بالصوت تعليمات داخلية للمستقبل: من شهر كان وضعنا صعب، وهيدا النهار ناطرينو من 2011 (audio)

– الحريري هوي الرقم الصعب وصانع الحلول – كنّأ خارج المعادلة واليوم انتو ماسكينو..

 وزّع قطاع الإعلام في تيار المستقبل شريط صوتي لناشطيه في لبنان وبلاد الإغتراب، يبرز فيه تعليمات واضحة بضرورة الإحتفال في حميع منسقيات الحزب في لبنان والإغتراب، مع صدور أمر تكليف الرئيس سعد الحريري تشكيل الحكومة، وجاء في التسجيل:

– ما لازم يمرّ تكليف الرئيس سعد الحريري مرور الكرام، هيدا النهار لازم يكون نهار احتفالات بكل منسقيات خارج لبنان. متل ما رح يكون يوم احتفالات بكل منسقيات داخل لبنان.

– ما بكفي تفاعل على مواقع التواصل الإجتماعي، والـwhatsApp، الخ.. لازم تفتحو المنسقيات كللا للتهاني، والتعميم علىا لأعضاء المنظمين، انو يعملو تجمعات بأماكن بتحددوها إنتو.

– اليوم بيرجع الرئيس الحريري عَ رأس الحكومة، وهيدا اليوم عم ننطرو من 2011، وهوي اليوم علينا نظّهر فيه حجمنا.

– يللي صار بهاليومين الماضيين، بيّن انو الرئيس الحريري لا زال هوي الرقم الصعب، وهوي صانح الحلول بالبلد.

– بتمنّى تحطو مكاتب الإغتراب بالأجواء، لتأمين التغطية الإعلامية.

– من شهر كان وضعنا بالبد صعب، كنّا معزولين. كنّا خارج المعادلة، بظرف شهر بسبب مبادرة الرئيس الحريري اللي انقذت البلد، وتبعها، الإنتخابات الفرعية لتيار المستقبل، واللي رجعت صورة التيار عَ صورة كل لبنان، متل ما شفنا نهار الأحد. رجعتو انتو عَ المشهد، وماسكين من قلبو.

هيدا الشي لازم نركّز عليه ونواكبو مع الرئيس الحريري.