إيلي حنا: القوات فضلوا الإشتراكي على التيار رغم نيتي بسحب ترشيحي بعاليه.. (Audio)

– ما بدّي ياهُن يكافئوني إذا نجحت، بدّي ياهُن يحاسبوني إذا فشلت

***

مقتطف من حديث المرشّح عن المقعد الأرثوذكسي عن مقعد عاليه عن التيار الوطني الحر: (20 نيشان 2018)

وعَدت الناس ما كون تقليدي، وعودنا مش كلامية ولا مبَهبطَة لا تُحقّق.. الوعد الأساسي إنّو جايي إشتغل، واوعِدهم إنّو ما رح كذّب عليُن..

ما بدّي ياهُن يكافئوني إذا نجحت، بدّي ياهُن يحاسبوني إذا فشلت..

برنامجنا هوي التيار الوطني الحر، كوني مرشّح عنه، وسأكون ضمن تكتّل لبنان القوي.. وكل اللبنانيي بيعرفو برنامج التيار الإصلاحي الإقتصادي والإجتماعي والسياسي..

كنائب لديّ برنامجي الخاص، وهو برنامج الناس، وهو القطاع الطبي الصحي، أو ضمان الشيخوخة… وبالنسبة الي أولوية، وقادِر أعطي فيا كل ما لدي من معرفة، وسنشكّل فريق عمل لأنّ العمل الجماعي أمر أساسي للنجاح.. ومعظم شباب التيار متطوعين..

عاليه والشراكة

إذا بتطلع على قرى عاليه، بحمدون محطة بحمدون، صوفر.. منشوف الفنادق كأنها منكوبة، كأنها بالحرب وحزينة.. بيِسوى يكون في لفتة من الدولة..

حتى يكون في تصحيح وتمثيل حقيقي، بدّو يكون في تعاطي من الندّ للندّ.. ما بدنا لا فوقية ولا دونية، وهيك بصير في شراكة..

اليوم على المستوى السياسي في مسؤولية عَ الناس إنّو تِطلع تصوّت، وهيّي تقرّر إذا في شراكة أو لاق..؟

أهل الجبل المسيحيين أغلبهم خارج أهل الجبل.. بيِطلعو بالصيفية زيارة.. يمكن 3 – 4 قرى المسيحيين عايشين فيها.. بدنا حلّ جذري لموضوع المهجرين ، ونشالله تكون آخر حكومة يكون فيها وزارة المهجرين، لأنو ما بقا لازم نتاجر بالناس، ونذلّن.. وأهمّ شي يكون حلّ عادل..

نحنا التيار الوطني الحرّ ما في حَدَن يوجهلنا تهمة، نحنا فينا نوجّه تهم لكل الناس. ما بدُّن التيار ينجح بالكهربا لأنو إذا إجت قبل الإنتخابات هيدي رصيد للتيار إنو بيشتغل، وغيرو بنظّر..

التيار منّو مغمّس بالمال والعمولة والعمالة،وهيدا منفتخر فيا..

القوات

كان التيار بتوجّه التوافق مع القوات اللبنانية في دائرة عاليه والشوف.. السبب مش عنّا، والموضوع كان يتعلّق بموضوع المقعد الذي مرشّح عنه.. وقلت لرئيس الحزب وللجميع، إستعدادي للتنازل عن الترشّح لجمع التيار والقوات، وحتى الآن هناك مرشح للقوات ، ولكنهم رفضوا التقارب مع التيار..

نحن توجهنا الأساسي دعم العهد، وغير مسموح رفع شعار دعم العهد، والتقنيص على العهد.. وكانت القوات اللبنانية بداية رافضة للتحالف مع التقدمي الإشتراكي، ولكن فجأة تحالفو مع الحزب الإشتراكي.. وذلك لأنه فارض عليهم ترشيح النائب فادي الهبر الكتائبي.. ونحن لا مشكلة مع أحد، ولكن من الذي لا يريدنا، المشكلة لديه وليست لدينا..

يسأل حنا، هل الحياة المشتركة بالمنطقة صادقة وجدية بتلاوينها السياسية، بمعنى هم مقتنعون بالشراكة وبعهد الرئيس عون ، أم يريدون تمرير المرحلة..؟ يقول:

أنا بدّي ارجع للتاريخ، فخر الدين الثاني، كانو يلقبو بأمير الجبل أو أمير الدروز.. ولكن من بعد ما صار في علاقة مع المسيحيين أصبح أمير لبنان. اليوم الرئيس عون رئيس الجمهورية ورئيس كلّ اللبنانيين.. بخصوص القناعات نأمل من الجميع المساهمة ببناء الدولة، لأنه يريد ذلك.. وهذا يعني وجود شراكة حقيقية.. وتفكير العماد عون هو العيش الواحد..

رصد Agoraleaks.com