خاص – “الكلمة”: أمثولة العصفور للبابا شنودة… !! (Audio)

✝ نشعر بالخجل من قولك… (مارينا شليطا) 🙏

* ♰ *

بقول البابا شنودة:

• كنت قاعد بحديقة الدير، وكان على الأرض في بعض الحبوب..
• صَدقوني تعلمّت دَرِس من العصفور، اللي كان عم ياكولْ بعض الحبوب الواقعة عَ الأرض..
• فَكرّتو رَحْ ياكول على قدّ شَبِعتو..
  بس هوّي بالحقيقة أخد حبّة أو حبتين، وطار، وترك وراه كلّ الحبوب..

هون تعلمّت أوّل درس، اللي هوّي القناعة، والتجرّد… لأنو العصفور طار بلا ما يتأسّف عَ ولا شي تَرَكو وراه..!! لا بل أخد حاجتو وراح مبسوط، بمجرّد ما رِجِعْ عَ السما..

وبقول البابا شنودة:

• كان هالعصفور عم يتصرّف على طبيعتو، رغم كل المخاطر اللي كان معقولي يواجهها بالمستقبل..

أمّا الدرس التاني، هوي الإيمان.. لأنّو العصفور طار، ووِثق إنّو أي مطرح رَحْ يقصدو، رح يلاقي فيه إحتياجو من الأكل..

وبتابع وبقول: بالحقيقة يا رب هيدي العصافير أفضل منّا نحنا البشر، بس انتا قديه حِبَيتنا، حتى تقلنا هالجملة اللي بتخلينا نشعر بالخجل:

ألستم أنتم بالحريّ أفضل منها…

***

تعوا اليوم نتعلّم هالدروس من هالعصفور ، لأنو نحنا أكيد بنظر الرب أهمّ من كل المخلوقات التانية…