وديع عقل لمتعهدي الزفت: لن تقبضوا ليرة واحدة إن كان الزفت بأمكنة خاصة.. (Audio+Video)

– مذكرة فنيانوس مخالفة للقانون..

***

مقتطف من مقطع فيديو للمحامي وديع عقل، حول الإنتخابات النيابية: (8 نيسان 2018)

على بعد شهر من الإنتخابات النيابية، رجعنا نشوف الزفت الإنتخابي، عَمْ يطلّ بالمناطق اللبنانية.. هذا أمر مُخالف للقانون، وله ضوابط ..

اليوم وزير الأشغال العامة عمّم مذكرة على موظفينو، يطلب منهم ما يتعاونو مع مفتشي التفتيش المركزي، الاّ بعد ما ياخدو من الوزير..

هيدي مذكرة مخالفة للقانون، مفتّش التفتيش المركزي، بيقدر يدخل على أي دائرة الدولة، ومنّو بحاجة لإذن لا من وزير ولا من رئيس اعلى منه..

ندعو مفتشين التفتيش المركزي، يقومو بعملهم، ويراقبو أي شائبة تقع، واي إعتداء يكون على المواطن، ومش فقط بوزارة الأشغال، ولكن بكل كافة الوزارات والدوائر في لبنان.

أمر آخر، الزفت عم يِنفلش على العقارات الخاصة، بوجّه بكلامي للمتعهدين، أقول:

كل هيدا الزفت، اللي عَم تفلشو على العقارات الخاصة، كونو أكيدي، إنو في لجان إستلام، لتوضع محاضر مع خرايط، إذا فيه حبّة زفت مش محطوطي بمكان عام، انتو ما رَح تقبضو أي شي مالي بدلات عن الزفت..

وهيدا الموضوع رح يكون في تشدّد، والتفتيش المركزي عندو دور كبير، بالإشراف عن مسألة الإستلام، وعلى صرف الأموال..

الإنتخابات النيابية منها مناسبة للتفريط بأموال الشعب اللبناني، ومحاربة الفساد موضوع لضبط والحفاظ على أموال اللبنانيين.

https://www.youtube.com/watch?v=7KLkfoEeTLc

رصد Agoraleaks.com