جان عزيز لديما صادق: فارس سعيد ونديم قطيش منن قوى سياسية، سألي المر كيف إجا نايب.. (Audio)

– السبهانيي اللي عاشو الجزمة السورية أكتر سياديين من الحريري وجنبلاط..!
– عم تنقلي إنطباع السبهانيين يللي قالو الحريري كان بنزهة.. !
– بدن يفهمو لبنان مش الحلقة الأضعف..

***

مقتطف من حديث مستشار رئيس الجمهورية جان عزيز لقناة الـ”LBC”: (تشرين 2 – 23 – 2017)

أزمة إحتجاز الحريري واستمرار التسوية

• القول انو إنتبهو انتو علقتو حالكن بفخ، أو كمين، أو بمأزق، منو صحيح.
  نحنا طلعنا من أزمة ورايحين بالإتجاه الإيجابي على كل المستويات.

زمنياً

• صمود المسؤولين المعنيين بلبنان بهذه الأزمة
  رئيس الجمهورية بالتريث.
  رئيس الحكومة سعد الحريري.
  بكرا يمكن بعد 25 سنة منقرا إذا سُمح لنا نقرا ماذا حصل؟
  انما سعد الحريري صمد، وقف.
  ونتيجة صمودو ووقوفو ومواجهتو للمغامرة والمقامرة حصل اللي معو اللي كان عم يحصل.
• 1 – صمود رئيس الحكومة سعد الحريري
  2- صمود الرئيس ميشال عون بالتريث
  3- صمود المسؤولين اللبنانيين
  هيدا اللي عمل الوحدة الوطنية،
  وهيدي مش شعر، هيدي يمكن تبني الإستقلال التالت.
• هذه الوحدة سمحت انو تخاطبي الغرب بلغة مصالحو اللي بيفهما. قلنالو للغرب، انتبه في حدن جايي بدّو يفجّر الوضع اللبناني، وحصل:
  – بالإجتماع الأول اللي طلبتو المجموعة الدولية من اجل لبنان (5 زائد 5 ) مع رئيس الجمهورية، وقيل الكلام بصراحة، وهذا أدّى الى دعم استثنائي من السفراء الـ10 لموقف فخامة الرئيس، لأنو نحكو بالواقع الموضوعي، والعقلاني.
  – قلنا: في حدن بدّو يفجّر لبنان، بحجّة صاروخ نضرب متلي من وين. أو في حدن باليمن مدري وين؟ إذا تفجّر لبنان، حدودو ستتفجرّ..
  – نقال: المسعى الى تسوية في سورية ستتفجّر وتُنسف، هناك على الأقل مليون ونصف نازح سوري سيكون وضعن اقرب الى المجهول.
  – عم تنبهي وتحذري بلغة المصالح اللي بيفهما الغرب.. هول اللي أدّو لإجتياز الأزمة والى تراجع أصحابها ومخططيها..

منّا شروط ومنا مطالب، هيدي مواضيع نقاش بين مسؤولين متفقين على صون المصلحة اللبنانية..

تسأل الإعلامية ديما: اليوم هل رئاسة الجمهورية المُتهمة من قبل الرأي العام انو مايلة أكتر بكتير الى محور حزب الله، يقاطعها جان عزيز:

• ديما نحنا ببلد ديمقراطي.
  بدّي اختصر عليكي.. سؤالك واضح.. عم تعطي انطباع عن البعض يللي عقال: انو الرئيس سعد الحريري كان بنزهة نقاهة بالرياض..!!
• هيدا الإنطباع هوي ذاتو عاملينو منسقين الأنشطة السبهانية، هودي ما فيي إبني عليون.
• هل أنتي إجريتي إحصاء للشعب اللبناني.
  إذا عندك الإحصاء بليز عطينا ياه. (إحصاء مش استطلاع)
  هل الشعب اللبناني يقول أنّه يتهّم (متل ما عم تقولي) رئاسة الجمهورية.. عطينا ياه..
• نحن في بلد ديمقراطي ايه أو لاق..
  بهذا البلد الديمقراطي من يمثّل الشعب..
  خدي اليوم الكتل الرئيسية بمجلس النواب:
  1) كتلة المستقبل هل اتهمت رئيس الجمهورية.. إذا عندك اتهام عطينا ياه هلق عملي معروف..؟
  2) كتلة وليد جنبلاط .. إذا عندك اتهام منا لرئاسة الجمهورية.. عطينا ياه؟؟
  3) إذا كتلة نبيه بري اتهمت رئيس الجمهورية، رجاءً عطينا ياه تنصلّح الوضع؟؟
  4) إذا كتلة التيار وتكتل التغيير والإصلاح اتهمو..
  هودي بمثلو بعتقد اكتر من 80% من الشعب اللبناني..

