جوزيف أبو فاضل: أنا أنتخب التيار لا القوات ولا الكتائب ولا ميشال المرّ.. (Audio)

– عادة يتمّ التنسيق مع التيار بالمقعد الشيعي بجبيل، وبري بيعتقد إنو في الو بجزين.. (التفاصيل)

***

مقتطف من حديث المحلل السياسي جوزيف ابو فاضل لقناة “الجديد”: (3 شباط 2018)

يسأل عمّا إذا كان سيتحالف التيار الوطني الحرّ وحزب الله، يقول:

في بعض المناطق نعم، في البقاع.. وممكن بكذا مكان.. والسبب يعود للتوتر الذي حصل بخصوص جزين، التيار الوطني الحرّ لم يستطع الاتفاق مع الرئيس بري الذي يصرّ على االمرشّح عازار..

وكذلك الأمر في جبيل، الحزب والحركة، رشحّوا الشيخ حسين زعيتر.. وعادة يأتي مرشّح من جبيل يكون منسقاً بين التيار الوطني الحرّ وحزب الله ليكون ضمن تكتّل التغيير والإصلاح.. كالإستاذ عباس هاشم..

لا ادري إن كان سيتفقون في منطقة بعبدا.. لكن القوات تطمح للإتفاق مع تيار المستقبل في كل لبنان، والتيار الوطني الحرّ متفق مع المستقبل..

العهد

تسأل السبع: أنت داعم العهد، هل يشبه العهد الرئيس عون ومبادئ التيار الوطني الحر، كنتم تتحدثون عن محاربة الفساد. يقول أبو فاضل:

انا من سنة 1989 كنت مع الرئيس عون وبقيت معو. وفي منطقتي المتن، في:

• القوات
• الكتائب
• فرنجية ما عندو حدا

يعني أنا بطبيعة الحال رح انتخب التيار الوطني الحر، ورح اسعى الو..

مرشحين التيار المؤكدين حتى الساعة، هم:

• ابراهيم كنعان
• نبيل نقولا
• الياس بو صعب
• ادي معلوف

وما بعرف إذا صديقنا طانيوس حبيقة مرشّح.. بتمنى للجميع التوفيق.. أنا أنتخب سياسياً وليس إنمائياً.. والنائب ابراهيم كنعان إشتغل جداً بالتشريع، وأيضا النائب غسان مخيبر، والوزير بو صعب كان وزير ناجح جداً، والنائب نقولا بمجلس النواب قام بواجبه..

عن الخدمات يُسأل، يردّ أبو فاضل:

بالخدمات كان في محاربة للتيار الوطني الحر.. قلنا 7 سنين، يعني اسرائيل قصفت كل الجسورا، ما ضربت جسر جل الديب، جينا نحنا شلناه..

وقلنا 7 سنين، بين E و L و U مبارح حتى بلشو بجسر جل الديب.. وبلشت عجقة السير، وبدّو سنتين حتى يخلص.. من الأشرفية يللي فيها 5 نواب مسيحيين، للمتن يللي فيها 8 نواب مسيحيين، ولكسروان يللي فيها 5 نواب مسيحيين، ما قدرو عملو حلّ للطريق..

هلق بوجود رئيس الجمهورية عم يلاقو حل وعم تنوضع خطة.. علماً إنّو أكتر من نصف لبنان بيمرقْ على الطريق..

أنا أنتخب سياسياً، جعجع والجميل ما بنتخبُن.. بالسياسة ضدّن، مش قاتلينلي بيّي ولا قاتلُّن بيُّن..

أنا ما رح سقّط التيار، والعماد ميشال عون موجود أو مش موجود أنا مع التيار الوطني الحر

رصد Agoraleaks.com