أمل أبو زيد: وافقنا عَ التمديد الأخير لإنجاز الإصلاحات.. (Audio)

– لوضع ضرائب على البضائع التي تضرب الإنتاج المحلي كقطاع الألبسة وغيرها..

***

مقتطف من حديث النائب أمل أبو زيد لقناة الـ”OTV” ضمن برنامج “بالمباشر”: (تشرين الأول 2017)

الوضع الإقتصادي

• بيكفي بقا نشتغل بمالية الدولة دون إقرار موازنة، لأنو صرنا بمرحلة الخطر، ولازم نفكر نتعاطى بإيجابية لمصلحة الجميع.
• سلسلة الرتب والرواتب مطلب حق، ولازم كانو يحصلو عليا اللبنانيي من سنة 1997، وبالتالي في تراكم كتير كبير أوصلنا للمرحلة الحالية. وصار في التزام من المجلس النيابي وصوّت لصالحها..
• بخصوص يوم الجمعة (تعطيل أو لاق) النائب خالد الضاهر قدّم المشروع.. والرئيس بري علّق: انو انتو منكن مسلمين أكتر مني، لنبحثو بهدوء، والإمكانية لبحثه بهدوء موجودة.
• الدولة قادرة تفرض سلّة متكاملة من الضرائب.
  – على المصارف
  – على الشركات الكبيرة
  – الأملاك البحرية
  – التحسين العقاري
  – موضوع شركة المرفأ
  الدولة قادرة تحصّل مصاري لتضخّ أموال وتأمين مداخيل اضافية، وبرأيي في مداخيل أخرى، مثلاً قطاع الألبسة بلبنان، مفتوح لمين مكان، يطلع ويجيب بضاعة من تركيا ويجي.. وإذا دفع مصاري على المرفأ..
  ليه ما منخلق ضريبة ونخلي الصناعات اللبنانية تنتعش بلبنان… في بلبنان حوالي 350 مصنع للألبسة منتشرة بكل لبنان، هيدا قطاع كتير مهم، وغير قطاعات عم تنضرب من ورا عدم وجود ضرائب على السلع المستوردة من الخارج..

الإنتخابات

• جميع المسؤولين، من رئيس الحكومة ورئيس المجلس لفخامة الرئيس للأحزاب الرئيسية عن تقول بدنا نلتزم بتاريخ انتخابات النيابية، بايار 2018.
• بخصوص الآلية رح يصير في بطاقة ممغنطة، او بطاقة بيومترية،
  نحنا وافقنا على التمديد سنة كتيار وطني حر من أجل البطاقة.
  ولكن ملحوظ بالقانون في حال لم تُطبّق البطاقة في عنا التذكرة أو حتى جواز السفر.
  لكن كمان كان من قبلنا في إصرار للإصلاحات، لأنو هدفنا نزيد نسبة التصويت من قبل اللبنانيين، وتحديداً من قبل المسيحيين. ولحتى يكون المغترب يكون عندو حق التصويت..

رؤية إقتصادية

• علينا الإنتقال من إقتصاد ريعي الى اقتصاد منتج جدّي، لهذا بدو يكون في استثمارات بالبنى التحتية، للحركة الاقتصادية تنتعش.. وهيدا بدّو توقيف للهدر والفساد اللي ضارب أطنابو، وبرأينا بتحسين الظروف منسمح للمغترب اللبناني وللمنتشر اللبناني انو يكون عندو دور مهم بأي عملية اقتصادية.
• نحنا عايشين بلبنان سعر البترول عم يتراجع. التحويلات من الدول القريبة تراجعت، وبالإضافة عليا نتائج الحرب السورية والعراقية. لكن اليوم التيار قدّم ورقة إقتصادية، وتشاور مع معظم الأحزاب لينهض بالبلد…

ربط نزاع

• بالسياسة الداخلية اللبنانية موضوع الحكومة في ربط نزاع بجميع الأمور الخلافية..
• حزب الله بالنسبة النا، حزب لبناني منو حزب إيراني.
  ولاد حزب الله هني ولاد ضيعتي وولاد الضيع القريبي لالنا.
  هوي حزب لبناني، ويمارس سياسة خاصة فيه، متل أي حزب آخر.
  وهوي جزء من حلف كتير كبير بتبلش من سورية، بتروح للعراق، لليمن… وهوي ضد السياسات الأميركية والإسرائيلية التي تسعى الى تفتيت المنطقة المحيطة فينا، ودخل الى الحرب في سورية متل ما غيرو دخل بطريقة مباشرة وغير مباشرة، وأطراف لبنانية وغير لبنانية.
• تيار المستقبل كان عم يؤيد الأطراف المعارضة في سورية، متل ما حزب الله كان عم يؤيد الدولة السورية. وبوقتا صار في حديث: انو تعو نتقاتل بسورية وتركو لبنان، وقدرنا رغم بعض الحوادث، من تفجيرات وتفخيخات، وراح شهداء لبنانيين، وحصلت بعض المعارك.. ولكن بالحدّ الأدنى.. واليوم الاستقرار موجود، ولازم يبقى..

رصد Agoraleaks.com