رسالة المحامية باسكال فهد الدويهي

– عن 7 مجموعات بكرا رايحة تصوّت… 

***

صباح الخير يا جماعة …

بكرا رايحين ننتخب و نحن مقسّمين الى مجموعات على الشكل التالي:

1- مجموعة أقارب الزعيم يللي ما فيهن يطلعو من ابن العيلة بحكم رابطة العاطفة والدم (هودي المحترمين الراقيين الصادقين)

2- مجموعة أصدقاء الزعيم يللي بتنقسم بدورا الى قسم وفِي للزعيم بلا ولا شي بحبك (كمان ما فينا الا ما نحترمن) وقسم بيقبض مال انتخابي وبيدنّي نفسو (والزعيم مفروض ما يكون ممنون لهيدا القسم بس ماشي الحال )

3- مجموعة الزلمي المنكي يللي بدو اي زعيم تاني يوصل الا ابن ضيعتو لأنو كان مفروض هو يكون محل ابن ضيعتو بس ما زبطت معو ….. لك اي اي هيدا الزلمي يللي بيحكي شي بالليل وشي بالنهار .. ما غيرو… يللي كان قايل لابن ضيعتو انا معك وبطّل يرد عالتلفون ….

4- مجموعة الموسيقى وال convoy الضجرانين (عند كل الأفرقاء) هودي متل جماعة ال hard rock ممكن ينتحروا اذا بدك مش بس ينتخبوا

5- مجموعة حقودة بتكره وبتهاجم وبتهجم وكل يوم مننطرا تنشوف عندا شي فكرة منطقية تقنعنا فيا … دون جدوى….

6- مجموعة واعية رايقة بتقول انا بدي حبّن كلّن لأنو كلن أهلي بس بدي شيل قلبي ع جنب شوي و فكّر كيف كنا عايشين قبل العهد و
كيف صرنا عايشين هلق…..
كيف انتخبوا المغتربين…
كيف قضينا عالإرهاب….
كيف رجّعنا كرامة رئيس حكومتنا….
مين وقف بوجه السعودي يللي عم ينفذ أوامر ترامب …
كيف صار النفط واقع…
شو عملو الجماعة بمؤتمر بروكسل ….
شو عملو بالقضاء …

أضعف الإيمان : كيف صار الموظف فجأة بيحترم المواطن و هو ذاتو يللي كان مكشّر عن انيابو وفاتح جرارو صار دائم البسمة وتسكر الجرار وما بقى بدو الا الرضى….

كيف الرئيس الفرنسي بيقول للأوروبيين بمؤتمر الأرز الأول نحن بدعمنا للبنان نحمي أوروبا من الإرهاب لأنو بقضاء لبنان على الاٍرهاب ترتاح أوروبا….

مين سيد العهد ومين رئيس الحركة يللي عم تحاربو؟ وشو عمل كل من الرجلين في هذه الجمهورية المسكينة …طيب …..

اليوم نحن قدام فريقين :
العهد والحركة يللي عم تحاربو هي و حلفاءا….

عشية الانتخابات….. انا باسكال فهد مستعدة انتخب ضد العهد اذا بلاقي شخص واحد وحيد يقنعني انو الحركة يللي عم تحاربو أنصف أو أشرف منو…..

ليتقدم احدكم ويقنعنا نحن المؤمنين بحكمة وحنكة الرئيس و المتمسكين به لأنه ضمانتا….. ليقنعنا ان الحركة أشرف من الرئيس….عندها سنقف الى جانبها و ندعمها
يا جماعة……فيقوا بقى الله يخليكن….

اه….. نسيت مجموعة:

7- مجموعة سامية حالا ع تيار لأنو تيار قوي بس عندا مشكلة مع مرشّحو….. هودي الفهيمين يللي بدن ينقّو المرشح ع ذوقن او ما بدن ….

يللي بيفهمو اكتر من الرئيس مين المرشح الأنسب….. قسما بالله هودي المجموعة الأسوأ….. أسوأ من جماعة ال hard rock ….لهم نقول: نحن مع العهد ولسنا مع أشخاص….. ارتقوا …..

صوتي التفضيلي ….. لمن يقنعني ان من يحارب العهد أفضل منه…. Meanwhile

#صوتي_للعهد
#صوتي_بيار_رفول