Agoraleaks Agoraleaks
✝ أمّاتنا أوّل وِجْ حُب مجاني… (مارينا شليطا) 🙏
* ♰ *
البيت هوّ اللي مطرح اللي بِتكون فيه الأم، بِتقول الأم تريزا..
بِتخَبِّر : مرّة إستقبلت وَلَد، بدار الأطفال، غسّلتلو تيابو، واهتمّيت فيه بكل حب..
وبعد يوم واحد هرب.. رجعنا إستقبلناه، بس بْيُهرب من جديد..
بِطلب من إحدى الراهبات تِلحقو تَتشوف لوين عم يروح…!!
ولمّا لِحقتو بِتشوفو قاعد تحت الشجرة ورِجِع لعِند إمّو من جديد.. إمّو اللي كانت عم تِلْتقط إشيا من سلّة المهملات تَتِقدر تْعَيشو..
قلنالو: ليه هَربت من دار الأطفال، هونيك قادرين نهتمّ فيك.!!.
بِجاوب ببساطة: هيدا هوي بيتي، ما إمّي هون..
حتى الأَكِل بالنسبة للولد، يللي كان عَم يِتقدّم كان كتير منيح، لأنا إمّو عَم تْحَضِرلو ياه بكلّ حُب..
***
بمناسبة عيد الأم ، مْنذكُر أماتنا اللي كانو أوّل وِج حُبْ النا بهالعالم..
مْنِذكُر إمّاتنا اللي عَلمونا بلا ما يعرفو، نكون رُسُل حُب بحُبُّن المجاني، وبصلواتُن الدايمة والثابتة، وتَضحايتُن، وبِبَذلُن للذات…
