من الناس، ومِتل ما البعض بجبل الريحان كانو فدائيين، هودي فدائيين.. وأكن لهم الإحترام..
• بكرا نهار جديد، وسمعو منّي، إنسوا اللي صار… الحقل العام منو بالموضوع السياسي، ويللي وقفو حدنا، رح نكون الى جانبهم، إن كنّا نواب أو لاق..
• يللي غدرونا، ينسو إنّو في أمل أبو زيد..

منسامح بس ما رح ننسى والإيام بيناتنا.

امل ابو زيد