كنعان لرؤساء بلديات متنية ومخاتير: إقتنعوا بمشروع سياسي ووطني واقترعوا.. (Audio)

– اللي تحقّق وبدّو يتحقق، ما صارو بخطاب وفولكلور، إنعملو، بالعرق، والتضحية خطوة خطوة، متل ما عملنا..

***

الترهيب والترغيب للناخبين إنتهى، وتدجين الناس بلقمة عيشهم، وحقوقهم بات من الماضي.. بهذا التأكيد تحدث النائب ابراهيم كنعان، امام رؤساء بلديات متنية ومخاتير، ومن خلالهم الى كلّ ناخب متني، خلال اللقاء الذي أقيم بدعوة من رابطة مخاتير المتن، في فندق “برنتانيا” برمانا..

يقول النائب كنعان:

• أنا نايب، وأنا رئيس لجنة مال. وأنا مرشّح على الإنتخابات النيابية..

بما حقّقت، واشتغلت، من ضمن تيار سياسي، مؤسسو صار رئيس جمهورية لبنان. كلنا منفتخر فيه، وكل العالم عم تحكي عنو..

إقتنعوا بمشروع سياسي ووطني، واقترعوا على هذا الأساس، قال كنعان، متوجهاً للحضور والمتنيين، بالقول: أقدّم اليوم أمامكم جَرْدة حساب عن سنوات، أولَيتموني فيها شرف تمثيل المتن الشمالي، يقول:

• صوتكم حقّق، متّنو بعد..
  صوتكم حقّق، فيكم تقولو وترفعو راسكم، إيه حَقّق.. !
  – نحنا عنا شراكة وطنية ما كانت موجودة قبل
  – عنا قانون إنتخاب ما كان موجود قبل، وبأمّن حرية انتخاب، وتمثيل عادل
  – عنّا موازنة الها 12 سنة مش موجودة
  – عنا إصلاح مالي رايحين وراه للآخر
  – عنا جيش لبناني رايحين بكل عزم وتصميم، انو يكون الجيش القوي والقادر انّو يفض سلطتو على كامل الأراضي اللبنانية

هودي ما بينعملو بخطاب وفولكلور.. بينعملو، بالدم والعرق، والتضحية خطوة خطوة، متل ما نحنا عملنا..

200 مليون $ قيمة المشاريع التي نُفذّت بالمتن، من طرقات وبنى تحتية، وصرف صحي، وعشرات المشاريع رُصدت إعتماداتها، وستنفّذ بالأشهر المقبلة..

يقول كنعان لبعض النواب والسياسيين:

• كل المشاريع واجباتنا.. ايه مزبوط واجباتي..
  أنا مش عم مَنِّنْ بس هودي واجباتك كمان، وانتا لازم تتنافس معي لتحقيقُن..

مش كلّ مرّة بدّي احكي فيُن، أو بدّي حسّنهم، وطورّهم، بدك تقلّي: ما تربحني جميلة

• ما عم ربّح جملية، انا مديون للمتنيين، ونحنا كلنا مديونين لشعبنا ولناسنا، بس بذات الوقت، نحنا كمسؤولين، لازم نحقّق المطلوب منّا للناس، ولازم نعطيهم الخدمة اللي بَدُّن ياها، من دون ما نْمَنِنْهُم، ونِستعبدُن..

اللقاء تخلله كلمة لأمين سر رابطة مخاتير المتن، عصام ابو جودة، وشَهِد عرض فيلم وثائقي عن بعض إنجازات كنعان السياسية والتشريعية والإنمائية في السنوات الماضية.

المصدر: OTV – غابريال مراد
رصد: Agoraleaks.com