الفرزلي: الأمم المتحدة اجت تضغط ع رئيس بلدية زحلة بخصوص النازحين فللهن.. (Audio)

– حزب الله سلّم سلاحو والسيّد عم يتمشى ببيروت.. مين بيحمي اللي بيحكو!!
– السعودية لا يمكنها تجاوز الحريري ووجوده موجود بغضّ النظر عن دعمها له.. 
– ما لقيو غير عون يقبل بالتهديدات.. قدرت فرنسا ومخابراتا تأثّر عليه؟؟ 

***

مقتطف من حديث نائب رئيس مجلس النواب الأسبق ايلي الفرزلي لقناة الـ”NBN“: (تشرين الأول 2017)

• التصعيد ضدّ المقاومة والجيش، هو تصعيد إسرائيلي وصهيوني وليس أميركي،
  والولايات المتحدة تنطق بلسانها وكأنّ ترامب مسؤول بوزارة الحرب الصهيونية.
  أكبر دليل على ذلك، تصريح ليبرمان، عم يطلب منك:
  – إذهب أيها الشعب اللبناني الى الإقتتال ..
  – إذهب أيهّا الجيش اللبناني الى حرب داخلية، والإنفراط، وتخريب بلدك..
  والاّ إنتا وحزب الله واحد…

• انو يكون لبنان جزء من دائرة الإستهدافات الصهيونية هيدا أمر عمرو من سنة 1948…وعندما انقلبت موازين القوى في العراق وسورية، وهُزم الإرهاب في لبنان، دخلت إسرائيل عَ الخط، وأنا شخصياً مش مقتنع انو في حرب. لأنو ليبرمان تبنّى كلام سماحة السيّد، وقت قال: أي حرب بتعملا اليوم، لن تكون ولن تقتصر على حدود سورية ولبنان.. ستذهب عميقاً الى مناطق أخرى..
• إسرائيل بتقصف، وبتضرب، وبتاكل راس الآخرين، سقطت من سنة 2006. العقل الصهيوني بحساباتو الدقيقة، إذا في أمل 5% ما يحقق أهداف الحرب، انعكاساتا هالمرّة وجودية عَ الكيان. وبالتالي المعادلة الردعية أعطت مفعولا منذ عام 2006.

راقبت مواقف الأطراف المحلية، خصوصاً المعنيين الأساسيين، الشعور بالمسؤولية كبير، والحريري واضح ارادتو المنصرفة الحاسمة بكلماتو وتصاريحو.. التركيز على الاستقرار في لبنان.

• استدعي الدكتور جعجع، رجع عطيني تصريح واحد الو.. لحدّ هلق كلّو واعي المخاطر التي ترتّب على الساحة الداخلية. في حال انجرّو على انغام الفتنة سقفو، شو مكان بالسعودية، هو إعادة توازن معيّن في الساحة الداخلية لمنع استثمار التطورات الميدانية التي طرأت في العراق، وسورية على الساحة اللبنانية
• السعودية تملك جيداً انو أي “قلبة” إجر أو خطأ بالحساب بلبنان، نتائج المعركة مش لمصلحتا..

العماد عون

• بيوقف رئيس أميركا وبيحكي عن توطين النازحين حيث تواجدهم، بدك رئيس الجمهورية يللي اسمو ميشال عون يروح يمضي ويوقّع على النزوح والتوطين..

شو الإمتعاض؟

• أنا بفتش على الإمتعاض مقابل التسليم والسكوت على مسألة التوطين.. شو هالحكي هيدا؟؟ المعركة وجودية، وأهلنا السوريين واحباءنا وبقلوبنا، بس نحنا ما منريد حدن يستثمر وجودن في لبنان، لَ يحولهم لجزء من الإستهدافات للمنطقة وتآمر على البلد..
• مبارح كان العماد عون قاعد بفرنسا ومنفي من بلدو.
  وقاعد 15 سنة.. قدرت فرنسا ومخابراتا تأثّر عليه، وتوجهو..
  انو يا بكون متل غيرو، بيستسلم للإغراءات، ويمشي بالمخطط الصهويني المُعدّ للبلد، أو انو منقول معارض… يا بفوت بمؤامرة ضدّ حزب الله… بدّو يفهما الشعب اللبنانين شو المطلوب نفوت باتفاقات دولية ضدّ حزب الله.. !!

