وديع عقل: بالزمانات، رِكبو مَوجة التحرير، وهلق بدّن يفَنصو بموجة التغيير.. (Audio)

– بمشروع سكة الحديد يمكن توظيف 5 آلاف لبناني.. وعَ الأحزاب وقف الحسابات الوهمية بالـ”Social Media”

***

مقتطف من حديث المحامي وديع عقل لقناة الـ”OTV” ضمن برنامج “حوار اليوم”: (الجزء 1 – 15 آذار 2018)

بدنا ننقل بلدنا من مزرعة لدولة.. وهيدا الشي بدّو أشخاص، عندن ثقة بحالُن، وأشخاص لا يُشرون..

يُسأل: دايماً الناس مع العهد، الوزير جبران باسيل، قال: وحدنا في مواجهة المافيا.. يردّ وديع عقل:

إيه في مافيا، لاقطة خوانيق البلد، والناس.. وهيدي المافيا مش سياسة بس. المافيا هوّي: رجل أعمال، ورجل دين، وموظف فاسد وأزعر، وتركيبة سياسية محلية، ومجموعة بالبلدية، وبالقائمقامية، وبالمحافظة..

هيدي مجموعة مافيا بيحميها وبيعطيها غطاء الرجل السياسي..

نعم البلد مهتري من المافيا.. وهيدي المافيا بدها صمود قوي كتير… وبدها رجال شجعان..

النزوح السوري

البلد إحترق إقتصادياً من ورا النزوح والتجارة بالنزوح..

حرفيين ومهندسين، وفي محامين سوريين عم يشتغلو بالبلد.. ما تَركو ولا قطاع الاّ ما فاتو..

هيدا القطاع الإقتصادي جزء كبير من مصيبتنا..

سكك الحديد

النقل العام أمر أساسي للبنانيين، شخصياً تابعت الموضوع بجدّية، والتقيت مدير عام سكك الحديد، والنقل العام في لبنان، وسألتو.. كوني من الناس الذين انتقدو.. وإضطلعت..

مثلاً اللبنايين مش عارفين، في:

• خطة أقرّت بمجلس الوزراء، لنقل العام في بيروت الكبرى ساحلاً ولارتفاع 400 متر فوق بيروت..
• خط للنقل العام بين بيروت وطرابلس، والبنك الدولي عم يفاوض وزير المالية، ونحنا بحاجة ل 250 مليون $ بس، وهيدا الشي بحلّ جزء كبير من أزمة السير، ورح تُريح الناس من حق دفع البنزين، وتقسيط سيارة وميكانيك..
• خطة سكك الحديد على الإتجاهين.. الدراسات موضوعة، نحن فقط بحاجة لتنفيذ وتمويل.. وبالتالي إذا فُتح خط سكك الحديد من بيروت الى طرابلس، الى العبودية (الحدود مع سورية).. يتمّ نقل الأوزان الثقيلة (كونتينر) ليلاً، والركاب نهاراً، وهكذا نخفّف مرور الشاحنات على الطرقات، ونخفّف من زحمة سير، والتلوّث..
  وسكك الحديد هي إحدى أغلى إدارات الدولة اللبنانية، لأنها تملك عقارات كثيرة.. ويجب المحافظة عليها، سبب إضعافها وإفلاسها خصخصة القطاع وبيعه…
  تكلفة المشروع وإنشاء محطات على طول الخط الساحلي، (خطّين) مع مواقف، وتوظيف حوالي 4-5 آلاف موظف، تكلفتها 3 مليارات $..

بهكذا مشاريع، يمكن نقل البلد من مزرعة الى دولة فعلية.. مشكلتنا، أنّه في المؤتمرات، يتحدثون بمفاهيم ومبادئ، من دون تطبيقات عملانية..

السرقة

غيّر البعض ثيابه، وجايي يطلّ عَ الناس بوجه بريء، وجايي يحكي بالتغيير.. عن أيّا تغيير!!

هون الناس بدها تنتبه، الـ”Makeup” يللي عَمْ يِنعمَلْ، وأنا أهنئ كل سياسي يُدير الـ”Social Media” شخصياً، ويللي عندو شركة تديره أو مساعدين، لازم يكتب، هذا الحساب يُدار من فريق إعلامي.. صارت القصة سرقة أفكار.. وهيدا الشي جزء من الكذب على الناس.. خلص رياء..

نحن نفتقد على صفحات التواصل الاجتماعي الجديّة، وأتمنى على الأحزاب، إيقاف الحسابات الوهمية.. ووقف شتم الناس..

بناء الدولة، بحاجة لتثقيف وتوجيه الناس الى قطاعات، الشتائم لا تبني دولة..

يُسأل: من هم الذين ركبوا موجة التحرير قبلاً، واليوم يريدون ركب موجة التغيير؟ يقول وديع عقل:

الكل.. الكتائب ، حزب سبعة ، القوات.. حزب سَبعة، مش مْوَفَقين.. كنّا مفتكرين المجتمع المدني بدّو يقدّم شي جديد، جابو أشخاص من السيستام، عِمْلولُن “Makeup” وبَرَموهم.. 

إيه في تفنيص، بالزمانات، إجو يضحكو على العالم، وركبو موجة التحرير، وهلق بدّن يركبو تفنيصة موجة التغيير..

رصد Agoraleaks.com