بالإذن من أليسا.. إبن تنورين لبطرس حرب: إنتظر قريباً الملف

– هيدا الاقطاعي ما بيستحي… (إبن تنورين)

بالاذن من “اليسا”

١١ سنة و٣ اشهر وزير وما عمل شي وما بيستحي…
٤١ سنة نايب وسياسة زبائنية بامتياز وما بيستحي….

وبيحكي بالكيدية السياسية، يللي نقل ابن جبلا البترونية لأقاصي الشمال لاسباب سياسية…
يللي وقف عواميد ارسال الخليوي نكاية بالمستفيدين لانن مش جماعتو…
يللي رفض محطة صرف صحي بكفرحلدا لانو يمكن تظهر فشله الانمائي….

بتحب نحكي عن تنورين يللي محاسيبك سرقوا المي من نبع الرهوة ، ولولا بئر المياه الجديد ما كان في مياه بتنورين….
بتحب نحكي عن بيع الجرد، عن توزيع المشاعات على المحسوبيات والملف انتظره قريباً….

بتستحي اذا خبرنا كيف الشيخ بيبتز مزارع عم بيعمر غرفة زراعية براس الجرد لانو ما نزل “ظبطها” عند الشيخ… والمحاسيب صاروا برابع طابق بتنورين…..

معقولي تعملها وتستحي اذا خبرنا كيف مستقبل شباب بتِهدمو…. بدك نحكي عن الشب بالسنترال يللي شغّلتو ٤ اشهر بالسنترال قبل الانتخابات وقت يللي حب ياخد اتعابو طلع اسمه مش عالجدول… او عن شب طلبت يترك فحوصاتو الجامعية لانو الشيخ ” بدو يعملو ظابط” ….. ومتل العادة حكي ووعود….

بتحب نحكي انو “الماو ماو” بيحترموا المحميات وحضرة الشيخ بهالجرد العالي ما بيرضى الا بنصف المحمية يمارس النفخ والطبخ …….

منحكي عن ثانوية حطيت حجر اساسها ٣ مرّات ولولا مكرمة الحريري ما شفنا ثانوية..

على سيرة المكرمات بتستحي يا بطرس اذا خبرنا عن شحادتك من السفارة السعودية والوثيقة واضحة، وبتبرر وبتطلع على التلفزيون وبتحجج بكم ختيار بدك تساعدهم…. والله استحي يا شيخ لانو كلّ تنورين عمتستحي..

التوقيع: إبن تنورين