Agoraleaks Agoraleaks
– كاترين لـOTV: ليلة 13 ت1 عطاني الجيش صورة صيدنايا، احترقت وخلصتنا.. وبنت اختي رفضت مغادرة القصر (Audio)
– تقرير مصّور عن 13 تشرين الأول 1990 – 2017 (ريتا نصور أنجيليني)
***
كاتيا
في اتصال هاتفي من السيدة كاتيا ضمن برنامج “أجندة اليوم” على قناة الـ”OTV” تحدثت عن 13 تشرين الأول 1990:
- نشكركم على الحلقة المخصصة عن 13 تشرين الأول 1990،
يللي بتبث فينا الأكسيجين.. - ومنشكر ريتا نصور انجيليني على التقرير المصوّر عن 13 تشرين،
لأنو هالأجواء ما لازم ننساها.. - و 13 تشرين الأول، الو علاقة بظهورات فاطيما، ومعجزة الشمس،
فنهار 13 تشرين الأول هوي نهار “قيامة” ونهار رجاء وإيمان بهالأرض.. وبرئيس هالأرض هلق، يللي هوي الجنرال ميشال عون.. الله يخليلنا ياه، وهوي قلب 13 لَ 31 تشرين وانتخب رئيس للجمهورية. - كلّو مُدبّر، وأكيد في عناية الهية..
فمنشكر ربنا
ومنشكر العدرا
ومنشكر اللبنانيي الأوفياء..
وما منشكر أبداً الجرايد.. أكيد لاق.. منا بحاجة لجرايد، نحنا قلوبنا جرايد… فكرنا وعقلنا جرايد.. نفسنا ونبضنا جرايد… ونحنا ما مننسى مش ميشان نحقد لاق، ميشان نتعلم.. وتحية لكل اللبنانيي الشرفاء، ولكل مناطقنا، والله يحمي لبناننا من كل الخونة والبشعين…
***
كاترين
- بِ 12 تشرين الأول 1990.
مرقت عَ حاجز الجيش، بيعطوني صورة العدرا تبع “صيدنايا”، قالولي: إذا ممكن..
قلتلن: نحنا أصلاً صلاتنا كلها لالكم.. - كنت متجهة عَ الرابية بشغل.
بالليل عشية، حطيت الصورة قدام الشمعة، احترقت..
دغري تلفنت ع بعبدا، بنت إختي كانت مع العماد عون بالقصر.
قلتلا: خالتي شو الوضع؟
قالتلي: في كتير خوف..
قلتلا: بروح جيب تاكسي وبجيبك..
قالتلي: متل ما بصير مع العماد، بصير عليّ وعلى عيلتي، ولا ممكن إضهر..
وكان 13 تشرين.. بس دخيل اجريها العدرا، إحترقت هيي الصورة، بس تخلصت الشعب وخلصتنا كلنا - وبالفعل يوم 13 تشرين، في ظهورات العدرا بفاطيما..
ونشالله بهالأيام يرجع مجد لبنان يا رب..
رصد Agoraleaks – 2017
