ماهر باسيلا: الإنتخابات تُخاض معنوياً ففرض سطوة ع المرشّح والناخب حتى تربّوا الكل أمر مرفوض.. وحسن خليل يهدّد موظفين (Audio)

– ديمقراطيون لدرجة ما بيِقبلو بصورة لمرشّح مصطفى بدر الدين..؟؟؟ (التفاصيل)

***

مقتطف من حديث منسّق قضاء الجنوب في التيار الوطني الحرّ ماهر باسيلا ، لقناة الـ”OTV” ضمن برنامج “اجندة اليوم”: (الجزء 1 – 18 نيسان 2018)

يُسأل: في عبار للوزير باسيل إستفزّت بعض القوى السياسية، إنّو مين قلّك إنّو نحنا عَم نهدّد الناس بلقمة عيشها.. وحضرتك تتحدث عن ناس تُهدّد بوظائفها، وسميّت وزير المال علي حسن خليل.. يقول:

أهل المنطقة بِيعرفو منيح شو عَم إحكي. هنّي شهود على ذلك. ليه؟

لأنو الممارسات عَم تصير معُن..؟

نحنا منَعرِف ومنٍستغرب إنّو وزير متل وزير المالية، وعَم يدعّي الدقة بمجلس الوزراء، بيِعمل كلّ تمثيلية… (ما بقا يِمرقو علينا).. بِروح يوظّف مثلاً على الفاتورة بوزارة المالية من دون مجلس خدمة مدنية، لأنّو في يوم إستحقاق بدّو يجي يحاسبو…

يقاطع من الإعلامية جوزفين ديب: عطيني أسماء..؟

في دوائر عقارية بالنبطية، بتقدرو تروحو تشوفو، وبيقدر الإعلام يستعلم، ورح تلاحظو كيف الموظف كيف يتعاطى معكم، وبقول: دخيلكم ما حدَن يفَوتني بالقصة – ما تدخلوني بالموضوع..

على طول في سطوة معنوية، يللي التيار الوطني الحرّ ما رَح يِقبل إنها تستمرّ..

إستغلال ناس توظفّت وعَم يِتمارس عليا ضغط معنوي، إنو بِتطير من وظيفتك.. شو هيّي عندا هيدا المرض..!! وفي عَدوى بتِنتِقل من مطرح لمطرح.. إذا تهدّد موظّف واحد بِربّوا الكلّ..

نحنا هيدا الشي ضدّو.. والوزير جبران باسيل مش قاصِد حادثة معينة بالظبط.. قصدو عن المسار العام..

بدر الدين

ليه بالنبطية، عنّا مرشّح الدكتور مصطفى بدر الدين.. وعنّا أكتر من مرشّح بالنبطية.. مبارح بيوصل تهديد لصاحب البناء اللي حاطِط صورة مصطفى بدر الدين..

هيدا شو إسمو..؟

والزلمي شال الصورة.. وأنا اطالبكم بالحديث مع صاحب البناء، وإسألوه لماذا أزال الصورة.. ما بدها شي، ولكن الأمور واضحة..

بالنهاية المعركة الإنتخابية نِصفها معنوي.. ونحنا ما منِقبل حدن يِتعدّى علينا معنوياً.. ممنوع حدى يكون مرشّح عند التيار الوطني الحرّ أو عند غير التيار أي شخص يسوّي لنفسو يحسّ إنّو هوّي بيقدر يهيمن على الجو كرمال إستفادة إنتخابية، وسطوة تضلّ موجودة على منطقة.. مين ما كان يكون..

أنا بإسف إنّو حركة أمل يللي فِيا كوادر مرتبّة وناس محترمة، يللي هيّي تلاميذ الإمام موسى الصدر، تتحوّل لحركة “موتوسيكلات”.. شِفناهم وقت الإشكال منذ فترة كيف تحولّت حركة أمل..

إنّو لو ما نحنا نتمتّع.. وهلق لو ما في إنتخابات، هيدي الأمور بتِمرُق بالهيّن.. عَم يراعو ظروف الإنتخابات، بس بنفس الوقت بيِهمسو..

وبعد الإنتخابات، أجروا مقابلات مع المرشحين، وكل مرشّح بخبرّك شو اللي عَم يتمارس عليه..

عباس شرف الدين

المرشّح عباس شرف الدين، كمان صار في ضغوطات عليه بالقضاء (وبدائرة لبنان الجنوب الثالثة).. بعد الإنتخابات إسألوه.. ما بدّي يعتبرو إنّو نحنا عَم نأثّر ، لأنو نحنا ندعم القانون الجديد، في هيئة الرقابة على الإنتخابات نحن نحترمها..

