كنعان عن لقائه مع جعجع وأوعا “حالنا”: لتقييم التجربة في شكوى متبادلة من التيار والقوات.. (Audio)

– أوعا حالنا تنينا.. نحنا مجتمع ديمقراطي النا حق نختلف وما النا حق نلغي بعضنا.. (التفاصيل)

***

مقتطف من حديث أمين سرّ تكتّل التغيير والإصلاح، رئيس مجلس المال والموازنة النائب إبراهيم كنعان: (حديث الساعة، 4 ت2 – 2017)

عما يُحكى من ترنّح التفاهم بين التيار الوطني الحر والقوات اللبنانية، وتملص التيار من التحالف، بعد انتخاب العماد عون رئيساً للجمهورية.. !

• اللي بفكّر بمنطق السلطة بفكّر هيك.
  بكون الهدف لالو من العمل السياسي تحقيق مكاسب سلطوية فقط.
• هالمنطق وصّل لبنان لحروب ولشفير الإفلاس المالي، ولهالدرك من الفساد، وهدر المال العام.

وعما إذا التقى جعجع، يقول كنعان:

• نعم كان عندي اجتماع مع الدكتور سمير جعجع.

ولكن 

• العماد عون اللي عمل مسيرتو بالجيش اللبناني،
  وقائد للجيش،
  ومسيرتو كزعيم وطني،
  نُفي.. وعاد.. وحرّر لبنان..
  الى التفاهمات اللي عملها، وعملت لحمة وطنية بين اللبنانيين.
  – بدءاً من التفاهم مع حزب الله
  – وصولاً مع التفاهم مع القوات اللبنانية، وتيار المستقبل..
  استراتيجياً، هذا الرجل جمّع المؤسسات وجمّع لبنان.
• بعد هذه المسيرة، صار هدفو من القوات أو غير القوات صوت أو صوتين. أو يعيّن مدير…

اليوم بلشت مسيرتنا مع الأطراف المتفاهمين معها.. وسيحصل متل مع كل الأفرقاء.. ونحنا منعترف منا جماعة سلطة، نحنا بالأساس جماعة معارضة

• نحنا جماعة متمردين
• تمردنا على الوصاية
• تمردنا على التفاهمات الإقليمية والدولية
• تمردنا على الفساد.. وعلى الإقطاع..

وضعنا مع القوات استراتيجياً، بمعنى العلاقة المسيحية – المسيحية، والعلاقة بين الحزبين هي علاقة لا عودة فيها الى الوراء.. اطمنّوا يا جماعة، ما تشغلو بالكم.. ونحنا ذاكرينا بالإتفاق اللي وُقع ب 2 حزيران:

• نحنا قايلين، مطرح ما نتفق منتحالف، وبالإستحقاقات اللي بكون في عنا آراء مختلفة منتنافس..
• أكيد نحنا عم نمرّ بصعوبات بالعلاقة.
  إن كان بالنسبة لنظرتنا للدولة
  أو لخياراتنا الإقليمية والدولية.
  أو رؤيتنا للواقع اللبناني كيف ممكن نترجمو
  ببعض الانتخابات النقابية أو غيرا
• نحنا بمسار صعب، مش بمسار هيّن، لأنو العلاقة مع القوات اللبنانية غير العلاقة مع حزب الله او المستقبل.. لأنو هونيك مافي تماس… للأسف هيك لبنان.
• إذا بدنا نحكي بتنافس، التنافس هوي بين التيار والقوات.
  إذا عم نحكي بتحالف تيار – قوات، معناتا أغلبية المشاكل أو الجزء الكبير من المنافسة بصير ورا ضهرنا.