إذا هيدا الإنطباع معمول بطرق كلنا منعرفا، من محاولات تضليل للرأي العام، والـ”Social Media” من ألاعيب منسقي الأنشطة السبهانية ما فييّ ابني عليه لقول رئاسة الجمهورية متهمّة متل ما عم تقولي.. لاق.

• نحنا كنا عم نحاول بالممكن والمُتاح وبالتشاور مع كل المسؤولين اللبنانيين الأساسيين، نقطّع المرحلة من: نقطة صفر (0) الى نقطة —-> (100) ، يمكن كنّا قاطعين نقطة أو تنين، أو خمسة، البعض كان عم يقول 10.. انما كنا رايحين بهيدا الإتجاه.. ما رجعنا ولا خطوة الى الوراء… والأكيد ما نزلنا ولا نقطة عن ما كنّا قبل التسوية الرئاسية.

تقول ديما صادق: كل الناس كانت عم تحكي ، يقاطعها عزيز:

• كل الناس.
  انتي صحافية بتعممّي بهذا الشكل ولو..

تقول ديما: بالمجلس النيابي ابّان الوصاية السورية، الكتل المسيحية المُنتخبة ما كانت بتحكي باسم الصوت المسيحي، فممكن .. يردّ جان عزيز:

• بلشنا الحديث إذا نحنا بنظام ديمقراطي.
  عم تعتبري فترة الاحتلال السوري نظام ديمقراطي؟؟

تسأل: ناقلة حديث للرئيس عون “سلاح حزب الله لا يتناقض مع مشروع بناء الدولة”، هيدا مش اصطفاف مع محور سوريا – ايران.. يقول عزيز:

• لا أبداً
  هذه أساس التسوية.
  هيدا أساس بيان الحكومة.
  هيدا أساس وثيقة الوفاق الوطني يللي ما بعرف إذا بيتذكرو وين نعملتْ بأي مدينة بالطائف بالسعودية..

• هودي جزء من هذا الأساس.
  التسوية كانت مسار بتاخود هذا السلاح من وضعو اللي خارج الدولة الى وضع تدريجي منضبط بالدولة..
  – هلق أكيد بناقض المفهوم السعودي.. يمكن،
  – بناقض المفهوم الإماراتي.. يمكن،
  – بناقض المفهوم السبهاني.. يمكن..
  بس هيدا الكلام هو ينسجم مع 3 مواثيق:
  1) شرعة الأمم المتحدة
  2) وثيقة الوفاق الوطني
  3) البيان الحكومي
  ايه هيدا الكلام ما بيتماهى مع نظرة الفريق السبهاني..

الفريق السبهاني مقابل هذا المسار التدريجي نحو مفهوم الدولة، كان بدّو يفجّر لبنان هلق لأنو ما عم يأمنّلو مصالحو..

• بين هذا المسار التدريجي يللي عم يروح باتجاه تأمين مصلحة لبنان بشكل واقعي، ووقائع، وبين انو تفجير البلد.. أي مسار نختار…؟؟
  وهيدا اللي نقاّه سعد الحريري ب 31 ت 1 – 2016
  وهيدا اللي نقاه وليد جنبلاط
  انتي برأيك الفريق السبهاني يللي تعايش مع الجزمة السورية.. انو اكتر سيادية من سعد الحريري ووليد جنبلاط…!!!

