ندى أندراوس تصحّح لعبدو سعد المغالطات التي طالت التيار.. وكلام متناقض بـ10 دقائق..!! (Audio)

– عبدو سعد يساعد القوات أم حواط.. وخطأ بحق ابراهيم عازار يعتذر عنه.. وتحضير لجمهور المقاومة للتحالف مع القوات.. ألإضعاف التيار!!!
– تصحيحات لتبقى المصداقية لمركز بيروت للأبحاث والمعلومات + هديتان فيديو… (تفاصيل مثيرة)

***

مقتطف من حديث المحلل الإنتخابي عبدو سعد لقناة الـ”LBC”: (نيسان 2- 2018)

يقول عبدو سعد:

كل الطبقة السياسية، وكل الأحزاب، ما حدا طرح برنامج أبداً.. شعارات.. (الرد: التيار لديه برنامج كامل ووضع ناخبيه بما أنجزه وزراءه ونوابه) حتى القوات اللبنانية يللي هيّي بدها تتصدّى للفساد، وتلاقي حزب الله، لأنو القوات عندُن تململ من الفساد القائم..(!!!) وهيدا أمر جيّد.. أنا كتير بكون سعيد كلبناني، وكل اللبنانيين لمّا بشوفو فعلاً هذا الفساد عَم يُحارب، وخصوصي فريقين متقابلين من حزب الله والقوات.. لأنّو أنا بدّي شوف التيار كيف بدّو يتصرّف بالحكومة الجديدي..!! هل بدّو يُشرك القوات اللبنانية..!!

تسأله الإعلامية ندى اندراوس: ليه بدّو يغيبها..؟

يردّ: هيدا تساؤل.. مش صحيح أبداً انو يِعزُل أحد… !!! من سنة 1943 ونظامنا قائم على توافق، يعني إئتلاف ( التعليق: التيار ليه مين عَزل؟؟ حزب الله بحرب تموز.. أم السنّة بأزمة الحريري.. أفضل ما تسأل..؟)

تسأله ندى اندراوس: ليه عَم تقول هيك أستاذ عبدو، كأنو في نيّة للعزل؟؟

يقول عبدو سعد: لأنو قبل حُكي كتير عن إقالة، مش استقالة وزراء القوات..

تعلّق ندى أندراوس: هيدي مشكلة كانت بين القوات والمستقبل، وبسبب موقف القوات ، ووزرائه وجعجع تحدثوا عن رغبتهم بالإستقالة؟؟

يقول عبدو سعد : ماشي ، ماشي..

يضيف عبدو سعد: ما في لايحة بلبنان، باستثناء الدايرة الثانية والثالثة بالجنوب، لا يوجد متموّل فيها..

تعلّق ندى أندراوس: هونيك في تكليف...

يقول عبدو سعد: حسابات ضيقة “Calculator”.. واليوم أكثر الخاسرين بهذا القانون هو التيار الوطني الحرّ.. (التعليق: كان قبلاً يتحدث عبدو سعد، أنّ الخاسر الأكبر هو تيار المستقبل..!!)

تسأل ندى اندراوس: ليه؟

يقول: يعني ، رح يجيب شي 10 نواب فقط من تيار الوطني الحرّ..؟ وكتلته يمكن تكون شي 19-20 نائب.. كان التيار يستطيع ان تكون كتلته 30 نائب، لو في دائرة واحدة… (التعليق: حبذا لو يقرّ قانون اللقاء الأرثوذكسي، فيه تُحرّر الأصوات المسيحية من هيمنة حركة أمل والمستقبل.. )

ندى اندراوس: وليه الدائرة الواحدة خوفته..؟

يقول عبدو سعد: ما بيعرف… أخطأوا بالحسابات..

ويضيف سعد بخصوص الفساد : أنا ضامِن بالنسبة لموضوع الفساد، إضافة الى حزب الله والقوات اللبنانية، فخامة الرئيس.. هوّي رح يكون الإصلاحي الأوّل..

تعلّق ندى اندراوس: هيك فصلتو عن الوزير باسيل..

