نانسي سبع تطالب بالفيديو لتتأكّد وجوزيف أبو فاضل: معقولة.. والويل للأغبياء الحاقدين، الطائفيين.. (Audio)

– عم يراقبُن زياد عيتاني حتى يجبلُن “Gâteau”..  
– المشنوق وحمود وعثمان وحمود وخالد خمستهم موارنة!! 👏🎬

***

مقتطف من حديث المحلل السياسي جوزيف أبو فاضل لقناة “الجديد”، عن ملف زياد عيتاني: (3 آذار 2018)

العلومات مؤكدة أو شبه مؤكدة، انو المتهّم زياد عيتاني، إعترف بمراقبته للوزير نهاد المشنوق، وللوزير عبد الرحيم مراد..

هلق إذا عم يراقبهم حتى يجبلُن “Gâteau” وحلو يهديُن، شي..
وإذا عم يراقبهم ليخدم العدو الإسرائيلي، يللي عم يحاول يخرق دائماً، صار شي تاني..

تسأل نانسي سبع: على أي أساس المعلومات مؤكدة مين منّا تأكدّ.. يردّ أبو فاضل:

أوقف زياد عيتاني بناءً لمعلومات جاءت لجهاز امن الدولة، وهو أقرّ بتلك المعلومات.. وكان أمن الدولة قد اتصل بمفوض الحكومة القاضي بيتر جرمانوس لوضعه بالتقرير الموضوع بين أيديهم.. فطلب إيقافه، وهذا الأمر شي طبيعي..

وبالتحقيق مع زياد عيتاني، لقيو هالشي مزبوط.. وأُبلغ بيتر جرمانوس، فجاء الى مكان التوقيف، وسجّل الإعتراف بالصوت والصورة، وهو يقرّ بالتعامل مع إسرائيل..

تسأل نانسي السبع: وينُن الفيديو..؟؟

يردّ أبو فاضل: ما بعرف، أنا بدّي جبلك الفيديو..!!

تقول نانسي: لمّا بيتشكّك بجهاز أمني، بأخطاء.. يقاطعها أبو فاضل:

ما حدا بشككّ فيا، معليه نحنا على أبواب إنتخابات، وبيت عيتاني الله يبارك، عيلة كبيري، وما حدن يزايد علينا، انا اتبنّى ما قاله الوزير سليم جريصاتي ووليد جنبلاط..

معليه يسمحولنا فيا كلُّن سوا.. إذا ما خصّو عيتاني يطلع..

نانسي السبع: في شبْ إختربت حياتو، إتهم ببيان من أمن الدولة بالعمالة… يجيب أبو فاضل:

التهمة جاء نسبة لما أدلى به.. يا ستنا نسبة لما قالو زياد عيتاني بأمن الدولة، طلع البيان..

نانسي السبع: سوزان حبيش ما الها علاقة الإنتخابات بس نهاد المشنوق.. فيشي غريب؟؟ يقول أبو فاضل:

ما الو علاقة.. خسارة هادي حبيش بتربّحنا نحنا كتيار وطني حر.. شو خصني انا بمشاكل نهاد المشنوق الإنتخابية.. أنا بتربطني صداقات كتيري بعائلة عيتاني، وأنا دافعت عنّو، واتصلت بعائلته، إن كانو يريدونني وكيلاً عنه، وعائلته بتعرف هالشي…

لكن زياد عيتاني حكي شي قبل التوقيف، وحكي شي بعد ما شاف محاميه…

نانسي السبع: لنقول نُسب إليه؟؟ يقاطعها أبو فاضل:

ما رح قول نُسب اليه، ما نحنا المحامين، أوّل ما يجي شخص لعنا، نقول له: انكر كل شيء.. وخلّيني كفّي، الويل للأغبياء الحاقدين، الطائفيين..

ما قاله الوزير المشنوق مرفوض تماماً.. أنا عروبي وماروني ومسيحي ولبناني، هيدا كلام إنتخابي ونقطة عَ السطر..

نحنا ضدّ أي شخص يتركّبلو ملف، إن كان زياد عيتاني او زياد أبو فاضل أو زياد السبع..

يشوفو هنّي فرع المعلومات، اللي قاعدي بحضنن سوزان حبيش كل الوقت، ويللي هيّي مسؤولة وسلفا وجوزا… نحنا مننطر القضاء… وكلام وزير العدل هوّي الكلام الصحيح..

معلومة

كُفّ يد القاضي مفوض الحكومة لإستلام الملف من قبل مدعّي عام التمييز، وشخصياً الرئيس سمير حمود يتدخل بالملف منذ أسبوعين وحتى اليوم..

يا ستنا وَلَو نانسي، معقولي إجي قلك خبرية مش مزبوطا..!!

نانسي: مش لأنو لاقو ثغرة بالموضوع؟؟ يردّ جوزيف أبو فاضل:

لاق مش ثغرة، هنّي بدُّن يستلمو التحقيق؟؟

وهنّي:

• وزير الداخلية (نهاد المشنوق)
• مدعّي عام التمييز (سمير حمود)
• مدير عام قوى الأمن الداخلية (عماد عثمان)
• رئيس فرع المعلومات (خالد حمود)
• المتهّم زياد عيتاني

هودي خمستُن موارنة.. حليّها إنتي نانسي السبع، ونحنا عَ أبواب انتخابات ببيروت.. انتخابات علناً “أشكَربلّي”…

في خبرية واساس عند أمن الدولة، والأساس في تعامل، وفي اتصال.. لأنو سنة 2016، راح على تركيا زياد عيتاني، وبسنة 2017، طارت سوزان حبيش.. إذاً هيّي معا خبر من سنة، أو ما معا خبر..

لننتظر التحقيق… وانا مع إنو يطلّع زياد عيتاني، بس ليه نهار الإثنين..

إذا بريء.. يا صديقتي يا حبيبة قلبي.. وزير الداخلية مبارح أعلن براءة مُدعّى عليه، ومتهّم زياد عيتاني، قبل ما يرجع الملف عند قاضي التحقيق..!

إذا بتشككّي بجهاز امن الدولة، انا بدّي شكّك بكلشي.. الشعب اللبناني بدّو يعتذر من زياد عيتاني، ليه شو عاملّو الشعب اللبناني..

بعدان مين الحاقد والغبي، والطائفي.. مين بيكره زياد عيتاني…!! بدّو حدن يفهمني..!!

وليد جنبلاط، إذا مش متفّق هوّي وتيار المستقبل، بكرا بتنحّل القصة..

رصد Agoraleaks.com