البطريرك حويك للفرنسيين: إلنا 200 سنة عَمْ نقاتل للإستقلال، “تْلات إرباع” شعبنا مات كِرمال الكرامة

– وديع عقل: عون ما عَلَّمنا الاّ نكون متمردين.. (Audio)

***

مقتطف من حديث المحامي وديع عقل لقناة الـ”OTV” ضمن برنامج “حوار اليوم”: (الجزء 2 – 15 آذار 2018)

زودة الأقساط المدرسية

عطيوني نصائح، قالولي: شو بَدّك بهالخبرية هيدي، أيام إنتخابات..

ضميري مرتاح عَ الآخر.. انا مع وجع الناس، وبدّي ضَلني قاتِلْ مع وَجَع الناس.. هيك كنت ببيتي، وبالسياسة، وفخامة الرئيس ميشال عون ما عَلَّمنا الاّ نكون متمردين.. ولَقَبي متمرّد..

نحنا مع الناس، وما لازم تِنْظلَم…

بدها تطبيق قانون.. ما حَدَنْ من الأهل إلاّ ما ضَنين على المدرسة.. في نهار، بِقلّي شخص: هودي شيوعيين، بدّن يدمرو المدارس.. شو هالخبرية “الطَق حنك”.

كلنا تعلمنا عند الراهبات، والرهبان.. ومنحبُّن وبَعدُن أصحابنا.. ومنروح نصلّي بالكنيسة عِندُن.. بلا ما تِعملو ضغط بالولاد.. التلاميذ مش رهائن..

في رسالة للبطريرك حويك، سنة 1926، من بعد ما جابْ الإستقلال وإعلان دولة لبنان الكبير، بْيوقَف وبِقلّو للجنرال الفرنسي :

نحنا هون إلنا 200 سنة، عم نقاتل للإستقلال.. مش من مبارح.. ومنجاهد ومنتعَبْ، ونفنَى ” تْلات إرباع ” شعبنا كرمال الكرامة..

إيه الكرامة. قالها الوزير باسيل في 14 آذار.. بيِجو يوعدو الناس بمواسم الإنتخابات، وتاني نهار كلُّن بروحو على التكزدر.. كلّو بِفَنِّصْ على العالم…

فِكرُن يشتروهم بدفن، وتجليطة، وعرقلات بواسطة مدير المعاملات.. لكن الناس رح تِربَح، ما حَدَنْ أقوى منُّن.. خدو مواقعكم..

أولوياتنا:

• إصلاحية حقيقية
• أمنية
• يرجع اللي إجا عَ أرضنا ، يِفلّْ .. نحنا اللي من يقرّر مين منستقبل ضيوف عنّا.. مش الدول بتفرض علينا..

ما حَدَن في على الناس، وكراماتها..

موضوع مجلس النواب لن ينعكس كتير على الحكومة، لأنّو التوازنات والقوى اللي حاكمة البلد مستمرة، “السيبِة” راكبِة، بين:

• الرئيس عون،
• الرئيس الحريري،
• حزب الله..
  وفي تفاهم سياسي كبير..

كلنا متأملين بعد الإنتخابات، بحكومة بتشبهنا، حكومة عمل..

رصد Agoraleaks.com