ادي معلوف لسامي الجميل: حلو الحكي عَ التلفزيون بتبلش بديكور بيتك قبل ما تطلع بالأساسات (Audio)

– في أشخاص بتحكي إنو هيّي بتعرف.. شو طلع!!!

***

مقتطف من حديث المرشّح المحتمل عن التيار الوطني الحر للمقعد الكاتوليكي بقضاء المتن: (22 ت2 – 2017)

في سقوف كتير عالية، هيدا نحنا اللي كل مرّة منحذّر منو

• في أشخاص بلبنان بمواقف معينة،
  بيعطو وكأنو هني عندن مصداقية،
  وانو هنّي بيعرفو، وانّو هنّي خلص، اللي عم يحكو مُنزل…
  وإنو تغيّر الوضع.. وما في عودة للورا..
  منرجع نشوفن بآخر كم يوم، بطلنا نشوف طلاتن اللي كانت قوية بأوّل كم يوم
• الجو اللي كانو عم يبثوا كان جو سلبي، ما مشيتْ معن العالم.
  تيار المستقبل ما مشي معن. وما تحمسّ معن.
  وقت جربو يعملو لقاءات وتجمعات، شفنا بالآخر انجبرو يجيبو بوسطة رايحة رحلة وينزلوها..

الموقف الرسمي اليوم هيي الصورة اللي منحب نشوفا، 
وهيدا لبنان بالرغم من كل تعقيداتو.
في نقاط مشتركة ممكن نتلاقى عليا

• شو قوة الرئيس عون وقوة التيار الوطني الحر،
  من أوّل مسيرتو لليوم، بقلك لوين أنا رايح،
  يمكن عَ الطريق بصير في مشاكل كتير،
  بس الهدف اللي رايح عليه، بتوصلو.
  راجعو تاريخنا يا جماعة
• غيرو بيعطيك:
  – وعود
  – هيدا الرئيس بدّو يسقط
  – هيدي الحكومة سقطت
  – هيك بدّو يصير بسلاح حزب الله
  – اليوم المجتمع الدولي مش رح يرجع لورا
  بتفهّم وحدي أو تنين ما قدرت عملتن، بس انو كلن ما بتعملن، والمواطن بدّك تطلب منّو يضل ماشي معك؟
• في فريق تاني عم يقول بدي اعمل كذا مسألة.. وبجاهد،
  مش موضوع الكهربا؟؟؟
  رح تجي الكهربا..
  بصعبوها عليك مزبوط.. عم يحطو عصي بالدواليب مزبوط..
  بس هيدا الهدف رح توصلو

كل اللي انتقدو أوّل سنة من العهد، في عهد سابق لفترة 6 سنين شو عمل عالعهد السابق؟؟

• هل الموازنة انجاز.. نعم
  قطع عهد بكاملو بدون موازنة
• هل إقرار قانون انتخابي جديد انجاز.. ايه
  لأنو انتو قبل 6 سنين ما قدرتو تعملو قانون للإنتخابات
• سلسلة الرتب والرواتب، العالم قعدتْ بالشارع سنين، ما عطيتوها..

مزبوط الواحد ما بيعرف قيمة الشغلة الها ما يخسرا

• الاستقرار خلال سنة.
  الناس كانت عم تقول شو فيا..
  مرقنا هلق جمعتين، كان في علامات استفهام عن الوضع..
  صارت العالم.. ايه مزبوط..

حول وضع الانتخابات والتحالفات

• منك مجبور ترجع تخاصم
  بكرا بيرجع ينزل الخطاب بالبلد،
  رح ترجع كل العالم تحكي مع كل العالم..
  هيدي اللعبة الديمقراطية بالبلد
• ما فيشي بيلزم حدن نهائياً
  اليوم حزب الله كان مساهم أساسي، وخطابات السيد نصرالله كانت كتير إيجابية بفترة سعد الحريري ما كان بلبنان… هلق في عالم استغربتا، نحنا يمكن ما استغربناه، هيدي من شيم السيد حسن.. تتشوف انو الأمور متحركة وما فيشي ثابت.

القوات

• مواقف القوات من خلال المسؤول الإعلامي او جعجع..
  اكدّوا على الإستقالة بالعلن.. وأكدوا على دستورية الإستقالة.. وانو الشكليات ما بدنا نتوقف عندا..
  ويصير العكس

الجميل

• النائب الجميل مع احترامي لالو.
  بفترة معينة، بعهد ميشال سليمان، كانت الكتائب حزب داعم لسليمان،
  وكان موجود بكل حكومات رئيس سليمان.
• كل الإنجازات اللي صارو بسنة من عهد عون.
  من قانون انتخابي وأمن وسلسلة وموازنة ما صارو بعهد ميشال سليمان وكنت داعمو
• وقت بدك تحكي اقتصاد وبيئة وبدك توقف حدّ المواطن…
  وإذا ما صارو بكون في ذل ..
  لاق، انت بتبلش بالإنتظام السياسي والدستوري بالبلد..
  بتبلش بديكور بيتك ومنك مطلّع الأساسات..!!
  حلو الحكي عَ التلفزيون… بس يجي الجدّ شو بدّك تعمل مع سورية
  عم احكي عن موقف الكتائب بالذات، (موقف القوات متقدّم أكتر) بس نحكي عن النزوح السوري شو موقفو؟؟؟
  إذا مقرّر يضل معارض عَ فترة العهد كلو… لحدّ ما يتغير موضوع حزب الله.. خليُن يضلن معارضين، رح تكون فترتن طويلة بالمعارضة..
• انو بالآخر في واقع بلبنان..
  شفنا الرئيس الحريري اليوم بعد ما قدّم استقالتو بالسعودية،
  وحكي كلام عالي..
  وقت رجعنا ع الواقع اللبناني، رجعنا نحكي بطريقة مختلفة، والخطاب تلبنَنْ…

رصد Agoraleaks.com