باسيل من كسروان: نحنا ما تْعُودنا نْعَربش عَ حدا لَنِربَح، كل الناس بِتْعربِش عَ ضهرنا وقِابلين.. (Audio)

– التيار ولا مرّة طَعَن بِحَدا.. نضحّى من أجل لبنان   🇱🇧\

***

مقتطف من حديث رئيس التيار الوطني الحرّ جبران باسيل في يومه الأول من جولته الى قضاء كسروان: (17 آذار 2018)

روكز وباسيل وعطالله وعازار وجيلبير سلامة

عارفين إنو رح نِخسر نواب بكسروان، ورح نِربَحُن بمطارح تانية..

نحنا اليوم شغلتنا أَدْ ما فينا نربح عدد نواب بكسروان وبكل لبنان…

هيدا الشي مش حتى نعدّ نواب أبدأً.. هيدا لنقدر نكفّي مسيرة بناء الدولة اللي بِلَشنا فيا من سنة 1988، لما دَفَعِت هيدي المنطقة ثمن غالي، حتى نِعمل دولة..

سنة 2005، صوتّت المنطقة بكثافة للعماد عون، حتى نِعمل دولة، واليوم بدنا نكفّي بمسيرة الدولة.

في رفاق بيناتنا، يمكن عَمْ نضحّي فِيُن كرمال ناس منعتقد إنّو نحنا وياهُن نعمل ركزة قوية للمشروع القوي..

التيار الوطني الحّر ما في مرّة طَعَن حدا.. ولا مرة بتاريخو في خيانة، وفي تخلّي عن حدا.. عَ طول كنّا نفضّل الغير على حالنا، وهيدا واجبنا.. وأنا بَعرف قديه بعاني بقلب التيار مع رفقاتنا.. بيسألو ليه؟؟؟

معليه.. بكلّ مرّة عملنا تفاهم مع حدا ، نحنا مدعوين وبفرح، إنّو نضحّي ونعطي ونقدّم..

ما حدا يعتبر هالشي خسارة، هيدا رِبِح للبنان. والكبير بدّو يعطي..

إنتو بتعرفو كتير منيح ، إنو نحنا لمّا منكون سوا مع مين مكان.. منكون سوا للآخر..

نحنا لمّا نكون بلايحة مع حدا، كل اللايحة متل بعدا.. نحنا بدنا الكل يربحو.. نحنا ما تْعُودنا نْعَربش على حدا حتى نِربَح، نحنا كل الناس بِتْعربِش على ضهرنا، وقِابلين..

رصد Agoraleaks.c