باسيل عن نواب حقن كذبة: وتمويل التيار: ما حدن يزايد علينا.. بدن يكبونا بالجنينة (Audio)

– منخلّي القريب من المستقبل وحزب الله وأمل والقوات يشتغلو إذا من تيار منكبو؟؟
– مين اللي ساير ميسرة سكر!! مين منن بهدّي معنا.. نحنا اللي منقاتل..

***

مقتطف من حديث رئيس التيار الوطني الحر جبران باسيل لقناة الـ”OTV” ضمن برنامج “بلا حصانة”: (31 ت1- 2017)

ملف الكهربا

• انا عندي الجرأة إحكي الإشيا متل ما هيي،
  قلتا بمجلس الوزرا من اول يوم، عم تضيعو وقت لنفس النتيجة.
• البواخر اللي جبناهم
  – قديه حكيو انو البواخر واقفين؟؟ وما وقفو نهار
  – ما فيشي شفاف وسعر أقلّ من هيك
  – قديه حكيو بمقارنة مع بقية الدول.. في دولة آخدة كهربا من البواخر أرخص منا…؟؟

يقول له جان عزيز: ولكن صار في حكي من نواب من داخل المجلس النيابي؟؟ يردّ جبران باسيل:

• ما هودي منن مسؤولين عن شي؟
  هودي نواب حقن هيدي الكذبة اللي بيكذبوها عَ الناس، وبفكرُن بيربحو بالأصوات
  هيدا نايب وبيوقف قدام الناس، وبقول 800 مليون $ صفقة على عقد بعد ما انعمل!! وبيعطي متل غانا، وثبتنا انو بغانا آخدينن أغلى من لبنان..
• هيدا نايب الها قيمة كلمتو.. لما بقول شركة إيني” (ENI) إيطالية نطلب منا دفع مصاري وهشلتْ، وهلق شركة “اني” الإيطالية هيّي المقدمة..
• هودي خبار الشارع، وهودي نواب حقن هيدي الخبرية. والفرق انو عندن “ميكرو”، بيسمعن الجمهور، انو نايب عم يقول هيك، يعني مصدر..
• ليه نسينا النايب اللي حمل جريدة، وقال في 360 مليون $ صفقة لجبران باسيل، وكنا بعدنا عم نناقش القانون..

ما حدا حريص عَ مالية الدولة قدنا

عملنا معملين.. في ارخص من كهربتن عَ لبنان.. قديه عم يوفرو علينا مصاري؟؟ نحنا مش عم نشتري باخرة، ولا عم نستأجر باخرة.. نحنا متل ما عم نشتري كهربا من سورية، عم نشتري كهربا من شركة، وبتدفعلا على الكيلواط، والكهربا اللي عم تجيبا، أرخص من اللي عم تكلفك بالدولة ايه أو لاق؟؟؟

ما حدا يزايد علينا بهالقصة.. نحنا اللي ما منقبل؟؟ 

• مناقصة الهواء، جبناها على الحكومة وقبلت الحكومة.. نحنا وقفنا وأنا قلت ما بقبل، “روحو نزلو” وبكرا سيزار (وزير الطاقة) جايب الملف ومنزلينو..
• اذا في ناس مشاركين مع الشركات صحتين عَ قلبن، يصطفلو، نحنا ما النا علاقة.
  إذا انتا بدّك تحط سياسة بالبلد، كل ما واحد بدّو يشتغل، وانو بيعمل مصاري، معناتا حرامي.. كمان هيدا ما بيعمل إقتصاد بالبلد..
• الحرامي اللي نحنا ضدو، 
  يللي بيعمل إحتكار.
  يبللي بياخود صفقة أغلى من ما لازم.
• إذا في شركات بدها تشتغل، واذا واحد منن قريب من التيار، أو هوي تيار، مننفيه؟؟
  بس خلّي القريب من المستقبل يشتغل؟
  وخلّي القريب من امل والإشتراكي يشتغل؟
  وخلّي القريب من القوات وحزب الله يشتغل؟؟
  بس انتا لأنك تيار لازم تكون فقير، ممنوع تشتغل بالبلد، ممنوع يكون في تيار متعهد ولا شركة ولا تستثمر.. منشحطك برا..
• يجي واحد يقول: الو علينا..
  نحنا بمناقصة دير عمار، 3 اصحابي خسرتن، وعونيي.. ليه؟
  لأنو ما ربحو.. شو بعملن؟ وقلتلن: ما فيي اعملكن شي؟؟
  وهلق بيجو أصحابي، بقلن: فوتو قدمو، متلكم متل غيركم.. وأنا بتمنى تربحو، ونشالله تربحو، وبس تربحو بدكم توظفولنا ناس، وبدنا نتكّل عليكم بس يكون في مؤتمر تساعدونا فيه، وتعملولنا Sponser.. وعلى راس السطح.. ومن الدولة ما بتاخدو فرنك.. 

