Agoraleaks Agoraleaks
✝ نفكّر إنو قادرين نغيّر لمّا نكون علامات… (مارينا شليطا) 🙏
سأل شخص “جان فانييه” (Jean Vanier): شو قدرت تعمل بـ”كالكوتا” – الهند؟؟
بردّ: أسسّت جمعية فيا بس 8 اشخاص؟
بكالكوتا!! بتعرف في 15 مليون فقير، خبرّنا شو قدرت تغيّر..!!
جاوب جان فانييه: يمكن معك حق، أنا ما غيّرت شي.. كل اللي عملتو إنّي حطيّت علامة بهالمدينة، انو كلشي ممكن… وهيدا كافي لدعوة كل شخص ساكن بهالمدينة يصير بدورو هوّي العلامة…
* ♰ *
اليوم كتار منّا بقولو:
- شو وقفت عليّي..!!
- شو قادر غيّر..!!
- قديه قادر غيّر اللي حواليّي.. ما الكل بفكرو أو بعيشو بهالطريقة…!!
بكفّي بهالصوم نفكّر إنو قادرين نغيّر.. لما نكون علامات..
علامة رجا ، فرح ، محبة ، خدمة وبشرى سارّة مع كل الأخبار المتشائمة، اللي منسمعا يومياُ.. وهيك منكون عن نبلش نكون علامات…
وبكفّي نتذكّر إنو دعوتنا بهالعالم نكون،
- علامات حب
- علامات نور وسط الظلمة
- والملح اللي بطعّم لمّا تنفقد الطعمة معنا…