رميش

يُسأل: رئيس بلدية رميش قال، إنّو الوزير باسيل هدّد من لا يريد الإقتراع للائحة الجنوب يستحقّ، إنّو هوّي ما بقا يدِق بابو.. يردّ باسيلا:

أكتر شي مضحك هيدا الموضوع.. لأنّو كل الضيعة تقريباً كانت موجودة بالعشا.. وحديث الوزير باسيل كان علناً بين الناس.. ولمّا إجتمع مع البلدية كان حدثو كان كتير عادي وواضح.

أنا اضع كلامه بإطار الفبركة، لأنّو فعلياً هو هكذا وكذب، عن لسان الوزير باسيل..

رئيس البلدية هو رئيس بلدية الصدفة برميش.. والعائلات تعرف ذلك.. ليه؟؟ لأنّو رئيس بلدية رميش معتاد إنّو يِعمل “Deal”، ومفكّر الوزير باسيل جايي يِحكي بذات اللغة مع أهل رميش.. ونحنا منعرِف إنّو يِمكن يكون طُلب منه يِعملْ هيدا البيان، لأنّو هيدا البيان ما خِلصت قصتو هون.. التدعايات كانت بالنسبة النا كانت كتير إيجابية على الأرض.. ما الناس قاشِعة وحاضرة، ولامتو لرئيس البلدية..

ولكن من الآن وصاعداً يجب على أهل رميش، (يللي هنّي أهلنا) لن ترك رميش بقا بالإنتخابات البلدية، نحترم العائلية، بس سوف يكون رئيس بلدية رميش حزبي بالمرة المقبلة. مش ضروري لإلنا، لمين ما يكون.. لأنو هيدي النوعية من الناس اللي عَم تِستلم البلديات، عَم يِجي مين من نواب المنطقة، والأحزاب الباقية، يحاولو يستميلوها بالأمور الخاصة، ونحنا منعرف قديه في تداخل مصالح بين رئيس بلدية رميش وبين المكنة الإنتخابية تبع الخصم.

يُسأل: ليه؟ يقول ماهر باسيلا:

إسألوا مطلق إنسان من رميش.. عندو محل تعهدات وامور للبناء، وفاتِح للمنطقة كلها، وبيشتغل معُن، وبيِشتغل مراباة.. كل العالم تعرفه.. نحنا نا عَم نِحكي عن شخص “مش معروف” العالم كلها بتعرفو..

بس نحنا بس نكون مِحترمين نفسنا وما مِنجاوب، مش معناتا الكذبة صارت حقيقة.. وأكتر من هيك في منظومة كاملة، أنا أقول: إنّو أكيد حِكي بِطَلب، لأنو إستتبع بأكاذيب مبنية على تلك الكذبة التي أطلقها.. وعدة مواقع إعلامية عَم تضخّ وتكذّب من عدة أيام..

نحن بالنسبة النا، خدمنا، ونشكره..

ومع حفظ الإعلامية جوزفين ديب، حق الردّ لرئيس البلدية، أضاف ماهر باسيلا:

أكيد، إذا قادِر يردّ ليتفضّل..

اللي بدّي قولو أكتر من هيك.. صدر حديث عن نواب بالمنطقة، تابعين لحركة أمل، بيستغربو وجود الوزير باسيل برميش.. ليك لوين وصلت الوقاحة السياسية، وعَم إحكي عن النائبين أيوب حميد وعلي بزي.. وبيِستغربو كيف الوزير باسيل تفقّد رميش..

حبيبي الوزير باسيل بحرب تموز بآخر نهار، كان لم يثبّت وقف إطلاق النار، كان وصل على قضاء بنت جبيل ويتفقد الأهالي، وكنا نحن نراققه، إضافة الى الوزير الحالي بيار رفول والوزير السابق اليباس بو صعب، وأهل رميش وعيتا الشعب ودبل وعين إبل، والقوزح ويارون شهود على ذلك..

***

هذه التصرفات لوزير حركة أمل علي حسن خليل وغيره من وزراء حركة أمل، نضعها بتصرّف الباحث حبيب فياض المهتّم كثيراً بمحاربة الفساد.. سيما أنّه دعا الى وقف نشاط الوزير باسيل بوزارة الخارجية، لأنو عم يأثر على خياراتهم عن بعد آلاف آلاف الأميال.. ما يكشف حالياً وقائع..