وديع عقل يتصل هاتفياً بـ”جان سعادة”: بدّك تتحمّل مسؤولية التعديات الواضحة ويللي أمام عيونك (Audio+Pictures)

– التعديات على الأملاك العامة تتفاعل.. واستنفار لبلدية الظل في جبيل والجبيليين، وناجي حايك على الأرض..

***

أجرى مستشار وزارة مكافحة الفساد المحامي وديع عقل اتصالاً هاتفياً برئيس مرفأ جبيل جان سعادة طالباً منه تطبيق القانون، ووقف التعديات على الأملاك البحرية في مدينة جبيل (البحصة)، ومما قاله عقل: 

• أستاذ جان، عم ينصبّ باطون،
  مرتين عَ الشط بجبيل عَ شط “البحصة”
  وأنا مبارح نزلت عاينت بتكليف من وزير مكافحة الفساد، وكان معنا أشخاص من بلية الظل في جبيل.
• الباطون عم ينصبّ خلافاً حتى لتوجيهات وزارة الأشغال بالكتاب الموجه لحضرتك، وما في حدا تحت.. وما في ولا موظف من عندك موجود

يقول سعادة: انا مشوار طريق وبوصل، يقول عقل:

• أستاذ جان، جبالات الباطون لتاني نهار عم تصبّ،
  وبعتقد انو لازم تكونو عَ الدوام الساعة 8:00 وصارت الساعة 9:30..
• بيكفي مخالفات عَ شط جبيل اساذ جان.
  أنا عم بلغك.

يقول جان سعادة: باطون ما منقبل.. يضيف المحامي وديع عقل:

• أستاذ جان، كان مفترض فيك تكون حضرتك ومجموعة المينا من أول مبارح هونيك.
  هيدا التأخير ليه؟؟
  وصلكم خبر وما تحركتو.. وكل جبيل معا خبر..
  هيدا التقصيربدك تتحمل مسؤوليتو.. حضرتك ويللي معك
• أستاذ جان حضرتك من جبيل وموجود بجبيل، وبعيد 50 متر عن مطرح ما عم ينكبّ ماي عَ البحصة بجبيل عَ الشط..
• بدك تتحمل مسؤولية شخصياً،
  انت موظف قصرّت بواجباتك، ووزير الأشغال العامة مكلفك تكون موجود..
  وصرنا رايحين على المطقة 3 مرات ومش موجود

يقول سعادة: أنا ما بقصّر بواجباتي. يعلّق عقل:

تفاعل على مواقع التواصل.. ومتابعة ميدانية

• هيدي الورشة بدها اليوم توقف.
  الورشة مخالفة، وبدو ينفك الباطون من هونيك.
• في بوكلين موجودي على الشط ما بصير كل الجبيلية شايفينا وانتا مش شايفا

رصد Agoraleaks,.com