يقول عبدو سعد: هلق هوّي رئيس جمهورية، مش رئيس تيار وطني حر.. (تعليق: تماماً كرئيس مجلس النواب..!!) 

عبدو سعد: أنا ما عَم إنتقد التيار الوطني الحر.. نحنا وضعنا كل آمالنا عليه، إنّو هوّي تغيير وإصلاح… هلق هوّي بالحكم، وعندو شركاء أقوياء..

تعلّق ندى اندراوس: طيّب إذا خيّب آمالكم، ليش؟ ما شِفنا العراقيل.. مشروع دير عمار وِقِف.. طِلع التيار هوّي الوحيد الشيطان بينما غيرو.. ما التركيبة من التسعينات، بدّو يجرّب يِعمل شي التيار.. ما وقت صار العهد معو، شِفنا مَرسوم واحد لم يوقّع…!! ما رئيس الجمهورية شو قادر يِعمل بصلاحياتو.. وككتلة نيابية ووزارية شو بيِعملو ببلد محكوم بالتوافق..!!

يقول عبدو سعد: التيار هوّي الوحيد اللي فرض مشاريع إصلاحية.. أنا ضدّ التيار بمجالين.. (التعليق: في بداية الحلقة، أشار أن لا أحد قدّ مشاريع)

• مجال قانون الإنتخاب..
• مجال تشكيل لوائحو.. ( الردّ: ماذا عن أخطاء حزب الله مثلاً حول البير منصور، وحركة أمل واستولاها لمقاعد المسيحيين..!! ماذا عن إقفال الثنائي الشيعي التحالف مع التيار بالجنوب.. ومصادرة النواب المسيحيين..؟؟ )

يضيف المحلل السياسي عبدو سعد: شو اللي بيِجمع التيار الوطني الحرّ بالسياسة وبالإيديولوجيا، وبالبرامج مع الجماعة الإسلامية.. هو تحالف الضرورة..

تعلّق ندى أندراوس: سنة 2005 حزب الله عِمل الحلف الرباعي.. كمان قلنا شو اللي بيِجمع بوقتا.. وأأأأفففففف..

عبدو سعد: إيه صحيح..

يتدخل الإعلامي ابراهيم بيرم: 

ما هنّي إضطرّوا بصيدا انو يتحالفو مع الجماعة الإسلامية، لأنو بالنهاية ما زبطت.. الثنائي الشيعي رفض التحالف معًن، وكذلك المستقبل..

عبدو سعد: ما حدا بينتقد هيدا الأمر.. بس أنا ملاحظتي على التيار، إنّو هل يُعقل بمعقل الموارنة في لبنان بكسروان، ما يِتمثلو الاّ بشخص واحد التيار الوطني الحرّ…؟؟؟

تصحّح ندى أندراوس: كيف في روجيه عازار وشامل روكز..!!

يقول عبدو سعد: باستثناء روجيه عازار، ما في مرشّح حزبي عن التيار، وليس مضموناً بيربح..!!! شامل روكز منّو تيار..

تقاطعه ندى اندراوس: لو مش تيار هوّي مع العهد..

إختفى المنطق!!

يقول عبدو سعد: الكل مع العهد، حزب الله مع العهد… ليه التيار حزب، ما التيار الوطني الحرّ بيقدر يجيب 3 حواصل بقوته الذاتية ، مش بحاجة.. (تعليق: فاذن قادر يطلّع روجيه عازار وشامل روكز… لاق!!) 

تردّ ندى أندراوس: لكن كل الأحزاب لا ترشّح فقط حزبيين..

يقول عبدو سعد: هلق كل هالناس مع التيار بتوضعيها جانباً.. رح إحكي عن أنطوان عطالله.. (تعليق: حاش تِلعَب بين مرشحي التيار)

ترفض ندى اندراوس الكلام عن أسماء… وتقول: مش التيار وحدو عِمِل هيك… إنت بس عَم تِحكي عن التيار..

عبدو سعد: عندي ملاحظات على التيار إنّو كان لازم يجيب كلُّن حزبيين.. (تعليق: غيرة مش بمحلها.. يبدو أنّه يريد تقوية لائحة بري بزعامة فريد هيكل الخازن..!!)

