جميل السيد وخفايا الطبخة عَ الحريري: من جارة ريفي الى جعجع الى اتصال بهاء بعمتو وشتم السبهان لقيادات عَ التلفون (Audio)

– الله بحبّ لبنان إنو بهالأزمة في شخص العماد عون ببعبدا…
– عون والقيادة: نضافة الراس والإيمان بجيبو الصح.. الأجير حاسة الشمّ للمصاري..
– جعجع للسعودية: بدي مصاري، لادفع رواتب الحرس.. ولحم كتاف ريفي من بيت الحريري..

***

مقتطف من حديث اللواء جميل السيد لقناة المنار ضمن برنامج “حديث الساعة”: (24 ت2- 2017)

الطباخون

• في إساءة تقدير وإخراج، وقد تكون الفكرة الموجودة عند السبهان (مش تحليل معلومات) هوي الطباخ مع بعض اللبنانيين.
• ولي العهد قايل للسبهان أن يهتمّ بالملف اللبناني.
  متل ما سورية عطت لغازي كنعان ملف لبنان.
  تُحسب الأخطاء والإنجازات على المستلم الملف.
  اللي مستلم الملف بينقل أفكارو على القيادة، والقيادة بكون عندا 100 إنشغال.
  وفي ذلك اليوم القيادة كان عندا شغلة كبيري بدها تحصل بعد ساعات.
  والسبهان صرلو أشهر بروح وبيجي ، وبحيّك الأمور مع حلفاء الحريري.
• الطبخة كانت عم تنعمل. وشايفين الحريري بمحطات مش عاجبن.
  وفي صريخ من لبنان من بعض الحلفاء، إنو منبطح كتير.
  – ايران عم تحكم
  – الرئيس عون صار بغير محلّ.
  الخلاصة بأد فهمو بالساحة اللبنانية، نقلها للقيادة، أحسن طريقة يستقيل الحريري.
• القيادة السعودية أقرّت المبدأ.
  وبين تآمر اللبناني (اللي حوالى الحريري) مع السبهان، أخذ القرار…
• لبنان بلد كتير صغير، بس ما في أصعب منّو
  وبنظر الدول.. بشوفو إنو شو هيدا (بنظرن)
  بالمضمون الها أسباب السعودية مش اللبنانية.
  بالشكل في همجية..

الملف مع السبهان الحريري ما بيرجع. لما راح الملف للأكبر منّو (أياً كان إسمو) بيرجع الحريري.

• طالما الملف مع السبهان بقاتل بلبنان، على أسبوعين، لإقناع ولي العهد انو خطتو نجحت، و”المجدرة” “بقلاوة”.
• وبصير يتلفن للكلّ وينزل هوي شخصياً على الإعلام،
  بيحسبا بهاللحظة انو إذا فشل بتطلع براسو..
• انو بالمملكة أُخذ إجراء بشخصيات عددن 200 تقريباً، ما في دولة راجعت فيون. كل الأمم راجعت بالحريري.
• مفروض اللي مكلفو بهالطبخة، يعملا مزبوط، مش يحرقا، ويتلّي القيادة شحتار..

معلومات + مجريات الأحداث

• في مخرج فرنسي، بدأ مع الحريري من السعودية الى فرنسا الى لبنان. والصيغة كانت تأكيد استقالتو، وانتظار أسبوعين ريثما ينتهي الفرنسي من اتصالاتو التي تشمل: السعودية وايران بتفاصيل…
• الحريري إجا عَ لبنان بحسب الخطة كإخراج تأكيد استقالتو
  – الشكل كان عنوانو “عودة الحريري”
  – وصل على الإستقلال: نردّ الإعتبار اللبناني.
  – بالقصر الجمهوري، بالخلوة مع الرئيس عون. الحريري كان بدّو 3 إشيا:
  1) استقالة
  2) تأكيد النأي بالنفس
  3) انتظار أسبوع أو أسبوعين (وهذا هو الإخراج مش الحل)

