Agoraleaks Agoraleaks
✝ الحُب بيِعدي... (مارينا شليطا عن يوم القيامة…) ✝🙏
شَب بيوصل لعِند كاهن رعيتو، بقلّو: ابونا، عَم بِعْمِل جِهدي إكتشف جمال وِجْ يسوع المخَبّى بالآخرين، بَس ما عَم إقدَر..؟؟
قلّي شو لازم إعمل..؟
بيِطلّع فيه الكاهن بعِمق، وبيضحّك، بِقلّو: هيدي مناسبة الك، إذا ما قِدِرت تشوف وِجّْ يسوع المِخبّى بالآخرين، فَرجِيُن عن وِجْ يسوع المخَبّى فيك..
***
بأحد القيامة الدعوة النا نكون، شهود قيامة ومحبة، وسلام ورجا، ومين قال إنّو الحُب ما بيِعدي..؟؟
مين قال إنّو نكون شهود رجا وسلام، مَنُّن مِعدِيين..؟
تعوا اليوم ما نِنتظر شي من الآخرين، ولكن نِتطلّع بيللي هوّي النور والقيامة ونِلتمس منّو قوة تنِحملا للآخرين.. وهيك رسل المحبة والسلام والنور بيِكتَرو..
