المرشّح طوني خليفة زعلان: مطران طرابلس قلّي شو جابِك ع طرابلس.. (Audio)

كفى مهزلة من بعض الإعلاميين.. طوني خليفة: انا الوحيد ما عندي برنامج عندي برامج إعلامية ونانسي السبع تضحك.. لاق غلط.. (تصحيحات وتصويبات)

***

مقتطف من حديث الإعلامي طوني خليفة، المرشّح عن المقعد الماروني في طرابلس، لقناة “الجديد”: (21 نيسان 2018)

مقعد طرابلس عن الموارنة، أعطي للنواب الذين ما كان عندُن مكان يترشحو فيه، فوضعوا هذا المقعد في طرابلس..

تعلّق نانسي السبع: 3.5% نسبة الموارنة في طرابلس، ومن هم في طرابلس 0.5% في طرابلس..؟ يقول طوني خليفة:

1

إيه. ما عَم قلّك التركيبة بالبلد كيف راكبة.. مبارح عملو مجزرة حتى ينقلو من طرابلس في قوى سياسية ما قبلت.. وأنا ضد انو ينتقل لأنو هوي رمز التعايش بطرابلس.. لأنو هيدي المدينة يجب ان تكون ممثلة من كل الطوائف..

2

طوني خليفة ليه رايح يترشّح بطرابلس، إنتا غريب.. بتعرفي مين قلّي ياها: رايح حتى عيّد سيدنا مطران الموارنة أبو جودة، رحّب بالإستاذ مصباح الأحدب، طلّع فيّي، وقلي: شو جابك لعنّا..

قلتلّو: حضرتك أبو جودة من وين سيدنا، قلّي المتن.. قلتلو: وإنت شو جابك لهون..

هيدي إنو جايين من خارج طرابلس حتى يترشحو ، الوزير جان عبيد من علما، سامر سعادة من البترون، والياس عطالله من طرابلس..

ما عَم إفهم إنّو وِقفت على هيدا المقعد بطرابلس.. أكيد وقفت.

لأنو هيدا المقعد معتبرينو تحصيل حاصل.. حاصلين عليه..

هيدي الإنتخابات بتخلص ب 7 أيار، أنا حتى لو ربحت ما عندي كتلة..

تسأله نانسي السبع، عم تستغلو بعض، لتشكلو لايحة؟ يقول:

عَم نستغّل بعض حتى نِعمل حاصل..

يُسأل لكن لماذا يجب أن ينتخبوك، ما هو برنامجك، وشو اللي بيجمع طوني خليفة بالجماعة الإسلامية ومصباح الأحدب؟

أنا الوحيد اللي ما عندي برنامج.. أنا عندي برامج إعلامية، أنا بحدّ ذاتي برنامج.. (سجع القصة، نحنا هون بحفل زجل زغلول الدامور)

تقول نانسي السبع: طيّب غلط. وتضحك

تصحيحات وتصويبات

1

لأن إحترام عقول الناس واجب.. كيف لازم هالـ3.5 % بدّن يتمثلو بمدينة طرابلس، وبكل مرة بيجيها شخصية من الخارج.. إذا بخصوص الشراكة والشعب العنيد.. في مناطق فيها مسيحيين 10% و15% مش ممثلين.. أوقفوا تمثيليات ومسرحيات مضحكة. 

هلق مش كل شخص حدا دافشو للترشيح بيطلع ينظّر.. لاق لازم ينتقل المقعد الماروني من طرابلس، لأنو الموارنة منّن عايشين بطرابلس بنسبة 99% من أوّل الحرب، ومن تبقى من المسيحيين أقلية بسيطة من الأرثوذكس. 

2

عَ رواق.. شوي.. لازم يصير في إنتظام بالحكي والأخلاق.. الكاهن أو راعي الأبرشية وسيما الكهنة تعينهم الكنيسة، لا من تلقاء ذاتهم يتنقلون بين الأبرشيات، ويستبدلون بحسب حاجيات المناطق وتوفر الكهنة (يعني إذا في قرى ما فيها كهنة، يمكن جلب كاهن من مناطق أخرى)، والكاهن أصلاً هو لخدمة المجتمع.. أمّا إنت شو جابِك لهون حتى تِترشّح عن المقعد الماروني في طرابلس، هي حال كل موارنة طرابلس فنقلها سيادةالمطران… فالمقارنة إذاً لا تصحّ.. 

حبذا لو كان وراءك حزب ما أو تيار، أو جهة سياسية ما… يمكن هضم الموضوع شوي.. بس إنو جايي تعمل رافعة مش معروف لمين، كونك إعلامي ناجح.. فرجاء إبقا إعلامي ناجح.. الإعلامي الناجح مش يعني صار “ميكانسيان” أو نجار ناجح.. إحترموا عقول الناس… 

المصيبة مش بتصرفك وترشحك، المصيبة بالغايات التي وراء ترشيحك…!!! لأنو في مين طبقّك.. 

***

يجب نقل المقعد الماروني من طرابس بأسرع وقت، لا على ذوق رئيس مجلس النواب بري ولا على ذوق مرشّحه الرئاسي النائب السابق جان عبيد مع الإحترام الشديد لشخصهما.. في حال يجب إبقاء المقعد الماروني بطرابلس، لينتخبوا الموارنة فقط من يمثلهّم.. وهذا لا يتأمن الاّ من خلال قانون اللقاء الأرثوذكسي..

كفى مهزلة.. هِزلتْ القصص، نواب المسيحيي مش للتناتش منّا لعبة “غميضة” يحركّها من لا يهمهم أمر المسيحيين..

https://www.youtube.com/watch?v=v47nh6_4SgE