ماهر باسيلا بالمشبرح: التيار بالإستراتيجيا كحركة أمل.. وفي ملامة صغيري عَ حزب الله.. (Audio)

– لنا الشرف كتيار نشتغل عَ فجر التغيير وين مكان وإقفال حزب الله لوائحو بكل الأمكنة إنعزال…
– الشيوعي سيعيد حساباته لأنه لم يواجه بالجنوب.. (التفاصيل)

***

مقتطف من حديث منسّق قضاء الجنوب في التيار الوطني الحرّ ماهر باسيلا ، لقناة الـ”OTV” ضمن برنامج “اجندة اليوم”: (الجزء 2 – 18 نيسان 2018)

يُسأل: هل أنت عَم تِحكي باسم المسيحيين..؟ يقول ماهر باسيلا:

أبداً، نحنا منعرف الشريحة التالتة بالمجتمع الجنوبي الشيعي، تواقة حتى تكون بالخط السياسي مع التيار الوطني الحر..

يسأل: يوجد الحزب الشيوعي، يقول:

هناك تنوّع، والقصة لا تتعلق فقط بالإنتخابات، نحنا عَم نِحكي ببحر الـ 4 سنين.. نحنا بدنا نمارس عملنا السياسي، وبدّو يجي الشيعي ، والدرزي ، والسنّي من العرقوب ، والمسيحي الماروني والأرثوذكسي وكل العالم بدها تكون بالتيار الوطني الحرّ ، لأنّو نحنا حالة سياسية عابرة للطوائف.

كيف هي العلاقة مع حزب الله..؟

ما في أبداً ولا أي إشكالية. نحنا عنّا ملامة صغيرة، لأنو نحنا ما كنّا حابّين، تحت ولا أي عنوان، ونتقبّل انو ما يكون هوّي ما يسعى لحماية المقاومة.. نحنا عَم نِسعى اكتر لحمايتها..؟؟

كيف يعني..؟

عَم يرشّح على لوايحو.. مثلاً المسيحي بالنبطية بحبّ خط المقاومة، وبحبّ التيار الوطني الحرّ، وبحبّ شخص النائب محمد رعد.. بس منّو مجبور يحطّ لايحة وعليها مرشحين لحركة أمل..

نحنا حركة امل بالنسبة النا، تمثّل جزء من الفساد بالبلد.. حزب الله راح سكّر لوائح.. شو العنوان لإقفال اللوائح بوجهنا.. ليه نحنا بالإستراتيجيا غير حركة أمل..؟؟ 

سؤال؟؟

هلق مين كان يتوقّع إنّو قادرين على تشكيل لوائح.. لكن نحنا توقّعنا، لأنو منَعرِف وين رايحين..؟ لكن حزب الله سكّر لوائحه بالجنوب وبغير أمكنة، وهيدا إنعزال.. وأنا أحذرّه على ذلك.. ونحنا حريصون على حزب الله.

هنّي بيعرفو حزب الله، بالبلديات.. بكافة القرى عمِلنا تحالف مع حزب الله. ليش ما كان عيب يعمل تحالف بالبلدية، وصار عيب يِعمل تحالف بالنيابة؟؟ 

شو الحفاظ على طائفة..؟؟ ليش نحنا..!!

يُسأل هل عبرتّم عن وجهة نظركم؟ يردّ:

ما سبقنا وسكّر لوائحه. او حركة امل سبقتنا عند حزب الله، وراحو سكروّا اللوائح..

يسأل: هم معتادون على ذلك هي خصوصية مناطقية ولا تستهدف أحد… يقول باسيلا:

منها خصوصية مناطقية.. وهي تستهدف الآخر.. لأنها تستهدف الرأي الثالث.. في شريحة تالتة ما بدها تعبّر من خلال حركة أمل، ولا من خلال حزب الله..

يُسأل: هنّي ما منعوكم تِعملو لايحة..؟ يقول:

أكيد ما مَنعونا.. ولا حدا بيِقدر يِمنعنا.. بس في أمر عم نِفغُل عنه.. نحنا ملامتنا بالسياسة على حزب الله، مش على مستوى الجنوب.. عَم نحكي إنّو حزب الله عَم يغطّي الفساد، بس ما عَم يحمي حالو كفاية.. الدولة إذا كانت فاسدة، أوّل واحد بيِنضرّ حزب الله.

