الناس عن جريدة “الجمهورية” عايشة بالإمارة – العمارة ورندلى جبور: النسبية إبرة نفسِّت بعض الأحجام.. (Audio)

– بدأ التغيير والناس بلشت تِطلع من خوفها.. 

***

مقتطف من حديث رئيس نقابة المرئي والمسموع، عضو المجلس السياسي في التيار الوطني الحر الإعلامية رندلى جبور، ضمن برنامج “أجندة اليوم”: (26 نيسان 2018)

 

الإنتخابات النيابية

الوضع على الأرض في حماوة، وهيدا الشي طبيعي بفترة إنتخابية، وخاصة

• انّو عَم نجرّب قانون جديد لأول مرة
• في نسبية والكلّ عندو آمال بإمكانية الخرق والوصول
• في بعض الناس حجما مضخّم، بسبب القوانين السابقة، والأوضاع السياسية السابقة، واليوم النسبية إبرة تُنفّسها، لأنو رح ترجعهم لحجمُن الطبيعي.. من هيك يمكن آخد عَ خاطِرها شوي.. من هيك نراها تخزّق صورة من هون..

ولأنو الكلّ عَم يتحرّك، عَم نشوف بعض الإشكالات.. لكن الصورة كتير مضبوطا وكتير طبيعية

اللوائح

مرشحو اللوائح إذا بيجتمعو ، وبجربو ما ياخدو من بعضن أصوات تفضيلية، ويتركو الناس الحرية، يمكن يطلع الها أكتر حواصل إنتخابية، لأنو الناس عَم تشوف صار هيدا سباق على السلطة، مش سباق للخدمة وحب للشأن العام

كلام الرئيس عون معبّر برسالته، والصوت التفضيلي سببه بعض المرشحين، وبعض الذين حوالى المرشحين..

المرأة

جزء من التطور والخروج من العقليات السائدة، هوّي إنو تدخل المرأة الى الحياة السياسية، ما خِلصِت الدِني، عنّأ هلق 4 سنين.. وبقول للمرأة اليوم بلّش نضالك، ممنوع اليأس..

المال

مش للأغنياء النيابة والوزارة والسياسة بلبنان.. لاق بالعكس إبن البيت المتوسط أو الفقير، هوّي أكتر من يشعر بوجع الناس، واذا وِصِل ممكن (إذا كان شِبعان) يساعد وينقل وجع الشعب..

الصحف

أكتر فترة مِنلاقي العناوين مسيسّة ، وعم تروح لمطرح آخر، ولمكان آخر.. يعني نحنا اليوم.. في كِترة نَق بالصحف، مع انو اليوم نحنا بأفضل وضع عَم نعيشو من سنين.

ليه عَم تِخفو الإنجازات، والحقايق عن الناس.. ؟ ليه عَم تكذبو..؟ في كمية كذب واوهام وعدم قول الحقيقة بشكل مش طبيعي..

التنوّع

ولّى زمن الآحادية، وين مكان ما بقا في آحادية.. بمناطق المستقبل أصبح التنوّع هو السائد سواء في صيدا وبيروت والبقاع الغربي وطرابلس وعكار، وكذلك ولّى زمن الآحادية لدى الدروز..

بطّل في حَدَن يقول أنا بدّي إحكُم لبنان، وتجي الأمور معلبة وخالصة قبل الإنتخابات.. مش صحيح اللي عَم يقولو البعض، بلّش التغيير ونحنا ببداياتو.. وكل الأفرقاء اللي كانو مسيطرين منذ بداية الحرب ومن الطائف لليوم، بلش يتقلّص أحجامُن، وسيطرتهم.. والناس بلشت تِطلع من خوفها..

عون

رسالة الرئيس عون للبنانيين الناخبين، كانت برأيي صرخة ضمير، حتى ما نوقع بالخطيئة الوطنية، لأنو بفترة الإنتخابات، في كتير شياطين وتجارب.. فكانت صرخة للتحذير كبَي الكلّ..

• إنتبهو من المال، لأنو اللي بيِشتريكم بدّو يرجع يبيعكم، واللي يبيعكم، ويبيع الوطن..
• انتبهو من يللي عَم يبيعكم وعود، وهوّي مش أدها ومجرّب بالسابق..
• إنتبهوا من يللي عَم يكذبو، وعم يغطو على الحقيقة، وما عِندو غير السلبيات، وما بِقدّم ولا مشروع إيجابي..

كانت رسالة العماد عون صرخة رئيس قوي، حريص على مواطنينو، وعلى الإستحقاق، ويجب على الجميع أن يشارك بالإنتخابات… الإنتخابات اليوم هيّي فرصة وواجب وحق، يروح على الإنتخابات النيابية وينقّي اللي بدّو ياه..

صحيفة الجمهورية

ملفت لمّا بتِحكي عن السلطة والمال.. معليه الجمهورية، إذا خَفت نجم السلطان وصاحب المال، ومن أرسى نوع من السياسة الخدماتية الضيقة والزبائنية.. يسمحولنا..

ورداً على تعليق كلام الجمهورية، أرسل المواطنون تعليقاتهم للزميل عبدو الحلو، قائلين، “صحيفة الجمهورية عايشة بالإمارة”.. العَمارة..

رصد Agoraleaks.com