السعودية

• الدور المنتظر في المنطقة يؤشر انو السعودية مدركة سقف الإستهدافات والمعارك وين بدها تروح.. والحريري يللي هوي حليف طبيعي للمlلكة، وهي لا تستطيع أن تتجاوز دورو المركزي في الساحة اللبنانية، ككائن بذاته.. لأنو عندو شرعية خاصة فيه، بمعزل عن إنتمائو للمملكة..
• السعودية عم تمدّ حالها عَ كل المكون اللي بتعتبر نفسا معنية فيه. ولكنها بتعرف انو الحريري ما بيقدر يتجاوز سقف البيان الوزاري، في لعبة الصراع والكباش الإقليمي. لأنو يؤدي الى تفجير الحكومة
• لنأخذ بسيناريو نظري، أنّه اتخذ قرار المقاومة سلمّت سلاحا للجيش.
  وكل المقاومين يروحو عَ بيوتن وأشغالن. ويبطلو قاعدين بالثغور، وعَ الجبال. 
  ويطلع سماحة السيّد يتمشّى ببيروت، خلص هوي صار مواطن عادي.. 
  مين بدّو يحميه من الإنتقام الصهيوني… هودي اللي بيقعدو يحكو!!!

تسأله إعلامية قناة الـ”nbn”: هم يريدون الجيش اللبناني.. يردّ الفرزلي:

• انا ايلي نجيب ملحم إبراهيم يعقوب الفرزلي من جب جنين، انا عم قول: هيدا مطلبي..
  انا بنسى ماذا حدث في “فردان” في بيروت باستهداف القادة الفلسطينية..!!
  ما بعرف العقل الصهيونية.. مين الضمانة.. !! لذلك بدنا نرّوق بالنا عَ بعضنا..

وهل عدنا الى إنقسام المسيحيين!

• الاتفاق أو عدمو، مش معناتا إنقسام مسيحي. ما هوي ثقافة إدخال النسبية، هدفو ادخال هذه التعددية ضمن الطوائف، وأنا نظرتلا بالإقتراح الأرثوذكسي..
• الإتفاق المسيحي، ترجم: برئاسة جمهورية – تشكيل حكومة – قانون إنتخاب، هيدي هيي المسائل الأساسية الكبرى، البقية مش مطلوب أن تُترجم..

التنسيق مع سورية

• هناك وجهة نظر بضرورة الإتصال بالدولة السورية، وترتيب عملية العودة، ويللي بعرفو، إنو مئات آلاف من النازحين الموجودين، هربانين (فرار) من الجندية، وما الها علاقة بالحرب.. وبالتالي هذه المسألة الا تتطلب اتصال بالدولة السورية، لإقناعها إيجاد حل.. حتى يعود مئات الآلاف..
• إذاً قادرين يعملوها عبر الأمم المتحدة، يشرفو يقدمو عليا بأسرع وقت، ويحلوها حتى نزقفلن.. أيا أمم متحدة.. الرئيس ترامب بيحكي عن توطينهم بحيث تواجدهم، وفي أمم متحدة بلا أميركا..!!

• رئيس بلدية زحلة نتيجة المشاكل اللي عم تصير،
  والتداخل السكاني بقلب المدينة، قرّر يطلعن برات المدينة،
  الأمم المتحدة قامت القيامة، إجت تضغط عليه،
  طبعاً قلن: هيدي بلدي، وما الكن علاقة، وفلو من هون، وفلو…
• بس لا أمم متحدة، ولا نتيجة… بسأل سؤال اللبنانيي، بركي أخدت 4-5 سنين.. 300 – 400 الف ولادة غير معترف فيهن بسورية، شو بتعملي يا لبنانيي.. بتوطنوهم؟؟؟
  بدكم تلعبو بوحدة البلد… معناتا مقدمة الدستور تطيحو فيها.. النزوح متل ما عرفّو الرئيس عون صحيح، هو إعتداء على السيادة، لأنو النزوح يأتي الآخر دون إذن، أمّا اللجوء هو عندما يكون هناك موافقة على تلقّف وتقبّل رسمي وقانوني لحالة اللجوء….

رصد Agoraleaks.com