مناورة عون والنتيجة

• عون شاف: إذا استقال، يعني استشارات.
  الصورة مش واضحة. وبدنا نفوت بتكليف ومأزق. وجرجرة للبلد.
  الحكومة بدها تصير حكومة تصريف أعمال.
• العماد عون بعقلية عدم التعطيل للمؤسسات، تمنى على الحريري انو : بما إنو ما في جهوزية لتشكيل حكومة والصورة مش واضحة، لنبقى بحكومة فاعلة، ولننتظر بوضع طبيعي.
• قال الحريري :
  – قبلت بالتريث
  – وتشديد بالنأي بالنفس..
  وهي العبارة السحرية، وعند فخامة الرئيس الها ترجمة معينة. والها سياق تشاوري مع الفرقاء.. وأصلاً ردّ عليها، وقال بخطاب عيد الإستقلال: نحن نأينا بنفسنا، والغير ما نأى عنّا…
• الحكي الفرنسي بدّو ينطلق من الصاروخ اليمني وطالع…
  بس بالفاتورة اللبنانية تحدّدت بالنأي بالنفس.. وعلى اللبنانيين ترجمتها. السيد نصرالله وضّح: مش نحنا اللي عم نقاتل باليمن، ومش نحنا من أطلق ذلك الصاروخ.

أسرارن

• أحد صغارن، جعجع. حليف أساسي للسعودية.
  لكن بالمعادلة يبقى صغير باللعبة الإقليمية.
  بس احتجز الحريري، جعجع طرح الشروط:
  1) إستقالة الحريري ثابتة ولو من خارج لبنان.
  2) التسوية سقطت.
  3) لن يعود.
  4) ما حدن بيقدر يشكل حكومة
  5) يللي عندو كرامة، كان بيستقيل من زمان
  6) تأخّر الحريري، أنا مش متفاجئ..
  7) مواقف الرئيس عون أحرجت الحريري فأخرجته
  8) تسليم سلاح حزب الله شرط لتأليف الحكومة.
  9) إنسحاب حزب الله من سورية شرط..
  10) يجب الغاء التسوية القديمة الى أخرى جديدة.
  ولما سألو الصحفي وليد عبود، هل في إعادة للإستقالة، بقلو: مش ممكن، مش عم نلعب هون.

هيدا كان الطموح المطلوب والمتوقّع من الإستقالة… إختصرت بنتيجة المأزق بالنأي بالنفس…

• نحنا وين موجودين لنبتعد.
  السيد نصرالله قال: طلبو تسوية واقعية..

(1) اسرائيل

توطين الفلسطينيين بلبنان هوي إستمرار للإحتلال الإسرائيلي.. إذا ما فينا ننأى عن الموضوع

(2) الإرهاب

اول سنتين، الحريري بمقابلة مع بولا يعقوبيان ونديم قطيش، من بعد استقالته الحديثة واستلام ميقاتي (سنة 2011) يُسال عن النأي بالنفس: يقول: لن ننأى بنفسنا عن التدخل في سورية، لأنو يا شباب غداً سيأتي حكم في سورية، وسيأتي الشعب السوري، وسيحاسبنا ويقول: انتم نأيتم بنفسكم، وما عندكم مكتسبات…

• عملية النأي بالنفس نطلبت من سورية متى؟؟
  تدخلو وفتحو حدود لبنان. وصارت عرسال. واستقدمو الإرهاب. وبواخر. بس فات حزب الله.. طلع ميشال سليمان: تعو نعمل النأي بالنفس..
• أنا وعم اربح، ما بدّي نأي بالنفس.
  مع تعديل الميزان بدّي نأي بالنفس.
  الإرهاب أتى الينا قبل ما يطلع حزب الله الينا.