تسأله ندى أندراوس: ما عِندك ملاحظات عَ غير التيار..؟

عبدو سعد يهرب بالذهاب الى العموميات: هيدا الخطاب الإنتخابي، هيدا التحريض المذهبي..

إعجاب عبدو بذكاء جعجع

تسأله: هل عِرِف كل حزب يِعمل مصلحتو بالتحالفات..؟ يقول:

الى حدّ ما نعم.. طلع أذكيا كتير القوات اللبنانية.. راحو بجبيل ما عنُدن حاصل يِربحو.. وبقِلك ياها بأمانة ، انا قعدت مع زياد حواط، وسألني رأيي، وقلت له: تحالف مع القوات، بشرط إنت المرشّح الوحيد حتى يَعطوك أصواتُن.. أنا هيدا الموضوع دارسو منيح..!!

تقول ندى اندراوس: يعني مش بس التيار تحالف مع ناس مش حزبيين..

عبدو سعد: يمكن لا سمح الله يسقط روجيه عازار.. (التعليق: أيهما أفضل أن تكون أصوات العونية مجزأة عَ 3 أشخاص تيار حزبيين + شامل روكز ، أو موجهّة الى شخص روجيه عازار الوحيد كتيار ملتزم + شامل روكز.. وين الـ”الآلة الحاسبة”..).

تقول ندى أندراوس: لنترك النتائج للأيام الجديدة..

بيرم يوقع سعد بفخ غير مقصود..؟

يقول إبراهيم بيرم ويوافقه عبدو سعد: بيعرف الإستاذ عبدو سعد أكتر منّي.. حزب الله وأمل، بيِحسبو إنّو 8 آذار الصافيين بدها تجيب 43 نائب.. يعني حزب الله – أمل- السوري القومي – المردة + حلفاؤن…) مش هيك إستاذ عبدو سعد ، بس مع التيار الوطني الحرّ بدّن يجيبو 70 نائب وما فوق..

يقول عبدو سعد: أكيد وما فوق… 

بَدها “Calculator”..

43 نائب (نواب الثنائي الشيعي) + 19 نائب للتيار (توقعات عبدو سعد) = 62 نائب… هيك بعد دقائق.. صار التيار رَح ياخود 27 نائب أقلّه، بعدما كان 19.. !!!

تقول ندى أندراوس: لكن مش ضروري التيار يكون بكل شي مع الثنائي الشيعي، لأنو عندو يمكن التيار عندو حسابات أخرى..

عن آفة شراء الأصوات يقول عبدو سعد: بجزين.. يتراجع عبدو سعد..!!! (غلطة بحق الثنائي الشيعي) عفواً لاق ما قِلت بجزين.. مش قصدي جزين أبداً.. قصدي :

• كسروان
• المتن
• بعبدا
• عاليه
• الشوف
• عكار
• بكل الدوائر.. (الردّ: باستثناء جزين وإبراهيم عازار.. وماذا عن أموال التي تدفعها القوات والمردة، وحزب الله من خلال جان لوي قِرداحي..)

وعن اكبر الكتل يقول عبدو سعد: 

• الأوّل هو للثنائي الشيعي (بما إنو 27 نائب شيعي + البقية من الطبيعي أنّه يقصد نواب المسيحيين الذميين)
• الكتلة الثانية هي للمستقبل، (24 نائب) بس مش سنّة فقط.. (الردّ: هذا الكلام يناقض كلام سابق لعبدو سعد، وتأكيده أنّ الخاسر الأكبر هو المستقبل)
• الكتلة الثالثة هي للتيار الوطني الحرّ

لكن المفاجأة ستكون بكتلة القوات اللبنانية وازنة، بقوتها (الرد: صحيح هذا نتيجة جهود التيار الوطني الحرّ…)

هدية Agoraleaks لعبدو سعد، بخصوص رهانو وتمني رهان حزب الله على رهانو بالتحالف مع القوات لمواجهة الفساد..

https://www.youtube.com/watch?v=ADwPeHk0cTs

https://www.youtube.com/watch?v=eWhbVqqDNw0&feature=youtu.be