الأب الياس مارون غاريوس: شو شاطرين تسبولنا.. (Audio)

– عم نبّش على انسان مسيحي يشتغل…

***

مقتطف من عظة الأب الياس مارون غاريوس: (تشرين الأول 2017)

بسوع قلنا، متل ما اضطهدوني، فسوف يضطهدونكم…
لذلك فكل واحد منكم، بيهرب من الإضطهاد، وبقول: يقطع عمرو نشالله يموتو، هو ضدّ المسيح..

• اذاً.. إذهبوا وصلّوا لأجل مضطهديكم، من اجل توبتهم ليعرفوا المسيح، الإله المتجسّد والمخلّص والفادي.. لأن لا قبله أحد ولا بعده أحد
• تذكّروا دائماً الكلام اللي قالو يسوع لإلنا..
  فليكن كبيركم خادماً لكم..

مين الكبير سمالله!!

– اللي معو دولارات..!!
– اللي معو ناس وحاملين بواريد، وبقتلو الناس التانيين..!!
– يللي بحطو ناس بالحبس ومظلومين..!!

مين!!

• هودي خطأة العالم،
  المسيح سيُدينهم، الى قعر جهنم..
• بطلب منكم تصلّوا لأصحاب السلطات في:
  – الكنيسة
  – الدولة
  لأن يعرفوا أنّهم خدّام وليسوا متسلطين…

نسأل ذواتنا اليوم.. يا أبونا الإقتصاد، رح يموتنا.. وعم نموت من الجوع…

رح قلكم ليش؟؟

• كل من لا يعمل لا يأكل..
  كل البيّات والأمّات، خاطيين، لأنو بدلعو ولادن،
  وبس يكبرو بيربطوهم، وبدّن يأمنولن كلشي..
• لأنو إبنك إذا ما إشتغل، ما بحقلو ياكول..
  ونقطة عَ السطر…
  ما حدا يبحث فيا، ويقبرني إبني.. رح يقبرك بكير طمّن بالك..

بدّي إسألكم سؤال: أنا الكاهن الأب الياس مارون غاريوس، عم نبّش على انسان مسيحي يشتغل

– بأرض ما عم لاقي..
– حدّاد ما عم لاقي..
– يطبخ ما عم لاقي..
– ناطور ما عم لاقي..

الاّ بدّو حقو 600 الف $.. حتى يكون هوي مرتاح..!!

عم نبّش على ولاد وعلى شباب، يقدرو يقتنعو بالقليل، ما عم لاقي.. ليش؟؟

إنتو الغلط، انتو ربيتو غلط؟؟؟
إنتو قتلتو ولادكم..
انتو جعلتوهم شحادين، يروحو يشترو مخدرات، ويتعاطو..

انتو علمتوهم على الكسل وغنجتوهم.. ويقبرني إبني: حلو – وحيد..
لاه يا ولادي لاه… تعلموا: من لا يعمل لا يأكل.. حطوها براسكن وربّوا ولادكم على هيدا الأساس..

إرادة الله فيك

• بدّك تنبش عن إرادة الله فيك.
  انتا عايش الله.
  انتا زلمة الله.
  بعدنا منقول ومنفزع على ولادنا.. خاصة اللي بدن يروحو يعملو رهبان وراهبات..

يا دلّي.. وكيف؟ 

– عم تاكول يا ماما
– عم تشرب تقربني
– كيف قاعد.. معقولي مايعملولك غرفة ما يكون فيا “Air Conditioner”؟؟

• ايه معقولي يا ماما..
  ابنك اللي بدّو يترهّب، وبنتك اللي بدها تترهّب..
  بدها يبوس/ تبوس التراب كل يوم..
  واللي مش عاجبو، لعند الله ما يجي..
• الأديار منا مسرح للعيشة الممتازة
  الأديار مسرح لمحبة الله ♱ للتواضع ♱ للفقر ♱ للاتحاد بالله ♱وللتحدّي..
  اللي مش عاجبو لهون ما يفوت..
• بدنا ولاد إذا بتريدو..
  بدنا ولاد للرهبنات..
  شاطرين تسبولنا.. عطونا شي واحد متل الخلق من عندكم…

رصد Agoraleaks.com