Agoraleaks Agoraleaks
✝ تعوا نسرق دقايق معدودة ونحكي ربنا (مارينا شليطا)🙏
* ♰ *
كان الخوري آرس يقضي أوقات طويلة بالكنيسة…
شاف إنو في فلاح بيلتقي فيه، كل يوم جايي على الكنيسة بعد شغلو…
وعم يفتش عَ مطرح. ما حدا بيقدر يشوفو فيه…
قرّر الخوري آرس يستفهم من الرجّال ، قلو:
- خبرني أكتر ، لما تقعد بالكنيسة بعد نهارك المتعب، شو عم تعمل..؟
جاوب الفلاح:
- يا أبونا، ما بكون عم اعمل شي؟
- بكون عم إحكي أنا و الله.
عم قلو قديه بحبو..
وعم بسمع منّو قديه بحبني..
* ♰ *
تعوا نحنا بهالصوم، نسرق الوقت، وما نخلّي شي يبيعدنا عن الله… تعوا سوا نلاقي حتى لو دقايق معدودة نحكي فيا مع ربنا، ونخبرو بكل بساطة قديه منحبو.. ونشكرو على كل النعم يللي الموجودة بحياتنا، ونتأمل بسر محبتو النا.. وهيك أكيد هالدقايق رح تطبع كل أقوالنا وأفعالنا بهالنهار…
