باسيل بنداء أخير: 730 لبناني بدقيقة تسجلو.. بطلب من كل لبناني يتصل بقرايبينو ويطلب منو التسجيل بدها دقيقة (Audio)

– الانتخابات بموعدا.. 90 الف لبناني تسجل.. ونعمل لتمديد المهلة

***

وزير الخارجية قبيل ساعان من إقفال تسجيل اللبنانيين المنتشرين : (20 ت2- 2017)

• اللبنانيي المنتشرين اليوم ربحو التحدّي،
  وبينّو انو الحق اللي عطاين ياه لبنان عم يمارسوه.
  وغلبو الكل اللي اعتقدو انو: أيه كم ألف لبناني بيتسجّل..
  اليوم نحنا تخطينا الـ85 ألف لبناني، وهودي آمنوا بلبنان.
  ومقررين انتو يشاركو برسم مستقبلو،
• بالرغم من كل الصعوبات اللي مرقتْ.
  – انو مش مصدقين إنو في انتخابات.
  – انو مش مصدقين انو بيقدرو يصوتو برا
  – من بعد المسافات الكبيري.
  – من خوفن إذا تسجلو، وما فتح القلم، شو بصير بصوتن؟؟ مع انو حقن محفوظ.

بالرغم من كلشي اللبنانيين اليوم بعد عندن حوالي ساعات.

• بتوجّه لأهلن اللي عم يسمعونا بلبنان.
  كل لبناني بعد هالكلمة، يلقط تلفون ويدق لقرايبينو، لأصدقائو، يقلن… في اكتر من 85 الف لبناني تسجلو… 
• ونحنا وعم نحكي هلق،
  في 730 لبناني على السيستام عم يتسجلو
• الأرقام بالآلاف عم تفوت، لأنو الناس مصدقا انو حقها عم ينعطاها.
  بتوقيت بيروت للساعة 12 ليل بيوقف التسجيل.. بناشدن التسجيل، لأنو لبنان مراهن ليكم.. شاركو معنا.
• ما في إمكانية لتمديد التسجيل بحسب القانون.
  بس اتفقنا باللجنة الوزارية انو نمدّد الفترة، ولكن واضح انو في قرار سياسي فتراجعو عن هالشي.
• رح نترك السيستام رغم وقف التسجيل الساعة 12 ليلاً.
  لأنو رح نترك إمكانية انو الناس تعبّر عن رغبتا انو بدها تسجّل.
  ورح نعمل الضغط السياسي اللازم حتى نمدّد المهلة.
  لأنو انا بعرف إذا وصلنا ل 90 ألف يعني في 200 الف لبناني بيقدر يتسجّل.

كل هالسيستام الدولة ما تكلفّت الاّ 40 الف $.. وتسجّل هالعدد من الناس.

• ثبتنا إنو إذا عطينا الفرصة للبنانيي، بيتسجلو.
  نعطيهم شوية وقت كمان.. وأنا أكيد انو منوصل لأرقام كتير كبيري
• بكل الأحوال راسلنا اللبنانيي كتير…

في انتخابات وبموعدها، واللبنانيي اللي برا، يللي بتوصلن الأخبار السيئة، مصدقين أكتر من اللبنانيي بالداخل، انو في انتخابات بموعدها..

90 الف لبناني تسجلو..

• ناس بعاد عن السفارة بفلوريدا 3 سيارات طيارة، وعم يتسجلو..!!
• ناس بأميركا اللاتينية عم يتسجلو.
• اللبنانيي بالخارج هني عم يعبرو انو هني مشاركين معنا..
  بكرا منعطي الأرقام الرسمية..
• ما بدها شي، الشخص بفوت انلاين.. بدقيقة بيقدر بيتسجل، وبيحفظ حقو.. ونحنا منكفي بالمعاملة كلها سوا…

(آخر موعد للتسجيل أونلاين للانتخاب من بلاد الإنتشار ليل 20 تشرين 2)

www.diasporavote.mfa.gov.lb

أنا بشكر اللبنانيي، اللي أثبتو انو بعدن بلبنان، وانو حبن للبنان أقوى من كلشي

رصد Agoraleaks.com