نديم الجميل: باسيل طارئ من خارج الأشرفية وصحناوي يردّ : عايش بمجد الماضي وبحاجة دايماً لمشكل لشدّ العصب (Audio+Video)

– طبول الإنتخابات قُرعت بالأشرفية البداية والنهاية ( دارين دعبوس )

***

بين الأشرفية البداية والأشرفية النهاية، قُرعت باكراً طبول الإنتخابات في دائرة بيروت 1، معلنةً الأشرفية والرميل والصيفي والمدوّر ساحة منازلة إنتخابية على 8 مقاعد.

التيار الوطني الحرّ عائدٌ الى بيروت كي يمثلّها، وسنُقدّم لكم لائحة فيها الأشرفية البداية وفيها الأشرفية النهاية.

كلمات قالها رئيس التيار الوطني الحرّ جبران باسيل من قلب عاصمة الأرثوذكس ، كانت كافية لتُشعل الساحة “التويترية” ، بين ردٍّ كتائبي من النائب نديم الجميل وردٍّ على الردّ من نائب رئيس التيار نقولا صحناوي.

يقول النائب نديم الجميل:

• الردّ تبعي على “tweet” كان من منطلق جبران باسيل الفوقي، اللي بيجو طارئين من خارج الأشرفية وبصيرو بدّن يعطو دروس للأشرفية .
• ما بِقبلْ حدا يجي، و يقعد يعلمنا، شو هيّي البداية، وشو هيّي النهاية. وشو هيّي المبادئ يللي الأشرفية بتوقف كرمالها، ام لاق.
• منذكّر جبران باسيل ، إنّو سنة 2009 كنتو عم تقولو “رديتو حقوق المسيحيي” وإنو هوّي جبلنا قانون الخلاص من الدوحة، وشفنا وين راحت الحقوق، وشفنا مين طالب بتغيير القانون مباشرة بعد نتايج 2009.

من جهتّه نائب رئيس حزب التيار الوطني الحرّ نقولا صحناوي يقول:

• في نواب عايشين على مجد الإرث ، يللي هنّي بيعتبرو هنّي وارتينو. والإداء تبعن مش عم يكون على المستوى. 
• في خيبة أمل عند الناس، 9 سنين نواب ما شفنا شي منهم. هنّي دايماً بحاجة للمشكل تَ يرحعو يشدّو العصب. 
• إذا في حدن يعطينا مشروع واحد نعملْ بالدايرة الأولى.

يُسأل صحناوي، عن قول باسيل واسترجاع الحقوق، يقول صحناوي:

• الدايرة الأولى بتجيب لوحدا 8 نواب. 
  هيك المسيحيين بجيبو نوابن. وهيك بتقوي الشراكة.
  مش يعني يكونو تيار أو لاق.. المهم الأصوات المسيحية تجيب نوابها.
• النواب عليهم يجيبو حقوق، بمعنى 
  – حقوق إنمائية
  – موازنات ببلدية بيروت
  – بوزارة الأشغال
  – بمجلس الإنماء والإعمار
  – بالتوظيفات
  إذا ما كان الواحد قوي، مش قادر يرجّع شي للمنطقة حقها بالإنماء المتوازن.

في هذه المنطقة خليط أحزاب مسيحية، فهل اتصحّت خريطة التحالفات المُقبلة، يقول الجميل:

• بعد بكير اليوم نحكي عن تحالفات، وعن تركيب لوائح.
• كل واحد عم يدرس وضعو وأرقامو. وأكيد في عنا تحالفات طبيعية وتاريخية. وأنا اليوم أمثّل حزب الكتائب وسأكون مرشحهم ببيروت الأولى.

عن الإنتخابات يقول صحناوي:

• بالنسبة للتحالفات التيار الوطني الحر، لديه تصوّر ولكن من المُبكر كشفه

يُسأل عما إذا كان مرشّح التيار في الأشرفية، وعن وجود مفاجآت، يردّ:

• إن شاء الله ، وسيكون هناك مفاجآت..

الجدال “التويتري” كشف عن حربٍ إنتخابية ضارية في هذه الدائرة المسيحية، التي يبقى الحكم فيها للصوت الأرمني ومدى مشاركته.

@رصد Agoraleaks.com