اليوم من يحدّد ماهية النأي بالنفس؟؟ 

• طالما ما في سلاح بدّو يتسلّم.
  طالما المقاومة ما رح تنزال.
  الراعي للصيغة اللبنانية واللي هوي على تماس إيجابي مع
  1) الرئيس الحريري العائد، وقاتل في سبيلو
  2) المؤيد للمقاومة، وله مواقف سابقة ولاحقة ومستقبلية تفهم المقاومة.. وعيب يحكو عن دفع مبلغ قطر. هيدا الزلمي عندو قناعات، وعم يقاتل عنّا..
• رئيس الجمهورية بالتوقيت المعيّن، بدو يقلو لَ:
  – حزب الله
  – رئيس مجلس النواب
  – جنبلاط
  – المستقبل
  عن الصيغة الحل.. ولكن بس تركب فوق (اللي عم يعملو الفرنسي وغيرو) تسهل.. لأنو ما حدن عم يطلب المستحيل.
• هلق في تصريحات نارية من ايران.
  في تصريحات نارية من السعودية.
  لكن
  الحريري لا يتجانس مع هذا المناخ.
  والسيد نصرالله لا يتجانس مع هذا الكلام…

واللبنانيون فنانون بالصيغ والمخارج، متل سنة 1943.. (ما تخانقو حول وجه عربي، وقفى عربي.. وقالو ليس للإستعمار مقراً ولا ممراً)

ليش لبنان؟؟

• للدول الخارجية (الشرق والغرب)، لم يبقى لهما بالشرق الأوسط بلد بحطّو إجرو فيه، وما عم تخبّط بعضا، الاّ بهالبلد هيدا…
• كل العالم بحاجة للشرفة اللبنانية.
  اللبنانيي مش مستعدين للخناقة،
  والخارج مش ضاغطهم.
•  لو السعودي طلب من الحريري يجي عَ لبنان ويقدّم إستقالتو، ويولعها كان قدمها…
  هلق طبعو منو صدامي، بس كان عملها.
  لو قيل لجعجع روح عملا، كان بدي فيا من استراليا…
  لو قيل لريفي عملا، بربع إشارة بلشا..

ربّ ضارة نافعة، بمعنى انو لبنان بلد محمي ومحروس، الله بحبو جدياً (مش كل أهلو بحبوه أد الله بصراحة)

يسأله الإعلامي عماد مرمل عن تورّط مقربين من الحريري للإنقلاب عليه، يقول جميل السيّد:

وقائع مش تحليل، لتنشيط الذاكرة للرأي العام

• التسوية من سنة مختصرها كان العماد عون مع سعد الحريري.
  كانت صيغة حكم.. من كان المعترض عليا، قبل ما يتراجع؟
  – سمير جعجع (رجع فات عَ التسوية) بس كان رافض التسوية
  – أشرف ريفي (جريمة الإتيان بفرنجية، وجريمة أكبر بالعماد عون)
  – اطراف آخرين ولكن نايمة…
• تدريجياً الأصوات كبرت:
  1) الحريري منبطح
  2) الحريري يهدر حقوق السنة (ميقاتي)
  3) الحريري سلّم البلد لحزب الله
  4) عون في الفريق الآخر…
  مع مجيء السبهان.. الكلام على الحريري معبّى البلد، وانو نادر الحريري عامل صفقات…

التفاعل بدأ لمّا … 

• لما الرئيس عون بنيويورك وبلبنان حكي عن ضرورة المقاومة
• لما الوزير باسيل شاف الوزير المعلّم
• لما طُرحت عودة النازحين
• لما راح وزرا على سورية..

بدأ السبهان يسمع ويتفاعل.. وبقي الموضوع محصوراً.. لكن بعد عودته من السعودية (أول مرة) ولقائه مع السبهان، الحريري يوقّع على قرار سفير لبنان، قامت القيامة..

إجا ولايتي زار الحريري، وحكي عن انتصار عن محور المقاومة.. عندما وصلت الأمور لهذا الحدّ طفح الكيل؟؟؟

• الخلاصة السعودية بعد عودتو الأولى من السعودية:
  انو الحريري مش مصدّق الموضوع..
  ومفكّر حالو بمثّل حالو بلبنان، مش بمثلنا..
• جعجع بقول بعد الإستقالة: ثابتة، ولن يعود، ونفس الشي
  أشرف ريفي: هذه الإستقالة شرعية لأنها علنية.. وخرجت إحدى الجارات من عندو (لينا البيطار) بتصريح واضح، وقالت فيه: إنتصرنا سعد الحريري انتهى، وسيكون بهاء رئيساً للحكومة.. (نكشف الجزء التاني اللي مش معروف)

