Agoraleaks Agoraleaks
✝ اليوم دعوتنا نوثّق صلتنا مع الله… (مارينا شليطا) 🙏
شَبْ بزور ناسك، بقلو: قاصدك بخدمة، بدّي ياك تعلمّني صلّي..؟
بقلّو الناسك: شو هدفك من الموضوع؟؟
الشَب بقول: بدّي اتعلّم كيف اتصرّف بحياتي اليومية..
هون الناسك ما بِجاوِبْ..
بعدا بقلو: بدّي اتعلّم كيف بصلّو، تصير قديس..
كمان الناسك ما بِجاوبْ..
بعدا بقلو: بدّي ياك تعلمني حتى اكتشف الله..!!
بجاوبو الناسك: كل ما نكبر بحياة الصلا، كل ما نقدر اكتر نكتشف الله، ونعرفو، ولمّا يتمّ هالشي، بَعِد فينا ما نكون قديسين..!! بعد فينا ما نعرف كيف نتصرّف مع الآخرين…!!
***
نحنا بهالصوم، مدعوين متل هالشَبْ يكون عنّا وقفة صلا، لأنو وحدا الصلا هيّي الصلة مع الله، ولكن بتعلمنا تكون صلتنا مع الآخرين مميزة.. وبتعلمنا كيف نتصرّف، ونصير قديسين، وكيف محبة الله النا…
اليوم دعوتنا نوثّق صلتنا مع الله إذا كنّا حريصين على حياة فِيا نفحة قداسة…