شو؟؟ 

لازم موت من الجوع، ونضل هون تحت القبو.. تيقولو عني آدمي.. 

عشاء 14 آذار

• إذا عملنا عشا، وعملناه (fundraising) لدفع التبرعات.. منكون صرنا حراميي..؟؟
  وبينكتب علينا مقالات بالجرايد؟؟؟
  ليه.. لأنو هيك الطريقة الشفافة اللي بتلمّ فيا مصاري، حتى تموّل حزبك من ناسك؟؟
• التيار واسع لدرجة من كل الطوائف،
  ومن كل المناطق وفي من جوا وبرا..
  وكيف عملنا إنتخاباتنا سنة 2005 وسنة 2009؟
  كيف نحنا دايرين التيار؟؟
  بتمويل بسيط.. بيعرفو الناس قديه بتعذب كل شهر حتى أمّن مصريات التيار؟؟
• عيب.. شايفين مكاتبنا بالتيار..
  في كتير ناس بقولولنا روحو عمرو، وخلصونا بقا..
  ورح نبلش بالمشروع خلصنا، بدنا نساعدكم…
  – هيدا اللي بدو يقدملك حديد
  – هيدا اللي بدو يقدملك باطون
  لاق لازم نقعد بالجنينة تيكون مبسوط وفي واحد بدّو يكبنا بالحرش..

مثل ميسرة سكر

• سوكلين، في حدا قدنا هاجما، واشتغل تسوكلين ما يتمددلا، وتيتخفضلا.. وهلق بالآخر فلتْ..
  بتعرفو انو ميسرة سكر مقدملي بالبترون لمّ زبالة بلاش، من سنة 2005-2006.
  سايرتو بشي؟؟؟
  وأكيد بدي قلو شكراً قدام كل البتارنة، لأنو قدملن خدمة ب 4-5 ملايين $ دون مقابل..
• شي مرة ساعدتو بشي؟؟
  الحق مش عَ ميسرة سكر، الحق على الدولة اللي كانت عارفي انو العقد لازم يتخفّض؟؟؟
• نحنا اللي صوتنا ضدّو بمجلس الوزرا، مش يللي صوّت معو بيدّو يجي يتهمنا؟؟

انتو بدكم تزايدو علينا بالشفافية.. 

بدي شوف نحنا بس نخانق بالسعر، مين منكم بهدّي معنا.. ما نحنا اللي منقاتل.. ما صيتنا صار كيف منحلبو للواحد

• اللي بزعّل انو معمل الزوق والجية، ضليّت من بعد ما طلعت المناقصة وربح الزلمي، ضليت آخود واعمل حتى نزلتو مليون يورو.. ونبسطت انو وفرّت للدولة مليون $ فوق المناقصة..
• بتأخير الدفع، رتبنا على الدولة عشرات ملايين اليورو، لأنو هيك بالسياسة..
  هودي ما حدن بيحكي عنن…

رصد Agoraleaks.com