Agoraleaks Agoraleaks
الرمان زهّر يا عماد بلادنا . والحي ناطر يرجعو أولادنا . الحب يللي زرعتو بقلبنا مطبوع . متل الشمع بليالي عيادنا.
في اتصال مع قناة الـ”OTV” قال الفنان الكبير طوني كيوان، عن يوم الإثنين الكبير:
صباح الجنرال، صباح لبنان، صباح الحرية.
بتمنى بهالعرس الكبير، انو يوم الإثنين يكون يوم وطني باتياز، لأنو بيْ اللبنانيي وبيْ الجيش اللبناني، رح بيصير فخامة الرئيس.
كل اللبنانيين تعبو من الهدر والفساد ومن السرقة. تعبو من الصفقات، وبدي قوال بكل محبة ليللي عم يحكو عن صفقات وصرلن 30 سنة بالسلطة والصفقات، ما بدنا نفتّح جروحات. بس خلينا اليوم كلبنانيي نحتفل بيوم عظيم وفرح لل لبنان.
ون شالله يمرق ع خير، ونطوي صفحة جديدي. ونبلش بالجمهورية التالتة، وطلاب الجامعات والمثقفين والناس يوثقو ببلدن اكتر، وما بفلو وما بسافرو وما بهاجرو.
ن شالله العهد يكون عهد سلام وحوار وازدهار
وكوني أنا إبن الشوف، مبلشين بمهرجاناتنا من منطقة الدامور، والصبح قبل بالمركزية في منطقة سن الفيل من الساعة 9:30 صباحاً، وبالحدت سأتواجد ورح يكون في احتفال كبير، وسيكون معنا الفرسان الأربعة، وزين العمر.
وأول ما رجع الجنرال، عملتلو غنية اسما “الرمان زهّر”
الرمان زهّر يا عماد بلادنا
والحي ناطر يرجعو أولادنا
الحب يللي زرعتو بقلبنا مطبوع
متل الشمع بليالي عيادنا
بنهي كلمتي، بهالمناسبة السعيدة كتير، بتوجيه تحية لروح الفنان ملحم بركات، الإنسان العظيم، يللي كمان اتمنّى بآخر مهرجان عملو ببعبدا، وسمعو كل الناس، بدّو الجنرال عون رئيس للجمهورية.
