ريمون غجر يدحض أكذوبة الكهرباء: بسام إذا تعطلّت سيارتك وبحاجة لأخرى باليوم نفسه تستأجر سيارة أم تتصل بالمعمل ليصنع لك واحدة (Audio)

– بناء المعامل ما بتنعمل بِ 6 أشهر.. (التفاصيل)

***

مقتطف من حديث مستشار وزير الطاقة ريمون غجر لقناة الـ”LBC” ضمن برنامج “نهاركم سعيد”: (21 آذار 2018)

بناء المعامل ما بتنعمل بِ 6 أشهر، ما حدا يقنعنا.. واللي بدّو يعمل بس تحطلّو “بينالتي” (جزاء) لكل تأخير، ويكون بملايين الدولارات يعرف أنّه غير قادر..

نحنا وقت جِبنا أوّل باخرتين سنة 2010-2011، تاني باخرة تأخرّت، شرجّت 6-7 مليون $، حوالي 10 آلاف $ عَ كل ميغاواط بالاسبوع.. ودفعتهم الشركة..

اليوم وقت يكون في شروط، بيختلف الوضع عن الحكي.. إنو منقدر نعمل معمل بـ6 أشهر حكي..

وبخصوص الغاز، مش نحنا ما بدنا نجيب الغاز، الدولة ما جابِت الغاز.. لو الغاز موجود أكيد لازم نمشي بالغاز.. بس لازم يكون في قرار شو بدنا نعمل بالمستقبل القريب، من 3 – 5 سنين.. وبين هلق لوقتا، ما في خيار الاّ الإستئجار، أو استجرار الكهرباء..

وقت بدّك تنتج كهربا زيادة، من أي وسيلة، رح تتكبّد أكلاف جديدي، لأنو سعر بيع الكهربا (1 كيلواط) اليوم سعره 9 سنت، هو أقلّ من المعدّل الوسطي لإنتاج الكهرباء، يللي هوّي 14 سنت.

يسأله الإعلامي بسام ابو زيد عن سعر السنت، وعن مقولة شراء الكهربا أفضل من إنتاجه من المعامل الحالية، يقول ريمون غجر:

المعامل لدينا كلفة إنتاجها غالية.

عنّا معامل جديدة تنتج ب 9 سنت. ومعمل صور وبعلبك، بـ 21 سنت. المعدّل الوسطي هو 14 سنت. والمشكل أنّو لتصل الكهرباء الى المنازل، نخسر هدر فني وسرقة.. عندها يُصبح سعر الكيلواط، حوالي 17 سنت… ونحن كشركة كهرباء لبنان نبيعه بـ9 سنت.. هذا هو عجز الكهربا

معمل دير عمار

إن استخدام المعامل الحديثة، يكون سعر الكيلواط كلفته 11 سنت. وإذا إستخدمنا الغاز تصبح الكلفة ما بين 7 – 7،5 سنت.. وهذا أقلّ بكثير من التعرفة التي تطلف شركة كهرباء لبنان..

والمعامل الحديثة تعمل على الديزل والفيول والغاز.. ولكن المصلحة الكبيرة على الأكيد باستخدام الغاز.. وإن استطعنا كدولة جلب الغاز، يمكن إشغال بالغاز معمل دير عمار القديم والجديد، ومعمل الزهراني الحالي، ومعمل صور، ومعمل بعلبك، والبواخر، والمعملين الجديدين، كما البواخر..

يسأل عن الإصرار على إعتماد شركة «كارادينيز».. يردّ ريمون غجر:

كلام خاطئ..

بدنا ننتبه، عَ شغلة.. عن أي بواخر عم نطرح.. يوجد بواخر تستخدم نوع الغاز المُستخدم في لبنان في المنازل… ولكنّه غالي الثمن جداً..

بغضّ النظر عن الموضوع، هل المطلوب تَهْبيط البواخر، وطلب من شركات أخرى تجهيز أخرى ليرضى البعض.. المسألة عند الدولة اللبنانية، لتقول اننا نريد باخرة من شركة أخرى، ولتبدأ بناء بواخر ضمن المواصفات التي يريدها لبنان..

لبناء معمل على باخرة، اقلّه نحن بحاجة ل 8 أشهر.. أنأخذ هذه الطريق، أم نختصر الموضوع بالذهاب عند الشركة التي لديها معامل خالصة.. هل يجب ان نتغاضى عن الموضوع..

لو في غيرو موجود.. يقولو..

لنفترض أنّ بسام يريد سيارة بمواصفات معينة للـ”ويك آند”، عندك خيارين:

• إمّا أن تستأجر السيارة من محل الإيجار الذي يملك تلك المواصفات
• إمّا تذهب لتصنيع سيارة..

إذا أنت بحاجة للسيارة بهيدا الويك آند، بتروح تستأجر سيارة أم بِتروح تصنّع سيارة..!!

بخصوص تأجير البواخر، هناك أنواع.. ما يناسب لبنان هو ما تقوم به شركة كهرباء لبنان.. وليعرف المواطن العادي، كهربا زحلة، تؤمن 40 ميغاواط.. لكنها مستأجرة 60 ميغاواط.. والسبب:

انو الشركة لا تعمل 24 ساعة على 24 ، مضطرة للصيانة إيقاف أجزاء من الشركة.. فيما البواخر ومعملي الذوق والجية كل 16 ألف ساعة، يتمّ صيانة الشبكة.. إضافة الى مرة كل عام (حوالي يومين)..

وبالتالي ما نحن بحاجة اليه، هو عمل بواخر 24/24 ساعة، ومش تشغيل 3 ساعات فقط، ليتمّ صيانتها في أوقات عدم تشغيلها..

رصد Agoraleaks.com