باسيل بذكرى 13 تشرين الأول: ما تراهنو عَ تعبنا وتشويه صورتنا.. رح نربح ونربّح كل لبنان (Audio)

نحنا نقيض الآحادية، فما تقولو عنا الغائيين.
نحنا نقيض عنصرية إسرائيل وداعش، فما تقولو عنا انو عنصريين.
نحنا وطنيين، ووطنيتنا رح تمنع التوطين يا موّطنين.

***

مقتطف من حديث رئيس التيار الوطني الحر في ذكرى 13 تشرين الأول 1990: ( بلاتيا – 2017 )

للآخرين منقول:

• 13 تشرين كانت هزيمة المحتل، و 31 تشرين هيي انتصار المقاوم.
  تعلموا وما تراهنو على:
  – صبرنا
  – اندفاعنا
  – تعبنا
  – تشويه حقيقتنا
  – وجودنا بالسلطة، لأنو ما رح تتعبنا، ولا رح تنهكنا، ولا رح نصير متلا، وهيي رح تصير على صورتنا..
• ما تراهنو على وهن قضيتنا،
  لأنا بكل دمة ام،
  وبكل حرقة أخت.
  وبكل عقل وضمير، وقلب ووعي، ولا وعي، وذاكرة،
  وبكل واحد من الناقورة للعريضة، من الجرود للبحار وما بعد البحار بكل العالم.

نحنا نقيض الآحادية، فما تقولو عنا الغائيين.
نحنا نقيض عنصرية إسرائيل وداعش، فما تقولو هنا انو عنصريين.
نحنا وطنيين، ووطنيتنا رح تمنع التوطين يا موّطنين.

• ما تراهنو على فشلنا بالحكم، بل انطرو المزيد من الطاقات.
  كنا صورة معلقة على الحيط. وربحنا..
  اليوم نحنا صورة بكل دايرة، ليربح معنا كل لبنان..
• انتو بكل ضمير ،
  وبكل ضيعة،
  وبكل طايفة،
  وبكل مذهب،
  انتو ما في خطوط حمر قدامكم، نحنا كلنا ما منوقف ضدّ خط أحمر دولي..
  نحنا خط الأحمر الوحيد: هوي وحدتنا الوطنية.
• سياستنا التلاقي والتواصل، والعمل، والإنجاز.. التغيير والإصلاح، وبهيدي السياسة والأخلاق، وبالكرامة والعنفوان رح ينتصر لبنان، ونكرّم عَ طول شهدائنا، وشهداء 13 تشرين الأول 1990، وشهداء كل ذكرى، وشهدا كل بلنان، لأنو كل لبناني سقط من أجل لبنان هوي شهيد لكل لبنان، مش لطايفة ولا لحزب، ومش لتيار.. أنتو لكل لبنان، وانتو لبنان..

عشتم وعاش لبنان