تسأل الإعلامية: فارس سعيد كان مع السوريين!! يردّ جان عزيز:

• بدّك تسألي الوزير الياس المر، من جاء به نائباً ، صديقي الدكتور فارس سعيد، بس هيدا ما بغيّر الوقائع… باستثناء سمير جعجع (اللي كان حالة خاصة)
• أكتر من هيك عم تحكي عن مين.. عن بعض الأصوات السنية اللي عم تزايد على سعد الحريري.. وين كانت بزمن الاحتلال السوري؟؟
• وقت اللي عم تقولي: هذا المزاج السني.
  أيا مزاج…!
  بهالسنة من التسوية الرئاسية، هل الحريات السياسية بلبنان كانت تحت جزمة الأجهزة الأمنة؟ متل ما كانت وقت الاحتلال السوري؟؟
  إنو إذا عنجدّ هيدا المزاج السنّي هالقد معترض، ليه ما إجتاح الجامعات، متل ما المزاج المسيحي لما كان معترض على الاحتلال السوري اجتاج الجامعات بظل قيام حالات استدعاء وإعتقال.. 

السبهانيون اللي عم تحكي عنن منن قوى سياسية..

• إنو نديم (قطيش) زميلنا وصديقنا، بتعتبري فريق سياسي.
  كمان للمصادفة انو منن سنة، (وما بحب إحكي بهيدا المنطق) عن أي مزاج سنّي؟؟ إنو يا لطيف ورطتو لسعد الحريري .. لو عنجد الطايفة السنية كانت ضدّ الحريري، ليه ما بينّو:
  – بجامعة
  – بكلية..

ما لقطتي الفكرة

• مش هيدا اللي قلتو
  كنت عم قول: إذا حزب الله عم يتدخل..
  بدّي سلّم جدلاً انو هذه المقولة صحيحة
  إذا عم يتدخل حزب الله باليمن، عبر أي طرق سياسية وجغرافية يتدخل!!
  إذا هذا التدخل صحيحاً السعودية عم تسكت عن كل الممرات السياسية والجغرافية، وعم تجي بس تضرب لبنان باعتبارو الحلقة الأضعف..

لاق

•  بدن يفهمو انو لبنان ليس الحلقة الأضعف.
  – اللي ما بيقدرو يعملو مع العراق ما بيقدرو يعملو مع لبنان.
  – اللي ما بيقدرو يعملو مع ايران، ما بيقدرو يعملو مع لبنان.
  – اللي ما بيقدرو يعملو مع سلطنة عمان، ما بيقدرو يعملو مع لبنان.

بدّ، يتعلمو وهذا الخطأ السياسي اللي ارتكبو الكل: صار لبنان نتيجة ظروف معينة لاعب إقليمي

عن تلاوة ديما صادق كلام السيّد نصرالله، يقول جان عزيز:

• عنجّد بتقاجأ انك عم تحاولي حتى تحرفي كلام السيدّ نصر الله (تقول ديما: حرفياً شايلة النص) لكن عم تحرفي الفحوى، عم يحكي عن الخطاب اللي القاه قبل بخصوص اليمن.. ولأنه قبل الخطاب التي تستندين اليه، القى خطاب عنيف جداً..

تسأله عن الجهاد الحقيقي شو يعني؟ يردّ جان عزيز:

• موقف مبدئي، الجهاد بالكلمة وبالموقف.
  أصلاً بخطابو (الأسبوع الماضي) رجع قال: اليمن بالنسبة النا موقف مبدئي.
  انتي من ثقافة صرلا 70 سنة بتعتبر فلسطين بوصلة كل العالم.
  مزبوط أو لاق ؟؟
  هيدا موقف مبدئي.. ما فييّ غيرلك ياه..
• بس تكوني مؤمنة بقضية ظلم أو قضية حق، بتاخدي منا موقف مبدئي..

إذا في دعم اكثر من كلامي، نحنا ضدو، ندعو الى مواجهته، وإذا السعودية بدها تضرب هذا الجزء من هذا الدعم، تتفضل تضربو مطرح ما ممكن ضربه..

هل من رجوع عن الإستقال؟

•  نعم
  رايحين باتجاه الإيجابي، يللي كان موجود قبل.
  مع إعادة “دوزنة” لكل سلوكنا، وكلنا منتعلم من الأزمات، والأخطاء، والهفوات.. منرجع نشوف المسار اللي عاملينو، كان مسار صحيح، وكان رايح من:
  – الأسوأ الى الأقل سوءاً
  – من السيء الى الأفضل،
  إذا هيدا المسار كان هيك، منكمّل فيه..

رصد Agoraleaks.com