بهاء الحريري

• كان بهاء الحريري قد إستُقدم الأحد فجراً الى السعودية لتبليغو بإنو هوي سيكون الوريث.
  تمت اتصالات من السبهان بعائلة الحريري:
  – عمتو بهية
  – الست نازك
  – هند الحريري
  استدعاؤن للحضور الى المملكة، لمبايعة بهاء.. وكل واحد بيعمل عذر وما بروحو..
• بهاء الحريري يتصل (ينكروها إذا غلط) بست بهية، بقلها:
  القرار السعودي، الزعامة بتبقا عنا بالبيت،
  ما بدنا نخسر الفرصة، سعد إنتهى،
  وفي مبايعة وخلّي الزعامة تضل بالبيت،
  تجيبه بهية، بما معناه: استوضحت عن خيّك، شقّيت عليه، سألت عنو؟؟
  فهم بهاء الحريري، وسكّر الخط..
• ريفي من 30 ك2 – 2017 مع وزير خارجية خليجي، التوصية كانت انو بهاء مستعد ليكون الشخص القادر على المواجهة… وجعجع هون: عم يقول لن يعود.. ولكن مش عارف قديه الأزمة بدها تكبر…

خطأ السبهان

• انو اعتبر السنة عمومأً وتحديداً تيار المستقبل بجيبتو..
• عم يحضّر زيارة البطريرك من قبل، وبرأيهم تحضير للمسيحيين ليواجهو العماد عون
• برأين الجزء السنة بيعمل الإستنفار اللي بيحرج حزب الله وبتنفتح الأزمة..
• وعَ أساس الرئيس بيقبل الإستقالة..
  – بتصير استشارات، بصروّا السنة على إنو بهاء الموصى فيه هونيك، هو الشخص الذي نريده..
  – حتى الوزير فرنجية شو قال: لن نستطيع أن نقدّم شخصاً يرفضه السنة؟؟
  الفكرة التي تُسوّق: غصبن عنّكن بدكن تقبلو ببهاء..
  بمعنى إذا السنة عم تفرز القوي فيا، إنو إذا في إجماع السنة والسعودية بدها هيك، يعني:
  – بهاء رئيس حكومة، وعَ يمينو أشرف ريفي، وع شمالو جعجع، ووراه فارس سعيد.. وركبت حفلة الجنون

أنقذ لبنان من مؤامرة كبيري مركبها واحد صغير، وما بيعرف لبنان

تخربطت

• خارجياً: الدول الكبرى لن تسمح لإسرائيل بالخربطة
• داخلياً: الراغبون بالحرب والفتنة مش قادرين. واللي قادر عليا ما بدّو ياها..

من الذي يرغب بالحرب؟

• جعجع وريفي..
  جعجع عم يشتغل بمشروع سياسي: عندو قناعات سياسية، ترى ان الأسلوب المعتمد لا تخدم الإستراتيجية بوجهة نظره… وهو مع تعديل التسوية… وبوكيليكس قال للسفير الأميركي: سمحولي ب 10 آلاف بندقية (أنا واشرف ريفي قادرين نغيّر المعادلة، وجنبلاط كان يقلو للسفير الأمركاني: وسام الحسن عم يخبري عن المشروع، عملو معروف وقفو هالجنون..!!
• جعجع بقناعات ينتمي الى خط السعودية.
  هوي من وين عم يصرف؟
  ما هوي بعت كتاب للسعودية، للخارجية: ما عم اقدر ادفع رواتب تبع الحرس تبعي.. ونشرتا جريدة الأخبار، وثيقة تبع “سعودي-ليكس”… وكل مناسبة ستتوفر عندو رح يعملا.. ولو زبطت الخطة تبعو وإجا بهاء، بيكبر جعجع او بيصغر؟ بيكبر ريفي أو بيصغر؟
• انتا يا حريري عفيت عنّو، قاتل رئيس حكومة، وعيلة داني شمعون، عفيت عنّو وبأوّل مناسبة بدّو يجيب خيّك محلك..!!
• لحم كتافو لريفي من بيت الحريري
  لا شيء ريفي، مش حالة فكرية..
• ميشال سليمان: باع سعد الحريري، ويللي هوي رشحو للإنتخابات..!!

