Agoraleaks Agoraleaks
– رئيس بلدية سابق يعتدي علىالأملاك العامة البحرية بغطاء وزارة الأشغال (جورج عبود)
– وديع عقل: نحنا بعهد النضافة وفخامة الرئيس ما بيجي يتلوث شط لبنان…
***
فصل من فصول التعديات على الأملاك العامة البحرية، هذه المرة على شاطئ جبيل الشعبي، المعروف بالـ”بحصة”، أعمال الصب بالإسمنت تطال الشاطئ، وتقسمه الى شطرين، وتسيء استياء الجبيليين وخاصة بعد إكتشاف أن الأعمال تجري تحت غطاء من وزارة الأشغال، وبحجّة أشغال تدعيم..
يقول مستشار وزارة مكافحة الفساد المحامي وديع عقل:
- الباطون واضح وعلى شطّ البحر، وهيدا الشي بهدّد الشاطئ كلو، وبيقطعو من ميل لميل.
وبعدان بتصير في حالة قائمة، وبصيرو بدن يشرعوها، لَ يحاولو يعملوها “تعدّي سابق” على الأملاك العامة. - الموضوع مش مقبول.. ووزير مكافحة الفساد عم يتحرّك وكذلك معالي وزيرالبيئة، وطلب من النيابة العامة البيئية التحرّك فوراً.
من منطلق أنّ الشاطئ هو ملك للمواطن، تحرّك وزير مكافحة الفساد.. يضيف عقل:
- نطلب من وزارة الأشغال، لأنو هني معنيين بحماية الشط.
في قوى امن داخلي مختصة بموضوع الشواطئ،
وكذلك رئيس مينا جبيل معني يجي لهون ويكشف. - لحدّ هلق ما طلّو لهون، وهيدا الموضوع لازم ينتهي ب 24 ساعة.
- الباطون المحطوط ع الشط، لازم ينشال.. ونحنا بعهد النضافة وفخاامة الرئيس ما بيجي يتلوث شط لبنان.
بلدية الظل في جبيل المعنية مراقبة عمل البلدية الأصلية اشتكت من فورة التعديات والمخالفات في المنطقة..
يقول أحد أعضاء بلدية الظل لمدينة جبيل:
- بجبيل صرنا بؤرة مخالفات، وأنا أكيد إذا بينعمل مسح شامل لكامل الأبنية بمدينة جبيل يللي تعمرّـ تقيرباً على الأملاك البحرية او بالأحياء الخاصة أو الأسواق، بآخر 10 سنين، المخالفات لا تُعدّ ولا تُحصى
- عم نحاولنتواصلمع البلدية، النا فترة.
لحدّ الآن البلدية منا حابا تفتح معنا حوار.. عم ينعمل استثمارات خاصة، وهيدا الشي ما بجوز، وشي معيب.
قناة الـ”otv” اتصلت بصاحب المشروع، رئيس بلدية السابق جينو كلاب للإستيضاح عن الأعمال الجارية، يقول: هيدا ممرّ بحري، حاطين باطون ولكن فسخ تاني سنة، وكمان فسخ تالت سنة، طلبنا إذن إجو كشفو، وخمنو وكذا، وقالو بيسمحولنا بالترميم، وتدعيم..
الحق بالولوج الى الشاطئ مقدس، وجلّ ما يريده المواطن الجبيلي هو الحفاظ على شاطئ جبيل الشعبي، وإزالة التعديات عنه كونه المتنفس الوحيد لهم، وكي لا يلقى نفس مصير شاطئ الرمل…
رصد Agoraleaks.com
