Agoraleaks Agoraleaks
قصيدتي وكلمتي (نص وصورا) بتقديم جبران باسيل بختام مهرجانات التيار الـ17 اللي قدمتن:
***
صوتي إلك
***
الْبَتْرون بَيَّكْ، إِمَّك، وْلادَكْ،
وِجّ الْحَبيبي الْغامِر بْلادَكْ…
خَيَّكْ وإِخْتَكْ، جارَك،
جْدودَكْ، فينيق الْأَرْض بِرْمادَكْ…
مَيْرون ميلادَكْ…
وِالْبَحْر جِرْن تْعَمَّد بْمَيِّةْ عينَيْكْ
وِالجِّرْد مَبْخَرْة الْمَدى،
وْراس الجَّبَلْ زَرْدي بْإيدَيْكْ…
وِالْقَلْب دَرْب مْقَدَّس
وْحَبّات مَسْبَحْة الصَّلا
مِنْ دَعْس قِدّيسين،
طالِتْ جِبِّتُنْ
عَرْش السَّما
وْكِلْ يَوْم بِتْفَيّي علَيْكْ…
الْبَتْرون ميلادَكْ
وِجْمَعْت أَهْلا وِالجِّرِدْ
وِالْقَلْب وِمْواج الْبَحِرْ
بِقَلْبَك وْرِزْنامتَكْ
وِعْمِلْتُن عْيادَكْ…
يا صديقي،
يا خيي،
يا رفيقي ورئيسي،
رافقتَكْ، بْهَـ الكِمْ يوم الْمرقو، بستَّعشر مهرجان إنتخابي، وكنت إختم كل مهرجان، وقلَّك:
يا متعِّب الأحلام، يا مالي دنيا السياسي وشاغل الناس،
الليلي من البترون بقلَّك،
أنا حبيب يونس إبن شاتين – تنورين – البترون:
صوتي للعهد
صوتي للرئيس القوي
صوتي للتيار القوي
صوتي للبنان القوي
صوتي للبترون القويي
صوتي إلك،
صوتي إلك،
صوتي إلك… جبران باسيل!!!
حبيب يونس
4- 5 – 2018
https://www.youtube.com/watch?v=JsUqd51jKhs
