ناجي حايك: عدم ترشحي أخد نص دقيقة.. الشخص منّو مهم عنا خط سياسي (Audio)

– لا اسمح لنفسي بالتدخل بترشيح زعيتر ، وأفضل للتيار أن يكون بمفرده

***

مقتطف من حديث الدكتور ناجي حايك لقناة الـ”OTV”، ضمن برنامج “يوم جديد”: (11 آذار 2018)

الترشّح

لكل إنتخابات الها ظروفها، ونحنا بالتيار الوطني الحرّ ، منعمل دراسة للوضع الإنتخابي بجبيل، ومنشوف يللي أنسب..

بالنسبة الي موضوع الترشّح للإنتخابات أو الترشيح تفصيل.. إذا كان شاف التيار الوطني الحرّ الأرقام بموضوع الترشّح على مقعد النيابي بجبيل، بربّح التيار الوطني الحر وبساهم أكتر من ناحية العدد.. ما بشكّل حرج عندي ولا عند باقي المرشحين..

موقعي محفوظ بالتيار وبجبيل، و وين مكان محفوظ.. وكوني مرشّح أو نائب، أو مُنتخب، او مُقترع ما بأثّر على الموضوع… عنا خط سياسي ماشيين فيه، وعنا توجّه التغيير والإصلاح مكملين فيه.

المغريات

شوي، منا كتير، يللي بيعرفني ما بجرّب كتير.. مرّة كنت عم إحكي مع الجنرال عون، سألتو: قلتلو بتعرف، كل مرّة بخبروني، انّو هيدا الزلمي دفعولو، وبيشتغل مع هيدي الأجهزة.. ليه أنا ولا مرة حدن عَرَضْ عليّ..؟؟

قلي: أتطلع براسك، ما بتمشي عليك.. مين بدّو يعرض عليك..!! ما هنّي بيعرفو مين بيقبل، ومين ما بيقبل!!

الجدل حول عدم ترشحي أخد نص دقيقة.. وانتهى الموضوع..

يُسأل عن مرشّح حزب الله الشيعي بجبيل إن خلقت توتراً بين التيار والحزب، يقول:

جبيل تزخر بالطاقات، المسيحية، والشيعية، والسنية… ما في شك.. ولكن موضوع ترشيح الشيخ زعيتر موضوع يتعلق بحزب الله وحركة أمل، ولا اسمح لنفسي اتدخل فيه، لأنو هودي الحزبين اللي بمثلو أكثرية بالشارع الشيعي، هنّي يللي بَدُّن ينقوا مرشحهم..

هنّي إختاروا الشيخ حسين زعيتر، بالنتيجة نحنا حلفاء، وبالخط السياسي ذاتو، خليهم ينقو اللي بَدُّن ياه.. إذا في إشكال مع الشارع الشيعي بجبيل، صار غير شي، نحنا كتيار وطني حر، منا مخولين نحكي فيه.. وما منعرف تفاصيل.. وهنّي يللي برشحوه، بيقدرو ينجحوه، وكل كلام غير هيك، ما الو معنى..

بالحسابات الإنتخابية، بيقدرو يطلعو، مع شوية أصوات عند المسيحيين.. هنّي لوحدن ما عندن 15 ألف صوت، كحاصل إنتخابي.. هم بحاجة لبعض الأصوات المسيحية.. ونحنا إذا كنا لوحدنا منقدر نربح أكتر..

الشخص منّو مهم.. متل ما نحنا لا نسمح إنّو هنّي حزب الله وحركة امل ينقولنا أشخاصنا، ونحنا كمان. وقت يللي هنّي محل بيعتبرو فيُن يربحو بنقّوا، ونحنا كمان..

العلاقة مع القوات

الموضوع بس يدخل الشخصي، بصير كل شخص بيعتبر كرامتو مُسَّت، وما بصير يتراجع.. ونحنا بالشرق العقول بتكون يابسة، وغير مرنة..

هلق نحنا بصوم، وبهدنة، وما نراه كلّه بسيط ويمكن بسهولة تجاوزه..

رصد Agoraleaks.com