برجع بقولا: الله بحبّ لبنان، إنو بهالمرحلة هيدي وبهالحادث هيدا بالذات، في واحد اسمو ميشال عون ببعبدا، مش الرئيس ميشال سليمان.. والأّ كياس الرمل قاعد وراها ببعبدا (ميشال سليمان وريفي وفارس سعيد وجعجع)

• مش كل ضابط بيستلم منصب بكون قائد. بكون رئيس..
  أحد شروط القيادة: إنو يكون عندو حاسة الشمّ (الحدس)
• غيرو بدّو يدرس ليل نهار ليشوفو، هوي بشمها.
  والحدس تَ ينوجد، ما بينوجد عند مأجور.
• المرتزق ما عندو حدس. عندو حاسة شمّ عَ المصاري، مش عَ الصح
• حاسة شمّ العماد عون موجودة من قبل.
  كقائد للجيش، بتقلي خسر بِ 13 تشرين، بقلك ايه: هوي مارس للآخر، إنما إجا الثقل الأكبر أنتهى اللعبة، ولكن هوي ضاين سنتين بوجّ الطائف.
• بالحدس تبعو، والى حدّ ما مزبوط… رغم اعترافو انو الطائف اليوم منيح.
  الطائف ضيّع السلطة بلبنان. ومنو منيح لإقامة دولة.
• بحدسو عام 2006.
  كل العالم قالت: من جعجع للسنيورة لأوباما انو حزب الله انتهى…
  قالها ميشال عون عفوياً… كيف؟
  يعني أنا بكون نايم وبتطرق معي قصيدة.
  غيري ليلتين وتلاتي وما بيطلع معو بيت شعر…
  باللحظة الحساسة، حاسة الشم تبعو قال: إسرائيل ستخسر.. وهيدي قناعاتو.

نضافة الراس والإيمان بتجيب الصح.

• مش بالضرورة المعلومات، أوقات ب 10% من المعلومات بفكر صح، يتصيب..
  يكون عندك 100% معلومات، وما عندك فكر صح، ما بتصيب..
  السيد نصرالله أوقات بروح لبعيد، لأنو موقف ايماني وقناعات.. الأجير ما بجيب
• تجاه سورية:
  الكون كلو الأسد جمعتين وبروح..
  وعون بس عم يوقف هيك، عم يخاطر بكيانو وبمصيرو ووجود السياسي مع شريحة طويلة عريضة معو ومصالحا.. بقول: الأسد لن يسقط والبديل إرهاب، ومن أوّل يوم..
• النزوح السوري
  كان شريك بالحكومة، حطّو ضوابط.. هاجمو بالعنصرية
• ايران مقنعتو.. !! 
  ما مشهور عنو العناد.. 
  خلّي ايران تجرحو بشغلة، إذا ما بشوط شوطة لآخر الدني.. 
  ما هيدا العماد عون هيك..؟

في هذه القضية اللي اقل أهمية، خطراً وحجماً (مهمة كتير) بالنسبة للبنان، ولكن من أمور غامضة.. عون ما هوي كل يوم عم يحكي مع سعد الحريري قبل ما يروح عَ السعودية

• ما كان بدها الحدس الإستثنائي للقائد
  كان بدها البديهة الطبيعية
  – استقالة ومن دون شرح.
  بصوابية نظرتو للأمور، وكون هيدا رئيس حكومتو.. وهوي اكتشف سعد الحريري بعد الرئاسة، كما الحريري اكتشفه بعدها..
• الحريري كان يبحث عن أب.
  عم شخص ما عندو التعقيدات والفزلكات تبع السياسة،
  إنو إذا قعد معو، بيعرف انو مزبوطين.
  مش واحد بيحكي بالشرق، وبيلعب معو بالغرب.
• الرئيس عون شاف انو خلال سنة الحريري جيّد…

