Agoraleaks Agoraleaks
– عون لم يعتذر.. والمضمون قاسي.. وإنحكى عليّي باساءة بالمباشر…
***
كشف رئيس التيار الوطني الحرّ جبران باسيل ضمن برنامج “دق الجرس” على قناة الـ”mtv”، رداً على سؤال سبب وصفه رئيس مجلس النواب نبيه بري “بلطجي”، قائلاً:
- أد ما عم نعاني، وأد ما أنا شخصياً عم عاني، من إشيا الي مسيئة..
- أنا إنحكى عليّي كتير باساءة بالمباشر…
- لبنان عم يعاني من إشيا عم تصير، وبرأيي حرام إنّو تصير
عبرّت بطريقة.. وما كنت عم إحكي للإعلام.. نُقلتْ، ولازم كلنا نحترم بعضنا.. بس المضمون قاسي.
لازم كلنا نزعل ليش م يصير بالبلد هيك؟؟
ليه إنتو عم تنحرمو من الكهربا؟؟ ليه أهلكم حطّو دم قلبُن ليعلموكم، وبكرا بتلاقو مافي شغل!!
ما في شغل بالنفط؟؟ ليه بدك تشتغل بالنفط خارج لبنان، وبلبنان في نفط!!
ليه بدّك تشتري ماي، وقت في بلبنان ماي؟؟
ما كل هودي عم يروحو من قدام حياتكم.. بدكم ما إنقهر؟؟
طيّب إذا عبرّت بكلمة، قديه عم ينعملْ مقابل هالكلمة بالبلد؟؟ شو عم ينعمل بمستقبلكم؟؟
أنا بنقهر عنكم، عن ولادي.. بدّن يضلن بالبلد، أو بدنا نحطّن مادة للتصدير؟؟
يُسأل: كنت متوقع شو رح يصير لمّا قلت عنّو هيك؟؟
لاق ما كنت عارف رح تطلع للإعلام.. بتعرفو قديه بيحكو عنّي بالإعلام حكي بشع؟؟ انا شي مرّة نحكا عنّي نزلت سكرّت الطريق!!
يُسأل: كنت وإنت وبري أصحاب شو اللي غيّر، يردّ باسيل:
- بالسياسة ما في أصحاب.
- الصُحبة بتساعدْ.. (وهيدا الحكي بلبنان ما بحبو يحكو) لكن مش العلاقة الشخصية بتحدّد مصلحة البلد
- مش إنو مرقلي هيدي الشغلة ومش منيحة، لأنو أصحاب..
- هيك لبنان، إنو عيل سياسية مع بعضنا.. إيه السياسة لازم تقربنا مع بعض، لأننا شعب واحد وبدنا نضل عايشين مع بعض، وبدنا نحافظ عَ بعض.. بس مش بدنا نتفق مع بعضنا عَ مصالح الناس..
لمّا بدي نقّي مصلحتكم على علاقتي الشخصية مع سياسي، بنقّي مصلحتكم..
يُسأل: منعرف اللي غلط، هوّي بيعتذر.. ليه خليّت رئيس الجمهورية يعتذر مش عيب!! يرد باسيل:
أوّل شي فخامة الرئيس ما اعتذر..
وأنا منّي لحالي، من دون ما حدن يطلب منّي، تأسفت إنّو هالشي طلعْ على الإعلام.. أنا عملت اللي لازم إعملو دغري، دون ما حدن يقلي.. لأنو نحنا ناس ربينا على الأخلاق، وبالسياسة ما في الاّ الأخلاق، يللي هيي بتحطّ الضوابط..
بس طلع الخبر، دغري تأسفت، وطلّعت حكي عن لساني، إنّو هيدا طلع بالإعلام…
https://www.youtube.com/watch?v=u4rMssj5dsg&feature=youtu.be
