نقولا الشماس: هَوِّر يا بو الهوارة التيار وِجّ السحّارة، أفكارو بِتفيد الكلّ ولإنقاذنا عبّارة… (Video+Audio)

– النصر آتي بـ 6 الشهر ، وهَي مش كلمة بصّارة … فيا بيروت ستّ الدنيا ، ما بقا تِبقي محتارة … نقولا وأنطوان ومسعود حِطيهم بالصدارة …

***

هَوِّر يا بو الهوارة ، الوضع يأس ومرارة … 
نحنا ببيروت الأولى ، علم و فن و حضارة …
إجا أواني التغيير فاطلقوا هالصفّارة …
تَ نِنزَل عالبرلمان ، بدنا منكُن إشارة …

هَوِّر يا بو الهوارة ، تَ نولّع المنارة … 
لازم نشيل الفاشلين ، ونجيب ذوي الجدارة …
بكرا التاريخ ما بيِرحَمْ ، كَن أخطأنا الخيارا …
فاعطونا الأصوات بزخم ، وللآخرين بالقطاّرة …

https://www.youtube.com/watch?v=zw97e3oeyNM&feature=youtu.be

هَوِّر يا بو الهوارة ، الدايرة الأولى جبّارة …
تمثيل أهلا شرف كبير ، بدّو نَخوة وشَطارة …
الوضع بيِحمل حكّ ركاب ، مش بس إبرة وسنّارة…
ميزان اللعبة تغيّر ، إمّا منِمشي بالإصلاح، وإمّا لحّق عَ خسارة…

هَوِّر يا بو الهوارة ، الكلمة نقولا جهارة …
عاصمتنا هيّي للكلّ ، مسلمين و نصارى …
فيا بيروت ستّ الدنيا ، ما بقا تِبقي محتارة …
نقولا وأنطوان ومسعود حِطيهم بالصدارة …

هَوِّر يا بو الهوارة ، حَملِتنا على نارة…
لايحتنا حديث الكلّ ، بين الكِنّة والجارة …
كاريزما فوق المعهود ، تجدّد ونضارة …
ويا رب تبارك وتزيد الشخصيات القهّارة …

هَوِّر يا بو الهوارة ، التيار وِجّ السحّارة …
أفكارو بِتفيد الكلّ ولإنقاذنا عبّارة …
سياسة ومال وإقتصاد ، ومجتمع وعمارة …
نحنا همنا الوحيد إنقاذ لبنان والحارة …

هَوِّر يا بو الهوارة ، جبران نجم الوزارة …
بحركتو مدوّخ الكلّ ، بين إدارة وصفارة … 
النصر آتي بـ 6 الشهر ، وهَي مش كلمة بصّارة …
هيدا تِقدير الشمّاس ، ودراساتو المختارة …