فشلت الخطة

1. الممانعة الأولى الذي أظهرها عون خربطة جزء من الحسابات.. وفشل استقدام بهاء الحريري المُحضّر لبنانياً، بتطيير سعد.. (والضغط كان لقبول الإستقالة وسعد مش راجع.. قبل ما البنت تسرّب، ويصير في دعاوى بالشأن الشخصي اللي ما النا علاقة فيه..)
2. الموقف التاني المفاجئ من سماحة السيّد.
   ما ممكن الاّ ان يرفض هالشي،
   حتى قبل التثبت أن الحريري إن كان بوضع إحتجاز أم لا
3. تيار المستقبل، بمختلف أركانو، ما عدى بعض الناس.
   – رضوان السيّد اللي لاعب اللعبة. (اللي صار من جند السبهان) وكان من جند السنيورة، ومتوصّى فيه.
   – عقاب صقر بـ48 ساعة، المستقبل قال: لا يُعبّر عن موقف المستقبل..
   – موقف دار الفتوى..
   كانت صدمة السبهان من تيار المستقبل
   كان معتبرا تحصيل حاصل، ومش مهتمّ فيون، معتبرن رح يمشو بالركب.. (مستسهلها)
   بدّو الجماعة اللي واقفة مع العماد عون، منشوف وسيلة مع البطريرك..
   – ما قَربو على جنبلاط،
   شايفين تموضعو، ما تعذبو..  وبس لمحلو شخص من المقربين للسبهان، ترك جنبلاط الاجتماع

لهذا السبب كان الطلب التركيز على المضمون.. كل العالم شافت أنو مش هيدا سعد، الاّ الست بولا يعقوبيان ما شافت..

• السبهان أحرج بالشكل وكبرت.. الأزمة
  بدأ من تلفزيون الى تلفزيون
  من MTV
  الى LBC شخصياً..
  ودفش كل الإعلاميين اللي بيعرفن.. حكوه عن الموضوع مش الشكل ولا الإحتجاز..

لكن الموقف السني عاكس السبهان

•  طلّع التلفون وبدأ.. خلّي يخبّر نادر مين تلفنلو؟؟ والسبهان تلفن للسنيورة.. طلع رستم غزالة صبي صغير.. وانو كل موقف لا يتعاطى مع المضمون هو خيانة للمملكة..
• حسنة لبنان، انو بلد بلا اسرار. السبهان بات مستقتلاً، صار عم يهين، ويتصل.. بما يشبه الشتم. حسّ حالو غرق..

يعترف للمشنوق كان من الإنتحاريين

• ما حدن ضد السعودية. بكون غلطان من فريقنا إذا حدا عم يقيّم انو هودي بطلّو مع السعودية
• لا يزالون مع السعودية ، بس الطريقة ما بتشبه السعودية اللي معودين عليا
• المشنوق لما بقول من دار الفتوى: نحن لا نُبايع، نحن مش غنم.. المبايعة مش مطرح لما بكون في إنتخابات، هوي عم يقول كلام كبير، بس عارف انو في أماكن أخرى بالمملكة (معلومات) ترى ما لا يراه السبهان، وهيي بتوصّل لولي العهد، وشايفة منذ البداية، انو مش هيدا الأسلوب.

هيدا البلد في عليه رعاية في الله في فرقاء واعيين، في حكمة.. وحتى من المكان اللي حصل فيه الخلل، رًبّ ضارة نافعة أيقظت الجميع

• الزمن بيوقف عند الأحمق

يُسأل عن تقديم نصيحة للحريري، يقول السيّد:

أراه حتى الآن، يُغلّب مصلحة لبنان.
سعد الحريري الجديد، صحيح هو ابن رفيق الحريري،
لكن صار بيقدر يقول: انا سعد الحريري..

وربّ ضارة نافعة، هو لن يكون ضدّ السعودية، ولكن الظروف أسلم ليمارس بشكل أفضل من أجل مصلحة لبنان، من دون أن يتنكّر للسعودية، بس من دون ما ياخود البلد لصدام خراب تستفيد منه اسرائيل..

رصد Agoraleaks.com