خاص – “الكلمة”: صليب الجلجلة.. (Audio)

✝ وَقفِة خشوع قدام المسيح (مارينا شليطا يوم الجمعة العظيمة) 🙏

* ♰ *

بِقول قداسة البابا الراحل البابا يوحنا بولس الثاني، المسيح بِذاتو حِمِل حِملْ تقيل، وصار الصليب أكتر تِقل بسبب خطايانا جميعاً..

بَس المسيح ما تجنّب الصليب، لا بل تقبلّو ، وحِملو طوعاً، واكتر من هالشي، هوّي اليوم الى جانب كل الأشخاص، اللي أثقلتهم المِحَن والعذابات بِحياتُن، وباقي معُن حتى النهاية..

هوّي من أجل جميع العالم، ومع جميع العالم حِمِل الصليب للجلجلة، وهونيك سُمِّر عَ الصليب كرمالنا جميعاً..

مات المسيح ميتِة المجرم، الميتة الأكثر إذلال اللي عرفها العالم… ميشان هيك فينا نِسمعو اليوم عم يقول لكل الأشخاص اللي عم يِحملو أحمال تقيلة:

تعالوا اليّ أنا أخوكم في العذاب، ليس هناك أي إذلال أو وجع لا أعرفه...

***

شو مهم اليوم بالجمعة العظيمة ، يكون عنّا وَقفِة خشوع قدام المسيح، اللي صُلب على غير استحقاق على الصليب، حتى ما يخلينا مسمّرين بأوجاعنا وخطايانا، لا بل يخلّي مسيرتنا قيامية معو ومن أجلو..

شو مهم اليوم نتذكّر كمسيحيين نكون وِجْ وإيد يسوع الحاضرة، الرحوم بحياة كل المتألمين…