يسأله مرمل: هل سمعت شكوى من الدكتور جعجع، يقول كنعان

• هو بداية معالجة لثغرات لهذه العلاقة
• من الطرفين في إعادة تقييم لثغراتا، وللسبيات اللي هوي بشوفا، ونحنا منشوفا، ومش بخلفية تسجيل نقاط عَ بعضنا
• كلنا عارفين إذا رجعنا لأيام الماضية، رح تنعكس مش بس على المستوى المسيحي على الصعيد الوطني أيضاً.
• نحنا والقوات موجودين بالسلطة.
  اكيد بعترف انو وجودنا، إن كان بالنسبة لحضور فخامة الرئيس او التيار كون حضور وحجمنا السياسي أكبر
• نحنا التيار كنا بغربة عن النظام السياسي.
  كنا بالمنفى.
  نحنا ما حضرنا بالنظام السياسي ناسنا وكوادرنا.
  إذا تعيّن أحد الأشخاص يللي هوي كفوء وعامل مسيرة استثنائية.. هيدي جريمة؟؟
• نشوف التعيينات والتشكيلات كلها.. وين كنّا بالقضاء والإدارة وين صرنا..!! نحنا مش مستحيين إطلاقاً إذا عنا شباب نقدمها.. ليش الحياة السياسية الحزبية المتحضرة بدول العالم مش هيي الأساس..؟؟
• نحنا لليوم بعدنا كتير بعاد لنحقّق توازن فعلي مع ال27 سنة غربة عن النظام

حرص

• هذا الدور كتير حريصين عليه.
  ان كان الوزير باسيل.
  إن كان أنا.
  إن كان الدكتور سمير جعجع.
  وأكيد الرئيس عون اللي كان اكتر من بيْ وحاضن..
• في من الجهتين، شكوى.. انا اليوم طرحتا على الطاولة. وهذا رأي الوزير باسيل، وبعتقد جعجع، انو لازم نعيد قراءة هالسنتين اللي مرقو..
  – وين أخفقنا
  – وين أصبنا
  – وبمحلات معينة، وين أسأنا الفهم لبند أو عمل معين.. ونحنا منشوفو شي، والقوات بشوفو شي تاني. ونجرّب نوصل لقراءة مشتركة..

عن التشنّج في اليسوعية، هل عدنا الى المرحلة السابقة!

• أبداً ما عاد يحصل متل المرحلة الماضية
  كلنا منعرف حماس الشباب.
  وكلنا مرقنا فيا بالجامعات.
  “ماتش” فوتبول أو “باسكيت” بين الرياضي والشانفيل، بتسمع أكتر من هيك..
• اللي كان يحصل بين التيار والقوات بالماضي، كان أبر بكتير من هيك

أنا سُررت جداً بيللي سمعتو من جعجع عن طريقة الإستقبال اللي صار من قبل التيار ومناصرين التيار باستراليا وغيرا، وحتى بلبنان.. ونحنا اللي عم نشعرو كقياديين أوقات بمناسبات للقوات.. 

وعن كثرة التباينات يقول كنعان: إشتدي يا أزمة بتنفرجي

بخصوص الإنتخابات، المبدأ هو التحالف، ولكن التحالف يخضع

• للأحجام
• تركيبة المجتمع الذي ستترشح عنها
• هل مصلحة التيار والقوات انو نكون نازلين بنظام نسبي ولوائح مقفلة مع بعض او بحالة تنافسية – تكاملية؟؟

في محلات افضل نكون سوا، وفي محلات أفضل للطرفين نكون على لوايح مختلفة..

عملنا الاتفاق بين التيار والقوات،

بس ما صرنا “خوانة” بدير أو رهبان. وكلنا لابسين متل بعضنا، ومنوعا الصبح تنصلّي متل بعضنا.. طواو بالكم علينا..

• نحنا مجتمع ديمقراطي،
  النا حق نختلف.
  النا حق نتنافس.
  النا حق نتحالف.
  ولكن ما النا حق نلغي بعضنا
• اللي بحل الخلاف، وجود قراءة مشتركة، ومعايير واضحة.. وهيدي شغلتي..

عن شعار أوعا خيّك.. وطرح باسيل “اوعا حالك”

قصد باسيل أنو تتحافظ على أوعا خيّك، بدك تكون موجود.. وهيدي بتنطبق علينا وعلى القوات.. أنا بضيف عليا اليوم أوعا تالتي.. أوعا حالنا تنينا.. لأنو إذا بقينا من دون تكامل ، في خطر علينا تنيناتنا…

• نحنا واعيين كتير لدقة المرحلة.
  مرقنا كتير بتجارب.. (مش عم أحكي شعر) وأخدنا عبر كتير كبيري.. ومن هيدي العبر، في أمور منقدر نتنازل عنا، وفي أمور منقدر نهملها.. وفي أمور لا يمكن أن نتجاوزها لأنو بتتعلق بكياننا وحضورنا وحضور وطنك وبلدك ومجتمعك وولادك..

رصد Agoraleaks.com