ماذا عن إمكانية الحاصل الإنتخابي..؟

بالنسبة النا كتيار وطني حرّ، لا نفكّر طائفياً.. لتكن معلومة لكل الناس، بالجنوب وبخارج الجنوب.. الدراسات تقول: إنو لايحة “الجنوب يستحقّ” هي اللائحة الثانية.. ولديها إمكانية الحصول على حاصل إنتخابي..

وبالمشبرح.. لائحة “الجنوب يستحقّ” هيي عبارة عن موزاييك لبناني.. ومركبّة من 6 مرشحين يدورون بفلك التيار الوطني الحرّ…

6 مرشحين بفلك التيار

مرشّح أرثوذكسي بمرجعيون، وباقي المرشحون الشيعة الذين تواجدوا معنا يوم إعلان اللوائح في “الفوروم دي بيروت”.. إضافة الى احد المرشحين الذي تواجد بـ”الفوروم” وباجتماع تكتل التغيير والإصلاح الذي تلاه، ولكن حصل تصحيح لخطأ تقني..

واللائحة كان يجب أن تتشكل من 11 مرشحاً… لكن لائحة الجنوب يستحق”، مؤلفة من 10 فقط.. أما باقي المرشحين هم مدعومون من أحزاب حليفة لنا:

• السيد عماد خطيب مدعوم من المستقبل
• البروفسور وسام شروف ، مرشح الحزب الديمقراطي 
• شادي مسعد (مدعوم من التيار) وعن الدائرة الصغرى التي يتحدثون فيها عن إمكانية حصول خرق.. ونحن بانتظار أن يحصل الخرق..

نحنا كنّا طموحين أكثر ، كنا تاركين مقعد فاضي لقضاء بنت جبيل ليملأه الحزب الشيوعي، ولهذا السبب أقفلنا اللائحة على 10 مقاعد، لهذا السبب أوجّه رسالة للحزب الشيوعي:

تركنا المجال حتى نتعاون، وما نجيب حاصل واحد، نجيب حاصلين و تلات حواصل.. يمكن بدها إعادة دراسة وتقييم لحزبكم… وأي إختلاف بيننا وبينهم ما كان عائق.. لأنّو التغيير هو أوّل مدماك، ولاحقين نِختلف على التفاصيل..

الحزب الشيوعي  كحزب عمرو 100 سنة، أستغرب، وانا قعدِت مع رئيسه حنا غريب، بعد ما أعرب عن استياؤه بوجود القانون، وكل الشعارات الأخرى (لا للسلطة)، طلب منا: نعطيه نواب بلبنان، وكأنّو نحنا مِنوزّع.. قلنالو: الناس بتَعطي نواب النا والك..

هوّي كان عم يطلب ويتمنى.. وانا نقلتها للوزير باسيل.. وما كان عنّا مانع نعطيه وأجبناه:

أصوات التيار الوطني الحرّ ببنت جبيل ستدعمه، ليرشّح شخصية لندعمه، (ولديه شخصية) ، وقلنا له أنّه في صور ليرشّح شخصية لندعمه. لكن مع الأسف، لا أعرف حساباتهم الداخلية، ولكن آمل أن يعيدوا حساباتهم، لأنو بنتيجة الإنتخابات رَح تِجبرُن وتِجبُر الكلّ يعيدو حساباتُن.

الوضع الإنتخابي

عنا إحتمال بالإتيان بحاصل، خاصة إنّو المسيحيين الذين كانوا لا يصوتون، وكذلك الدروز ، وأيضاً الكثير من الشيعة، لأنه يأتينا اتصالات كثيرة من الناس مستعدون ومتحمسون للتصويت للائحة “الجنوب يستحقّ”.

وكل ما تحرّكت الناس التي كانت لا تنتخب، سنؤمن الحاصل.. ونحنا نُحملّهم مسؤولية كبيرة، لأنو بالسياسة عِملنا المُستطاع.. إذا ما طِلعو صوتّوا، مسؤوليتهم.. وبِعتقد الناس واعية وفهمانة، وعارفي شو أهمية التصويت، إن بالنبطية او بنت جبيل أو مرجعيون..

والنا الشرف كتيار وطني حر، نشتغل على فجر التغيير وين مكان.. وعَم نِعملها.. 

***

التيار مع لائحة “الجنوب يستحق”، لائحة قوية بالشخصيات المنضوية تحتها

التيار مع لائحة “الجنوب يستحق”، ومرهف رمضان.. وافشال البطاقة المُمَغنطة إضعاف لكثافة التصويت (Audio)

رصد Agoraleaks.com