الحريري: بشكر عون على عاطفتو وأقّل شي فيني اعملو استجيب لدعوتو (Audio)

– كمان فريقي السياسي بدّو ينأى بالنفس إعلامياً و.. بدّي وقّع كل البريد اللي عندي
– في إيجابيات بالحكومة (حزب الله) وبدنا نكبرها (التفاصيل)

***

تصريح رئيس الحكومة سعد الحريري من عين التينة، بعد لقائه رئيس مجلس النواب نبيه بري: (22 ت2- 2017)

• اللي بدنا نقوم فيه بموضوع النأي بالنفس،
  إن كان أنا أو هوي. والمبدأ الأساسي نجنّب لبنان أي مصاعب.
  اليوم شرحتلو شو هني الأسباب والخلفية لما حصل.
• اللي بهمني، نتطلّع عَ مصلحة لبنان،
  ومصلحة لبنان فقط.
  نحنا بمنطقة مشتعلة.
  يمكن في أمور يجب ان نبتعد عنّا.

عم إحكي عن كل الأفرقاء السياسيين، مش فريق سياسي لوحدو، يعني النأي بالنفس بدّو يكون على الجميع. مش بس على فريق واحد. وهيدا الشي بحسّن علاقاتنا مع أشقاءنا العرب، وبحطّ لبنان بموقع اللي بيقدر يكون عندو حوار واضح مع الجميع، وخاصة بالخلافات الإقليمية، اللي نحنا بلد صغير كتير، ما النا دخل بكل هالخلافات، نجنّب لبنان مشاكل أكبر بكتير من حجم لبنان.

• الرئيس بري ابدى إيجابية كبيري، متل عادتو.
  نشالله كلنا حَ نشتغل على هالأساس.

اليوم استمهلني فخامة الرئيس فيما يخصّ الإستقالة.
وأنا بدّي اطلّع على الشق الإيجابي.
يجب علينا أنو نحنا بهالمنطقة مش عايشين لوحدنا.
لذلك بتمنى على الجميع بس نتناول هيدا الموضوع نتناولو بالشق الإيجابي مش انو في فريق بدّو يربح عَ فريق..

•  أنا فريقي السياسي كمان أيضاً بدو يكون عم يقوم بنأي بالنفس فيما يخص النأي بالنفس فعلي. إن كان إعلامياً 
  بكل الأمور يجب علينا أن ننأى بنفسنا، لمصلحة البلد.
• لبنان بالآخر هوي الأساس.
  نحنا مجموعة من السياسيين لبنانيين منشتغل لمصلحة لبنان، يجب علينا نحط هيدا الشي هوي الأساس بالنسبة لالنا.

س: تريثت بالإستقالة. هل تمّ تنسيق هذا الموضوع مع المسؤولين بالمملكة العربية السعودية؟

الحريري:

• أنا تريثت لأنو فخامة الرئيس طلب مني التريّث.
  تريثت لأنو شفت من الأفرقاء السياسيين، كمان في إيجابية بالحوار والتشاور، وبانو يكون في مواقف إيجابية.
• اللي بهمني النأي بالنفس مش كلمة.
  هيي فعل. وعمل. وبدنا نكون عم نشتغل على أساس نجنّب لبنان أي مشاكل.

لأنو فخامة الرئيس يللي بشكرو على هالعاطفة اللي كانت عندو بالنسبة الي، طلب مني هالشي، وأقل شي فيني إعملو انو استجيب لدعوة فخامة الرئيس.

س: هل الرئيس بري يمكن أن يتوسط مع أفرقاء..

الحريري:

• ما في شك، إذا منشوف العلاقة بيني وبينو تاريخياً.
  كانت دائماً علاقة ايجابية، وبناءة.
  يمكن في محلات اختلفنا، بس حتى الخلافات ما راحت جذرية.
  منختلف، ولكن منتفق بالآخر مصلحة البلد، مصلحة على الجميع.

س: هل ستجتمع الحكومة..

الجريري”

• بدي ركّز على المشاورات.
  في كتير بريد عندي بتلات أسابيع اللي ما كنت موجود فيا.
  من بكرا الصبح رح بلش وقّع كل بريد اللي عندي.
• انا عطيت الرئيس الحرية يتحرك.
  والرئيس بري.
  وانا كمان رح اتجرك..
  ونحنا التلاتي رح نشوف مع الأفرقاء السياسيين الآخرين لنوصل لمحل.
  وبرأيي قادرين نوصل.
  الأشقاء العرب فهمانين موقفنا. وعارفين نحنا شو عم نحاول نعمل.
  مبارح إن كان مع:
  – الرئيس سيسي
  – وبالمملكة العربية السعودية
  – الموقف الإماراتي
  ففي اتجاه لدعم العمل اللي عم نقوم فيا. وكمان
  – الرئيس الفرنيس اللي عم يتابع هيدا الموضوع بشكل أساسي لإستقرار لبنان.

س: هل من معطيات جديدة في التعاطي مع حزب الله

•  نحنا هلق بمرحلة تشاور.
  نجس النبض.
  وبرأيي في إيجابيات كانت كتير كبيري بالحكومة. ونحنا بدنا نكبرا شوي.
  لأنو صرنا بمكان حساس يجب علينا انو هيدا الموضوع نحلو بشكل إيجابي.

رصد Agoraleaks.com